أحمد عمار: يحكى أن.. حاكم ظالم...

قال الراوي:
يحكى أن..
حاكم ظالم..
فكر نفسه الناهي..
الآمر..
واحد..
قادر..
رازق..
قاهر..
عمره ما فكر يصبح ساتر..
كان من حوله يسبح ليه..
كل الناس..
تركع..
تسجد..
تعبد فيه..
صار الحاكم..
خالق..
بارئ..
أول..
آخر..
هو إلهنا..
يحكى أن..
حاكم ظالم..
اللي مفكر نفسه الخالق..
ناهب..
سارق..
كل القوت..
تاجر شاطر..
كان بيبيع للشعب الموت..
موت الحلم..
موت العلم..
موت القلب النابض فينا..
حتى عينينا..
صبحت مش بتشوف غير عتمة..
شارع ضلمة..
كان متصور..
إن الضلمة..
عمر ما فيها تشوف النور..
قول لي يا صاحبي..
عمرك شفت النور ف النور؟!..
أصل النور..
محتاج ضلمة..
لاجل يبان..
لاجل ما يضوي..
جوه قلوبنا..
يحكى أن..
ضوى النور..
هد السور..
هد الخوف الساكن فينا..
هز الأرض..
ميل واتشق يا جبل الطور..
ربك يحيي الحلم الميت
جوه قلوبنا..
هو المحيي..
يحيي النبتة..
جوه الأرض القاسية البور..
نبتة حلمي..
هزت كرسي الحكم الظالم..
ربك عالم..
ربك عادل..
ربك راحم..
ربك صانع حريتنا...
قال الراوي:
يحكى أن..
*