من موسوعة الأمثال الشعبية العربية (جمال طاهر - داليا جمال طاهر)

*ادلعى يا ضره لحد ما يطردوكى بره
*أدينى حيه لما أشوف اللى جيه
* الدرة تعدل العصبة
* الدرة ما تحب لدرتها إلا المصيبة وقطع جرتها
* القديمه تحلى ولو كانت وحله
* اللى ما يعرفش يقول دا كف عدس
* اللى يعيش ياما يشوف واللى يمشى يشوف أكتر
* زى تنابلة السلطان يقوموا م الشمس للضل بعلقه
* زى بعجر أغا مفهش غير شنبات
* لبس البوصة يبقى عروسة
* لبس الخشبه يبقى عجبه
* لبس الخنفسه تبقى ست النسا
* امتى طلعتى القصر قالت امبارح العصر
* اللى ما ينفعش طبله ينفع طار
* الإيد اللى ما تقدرش تقطعها بوسها
* أخر خدمة الغز علقة
* اللى يقول لمراته يا عوره يلبعوا بها الكورة واللى يقول لمراته ياهانم يقابلوها على السلالم
* سيبى جوزك على هواه لما يجي ديله على قفاه
* مطرح ما تأمن خاف
* اللى يحسب الحسابات فى الهنا يبات
* اكفى القدره على فمها تطلع البنت لأمها
* الشيخ البعيد سره باتع
* اتعب على أرضك تتعب عليك
* أدور عليك فى السما القاك فى الأرض
p style=\"text-align: center;\"موسوعة الأمثال الشعبية العربية تباع لدى : دار الفكر العربى - مكتبة ليلى - مكتبة ديوان - مكتبة أفاق - مكتبات الأهرام - مكتبات أخبار اليوم