انطلاق الحمله الخامسه لتوعيه الابناء اتجاه ابائهم (بر الوالدين )

(ناس كتير هاتخاف تقرا الحمله دى بس فعلا هاتفرق معاكم كتير,,,
_ الاب والام زى المدرسه الى بتدخلها ,,(في الى بيدخل مدرسه خاصه _والى بيدخل مدرسه حكومه _والى بيدخل مدرسه فاشله وضعيفه_ والى بيدخل مدرسه ناجحه ومتطوره _والى مابيدخلش مدرسه خالص (اليتيم ) )
والابناء زى الطلاب (فى الى بيزاكر ويسمع كلام المدرس وينجح برغم ان المدرسه ضعيفه وفاشله وفى الى بيسقط ويفشل برغم ان المدرسه متطوره وناجحه لانه مش مجتهد _وفى الى مابيروحش مدرسه بس بيروح فصول محو اميه ويحاول يعلم نفسه على قد ما يقدر من المجتمع والناس
_ قبل ما تلوم على المدرسه الى علمتك(الاب والام ) وحسيت انك ماتعلمتش صح او ماتعلمتش كل حاجه كنت محتاجها ,,
افتكر انهم قدمولك اقصى ما عندهم والتقصير كان غصب عنهم وانت الى كان لازم تزود علمك وكفايه انهم علموك المبادئ الى تخليك تقدر تكمل (من علمنى حرفا صرت له عبدا ) وانت لما تخلف هاتقدم لاولادك برضو اقصى ما عندك و هايحسو انك قصرت لان الزمن بيتطور ومابيقفش عند معرفتك انت بس !!!!
شوف بقى ابوك وامك علموك ايه من يوم ماتولدت (الاكل _الشرب _المشى _الكلام _العب _الضحك_التفكير_الفهم_التميز_الكتابه_البس_النظافه_النظام_التعامل_المبادئ_الدين_ا
لحديث_المشاعر_التعليم _التسامح _الصبر_الحب _القوه_العزيمه_الاجتهاد_العمل مليووووووووووووووووووووووووووووون الف حاجه اتعلمتها ) فى الاخر بتاعتبهم انهم نسيو شويه حجات !!!او ماكنوش اصلا يعرفوها ,,,
_ تفتكر فى المقابل المفروض تعمل ايه ؟؟؟ على الاقل شكرا ليهم كل يوم شكرا كل ماتلاقى نفسك فى شغلك ومعاك شهاده ,,شكرا كل ماتلاقى صحتك حلوه لان فى اهل حافظو عليها من الصغر ..شكرا كل ماتلاقى نفسك بتتعامل مع الناس ولا متجوز ولا مخلف ,,شكرا كل ماتلاقى نفسك قريب من ربنا لانك عارف دينك ,,شكرا كل ماتتنفس وكل ماتفتكر انك جالك فرصه تعيش فى الدنيا وتغوض الاختبار عشان ربنا يكافئك وتدخل الجنه
شكرا انك كيان وشئ ملموس كان ممكن تبقى ولا شئ !!!!!!!!!!!!
وكل الشكر ده اوله حمد لله وشكر ليه لانه قبل اهلك السبب فى كل شئ
_ تفتكر لو انت بقى خلفت زيهم وتعبت وشفت المر وبعد ماولادك يكبرو
(مافيش احترام ويتعاملو معاك ند ليهم _مش عاوزين يقدمولك شئ لا معنوى ولا مادى وعاوزين ياخدو منك بس_ فى مرضك بنسبالهم عادى ومش فارق اهم حاجه يلاقوك فى مرضهم _مايسمعوش كلامك وعاوزين يكون ليهم رائ مستقل ومعارض ليك على اساس ان مش انت الى علمتهم ازاى اصلا يفكرو ويتكلمو _ يكزبو عليك ويجاملوك كانك شخص غريب عايشين معاه بس لحد ما مصلحتهم تخلص )
_واهم مرحله اول مايتجوزو :
(ولا كانك كنت شئ فى حياتهم مجرد شخص يشوفوه كل فتره ويكلموه فى المناسبات قال يعنى عشان ربنا وعشان صله الرحم !!!!! وطبعا بيقابلو صحابهم وزمايلهم وجرانهم وقرايب ازواجهم واصحاب ولادهم اكثر ما بيقابلوك بكثير وانت يدوب يفتكروك كل مايسمعو حاجه عن الاب والام اغنيه ولا دعاء ولا سوره قرانيه ولا مناسبه (برغم ان لولاك ماكنوش هايشوفو الناس دى ولا يقدرو يتعاملو معاهم ولا الناس دى كانت هاتعرفهم او تحترمهم )
طبعا خوفت وحسيت انك لو ماخلفتش احسنلك بكتير صح ؟؟؟؟
هوا ده بظبط احساسهم بعد مايطلع عينهم ويضيعو عمرهم ويكبروك ويبقى ده المقابل
بيقولو لنفسهم ياريتنا ما كنا خلفناه !!!!!!!
كما تدين تدان ارجوكم حاولو على قد ماتقدرو توفو الجميل ومش هاتقدرو بس حاولو
وساعدوهم يكملو حياتهم مع العجز والمرض والحبه الصغيرين الى باقين من الصحه والعمر والعقل الى ضاعو عليكم
كل الخير ده لازم يترد بزياده لانهم هما الى ابتدو معاكم بالخير وده مجرد رد جميل
يارب يسامحنا ويغفرلنا جميعا ارجو النشر
النصيحه صدقه جاريه
بقلم : نسمه النجار
ماذكر فى القران والاحاديث عن بر الوالدين :
(وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلَاهُمَا فَلَا تَقُلْ لَهُمَا أُفٍّ وَلَا تَنْهَرْهُمَا وَقُلْ لَهُمَا قَوْلًا كَرِيمًا
(في سورة النساء وَاعْبُدُواْ اللّهَ وَلاَ تُشْرِكُواْ بِهِ شَيْئًا وَبِالْوَالِدَيْنِ إِحْسَانًا وَبِذِي الْقُرْبَى وَالْيَتَامَى وَالْمَسَاكِينِ وَالْجَارِ ذِي الْقُرْبَى وَالْجَارِ الْجُنُبِ وَالصَّاحِبِ بِالجَنبِ وَابْنِ السَّبِيلِ وَمَا مَلَكَتْ أَيْمَانُكُمْ إِنَّ اللّهَ لاَ يُحِبُّ مَن كَانَ مُخْتَالاً فَخُورًا )
(في سورة لقمان وَوَصَّيْنَا الْإِنْسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ )
(في سورة الأحقاف وَوَصَّيْنَا الْإِنْسَانَ بِوَالِدَيْهِ إِحْسَانًا حَمَلَتْهُ أُمُّهُ كُرْهًا وَوَضَعَتْهُ كُرْهًا وَحَمْلُهُ وَفِصَالُهُ ثَلَاثُونَ شَهْرًا حَتَّى إِذَا بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنْ الْمُسْلِمِينَ )
(في سورة العنكبوت وَوَصَّيْنَا الْإِنْسَانَ بِوَالِدَيْهِ حُسْنًا وَإِنْ جَاهَدَاكَ لِتُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا إِلَيَّ مَرْجِعُكُمْ فَأُنَبِّئُكُمْ بِمَا كُنْتُمْ تَعْمَلُونَ)
قال رسول الله صلى الله عليه وسلم : أي العمل أحب إلى الله ؟ قال : " الصلاة على وقتها .ثم بر الوالدين ثم الجهاد في سبيل الله " .
وقال رسول الله صلى الله عليه وسلم : (من أرضى والديه فقد أرضى الله، ومن أسخط والديه فقد أسخط الله) (حديث مرفوع) .