حوار مع الممثل احمد على

فى البداية تعرفنا بنفسك وانت خريج ايه
انا اسمى احمد على من مواليد الإسكندرية خريجه هندسه الاسكندريه .شعبه الكترونيات
متزوج ولدى ثلاث أولاد كريم ومصطفى وفرح
وانت حاليا مقيم بالاسكندرية ؟
الاولاد اه فى الاسكندريه. اما انا فى القاهره وبنزل الاسكندريه برضه يعنى هنا وهناك حسب الشغل
متى بدأت العمل فى التمثيل ؟
من 5سنين تقريبا
وما هى الأعمال التى شاركت فيها ؟
قدمت مسلسلات " سوق الخضار - البوابه التانيه - لا احد ينام فى الاسكندريه - وعد ومش مكتوب - خطوة عزيزه - حنان وحنين - قلب امراه - حاره زعفران
والحمدلله صورت مع اشرف عبد الباقى لرمضان القادم مسلسل أنا وبابا وماما
وايه الى شجعك انك تشتغل فى التمثيل ؟
بحب التمثيل جدا تقدرى تقولى ادمان
جميل طب ليه درست هندسة ؟
ولدى.الله يرحمه.مهندس وعمامى كلهم مهندسين.انا اسم عمارتنا فى الشارع عماره المهندسين
رغم كده بحب الالكترونيات
لكن مشتغلتش فى الهندسة خالص من بعد الجامعة بدات التمثيل ؟
لا انا عندى مركزه صيانه فى الاسكندريه.بتاع ولدى الله يرحمه.وشغال فى لحد الان بجانب التمثيل
وبالنسبة للافلام انت قدمت فلمين ؟
دول اللى اتعرضه اما فى فيلمين اخرين لم يعرضه
فيلم اسمه ليله واحده.اخراج اكرم فريد.وبطوله جمال سليمان
وفيلم تانى انتاج هانى جرجس اسمه توتى فروتى
اللى اتعرضه افلام قصيره تم عرضها فى الأوبرا وفى مهرجانات
فيلم الحارس
فيلم "سوق الجمعة" الحائز على جائزة الإخراج لمحمد الميهى واحسن تاليف للكاتب محمد الطيب
ودخلت مسابقه مسرحيات .واسم المسرحيه اللى دخلنا بيها منين اجيب ناس. واخدنا اول مركز على مستوى القاهره.وانا الحمدلله اخدت جائزة احسن ممثل من اللجنه
وحنعرض قريبا على المسرح القومى
وحنعرض فى شهر 6على ساقيه الصاوى
ومخرج المسرحيه اسمه الامير زكريا
مين مثلك الاعلى فى التمثيل
احمد زكي الله يرحمه
ما هى الجوائز التى حصلت عليها ؟
فى فيلم الحارس احسن وجه شاب
ومسرحيه منين اجيب ناس احسن ممثل
وعملت مسرحيه .أنتاج ام بى سى مصر. اخراج عصام السيد.اسمها يا طالع القلعه. واتعرضت على قناة ام بي سي مصر.مكان برنامج باسم يوسف الجمعه اللى فاتت
وماذا عن طموحاتك الفنية واالشخصية ؟
ان شاء الله عشمى فى ربنا كبير.انى أنجح فى التمثيل.واشرف اولادى.واخواتى وكل الناس
تمام شكرا ليك واتمنا لك التوفيق تحب تضيف حاجة كمان
اكيد احب اضيف انى اشكرك وشكرا على اهتمامك واشوفك اكبر صحفيه