حدوتة العصافير الخضر

فوق شجرة العصافير
حكايات كتير ساكنين
و لكل قصة بطل
و الرك ع الراوي
اخوات من العصافير
و الام حامياهم
و جوه العش تلاقيها حاضناهم
و العش ريش او قش
و هو ده بيتهم
مهما يغيبوا سنين
العش حاضنهم
مش هحكي ولا اطول
و هقولها م الاول
العش مداري ياما
فوق شجره الحكايات
و الشجره شافت كتير
و حضنت الاخوات
محمود رضا
حكاية قلب ل / محمود رضا
....
الحكاية
كانوا ابطالها
اربعة م العصافير الخضر
عايشين جوة احضان صفافها
اغصانها
الحلوة الهفهافة
بتضلل على العش بحب
تحميهم من برد الحزن
تتحمل
انياب خفاش
مغروزة جوة فروعها بجبن
بتبهش فيها
وعيونة مليانة بالشر
عايشة وصابرة
لحد ما كيل صبرها فاض
وسمة
كان قرب ينفيها
يهد العش
لمت
كل احزانها ورحلت
منعت عنها
رذاذ المطر
خايفة لتيجى تبل الريش
سهرت
تعبت
كنها من حراس الكنز
والعصافير
بيطول ريشهم
وبيمتد يجيب الحلم
اشتاقوا يرجعوا نفس الارض
طاوعت
رجعت
والخفاش كان سانن نابه
ناصب شبكة كدب وغش
هما يومين
دبلت اغصانها
واخر ورقة في عمرها
وقعت
وغصبن عنها انقفل الحضن
سابت عصافيرها
لاحزانهم
تمرجح فيها
ويطيروا من عش لعش
لا في مكان زى حضنها واسع
ولا في حد يديلهم وش
كل قلوب
الطير انفرشت كدب وغش
صحيح
يا صدقتى الدنيا حكاية
ومش كل مذكر فيها
عايش
يستاهل انه يكون
اب