ياناس

نصر فتحى اللوزي
ياناس صبرا طولوا بالكم
الميراث تقيل
اطردوا القيل
من ودانكم
اوعوا تسلموها لشياطينكم
عصا المعجزة كانت مع الكليم موسى
احياء الميت باذن الله
كانت معجزة ابن البتول عيسى
احنا فى زمن انتهت فيه المعجزات
انما الخير يهل بقوة العزيمات
بالعرق ترجع تدور كل الماكينات
تعالوا كلنا نبطل الوقفات
تعالوا نبقى ايد واحدة ضد الاعتصامات
تعالوا نروح الغيط نزرع
تعالوا نروح المصانع نصنع
تعالوا كلنا نبدع
ونكتب بالاخلاص انتاجنا للتصدير
تعالوا نعمل والخير هيبقى كتير
حتى لوفيه لنا حقوق
نطلبها من غير غوغائيات
بالعمل هنقضى سوا على كل التظلمات
ياناس اللى ينتهى بالصوت
افضل ينتهى حسب كمية الخير
لكن فى ظل سكوت
***
ياناس تفاءلوا خير
الميت يوم مش علينا كتير
ياما صبرنا سنين
ياما جوانا كتموا الانين
ياما باب الليل علينا كان مسدود
والحزن عايش جوانا بلا حدود
ياما الدموع جرفت كل السدود
ياما وياما وياما
والقلوب شابت حزانا
النهاردة عايزين التغيير
بين عشية وضحاها !!!!
سبحان من خلق العسل
من نشاط كل الخلية بالعمل
والقادر هو للرحيق حلاها
***
ياناس مفيش اسرع من الايام
الميت يوم هيمروا بسرعة
والعسل هيملى فى بيوتنا الزلعة
الميت يوم هيمروا حلم من الاحلام
هيمروا زى نسمة فى ليلة صيف
وهيبقى الامن فى احضانا وليف
ورغيف موردن مش هيبقى نحيف
ونضافة الشوارع مسئوليتنا سوا
احنا شهيقنا كلنا من نفس الهوا
المحروقات بكل انواعها
عايزة خطة توزيع تنصلح احوالها
بالعقل زحمة الشوارع والطرقات
بنا كلنا هتكون انسيابية
بعد دراسة بحوث العمليات
***
ياناس الميت يوم
حلم بنعيشة كل يوم
هيمروا كانهم نقطة مطر
سقطت فى غدير
ريسنا لسه قدامه كتير وكتير
تعالوا بلاش وقفاتنا قدام القصر
دا عملنا هو اللى هيبقى للخير أغلى مهر
ياناس رئيسنا راجل مننا
عاش الحياة بمرها زينا
بنا كلنا هيتحقق حلمنا
اتركوه يفكر لنا فى بكره
دا الميراث تقيل
فروع واغصان كلها فى شجره
***
ياناس احلموا لاولادكم
ازرعوا اصنعوا كله لاحفادكم
ربنا امرنا بالعمل
من غير كسل
نجنى عسل
تعالوا نبقى ايد على ايد
نرجع اللى راح والخير كمان هيزيد
ربنا قال وقل اعملوا
ربنا بيشوف عملنا والرسول
الامل فى قلوبنا يكبر دايما على طول
وكمان هيشوفه المؤمنون
تطرح البركة فى الانتاج
وتبقى مصر دايما
كعادتها نور وهاج
على رؤوس العالم تاج .
***