" علمونى معنى الحياه "

علمونى فى البيوت
امتى احيا وامتى اموت
وامتى اقول الحق
فى وش الاخطبوط
امى وابويا علمونى
وبطاعه الله امرونى
وبالصدق والامانه ربونى
واحترام الكبير فهمونى
والرحمه بالصغيردلونى
وعلى المال الحرام بعدونى
وعرفونى طريق الحق
وامتى اقول اه وامتى اقول لا
وعلمونى اكون صريح
اسمع واقول بلسان فصيح
علمونى اكون صبور
امتى اصبر وامتى اثور
وامتى ابنى بينى وبين الظلم الف سور
وامتى اعدى بالحق من فوق الجسور
وعلمونى كيف اعيش
بشربه ماء ولقمه عيش
حتى لو لبست خيش
علمونى ما احنى راسى فى يوم لحد
وامتى اضحك وامتى ابقى جد
وعلمونى امتى انام واقوم
من غير فكر ولا هموم
علمونى معنى الحياه
انى اسلم روحى وقلبى للأله