قصيدة ... يا عينى ع البلد

البلد
اه يا عينى ع البلد
البلد ... عايزه ضهر تتسند
البلد ... عايزه ولد اكبر ولد
يحبها يصون شرفها ... وأرضها
مش عايزه شاعر ... ولا مغنواتى
ولا معجبانى ... ولا الالاتى
عايزه عزيمه ... تكون م الصخر
عايزه ... شجاعه وعزه وفخر
عايزه ... تقىّ أيوا تقىّ
يتقىّ ربنا فيها
فى شعبها وأراضيها
نطمن فى حكمه ...وأحنا نايمين
نطمن فى حكمه ... واحنا فى الشارع ... ماشيين
نطمن فى حكمه ... إننا مش هنبقى
مسرطنين ...
يحكم بحزم ... يحكم بقوه
يدّخل الخفافيش ... فى جحورها بكلمه
ونرجع تانى لحاكمنا ... اللى فى يوم راح
يُحكمنا ... عايزين نقوله
مصر ... لم طرحتها
حافظ على عفتها ... أرحم اولادها
نظف وزارتها ... جدد أحلامها
طوّر تعليمها ... شغل شبابها
لم أطفالها ... اللى نايمين ... فى شوارعها ...
خلى فى قلبك ... لها ... حب وضمير
دى مصر تعبت ... قوى كتير