حديث المدينة

مفيد فوزى :جيل اتربى على ان النظافة من الايمان يعنى القيمة الاساسية فى التربية ان النظافة من الايمان فجأة النظافة انعدمت والشوارع اصبحت مرصعة بالزبالة ومن فرط ما شفنا ا لزبالة وعنينا تألفت معاها ما بقيناش بننفر منها صارت صديقة للبيئة وعيب اقول كدة انما الزبالة اصبحت ترصع شوارع القاهرة ,المسألة كبرت اصبحت تشكل مشكلة كبيرة فى البلد اصبح فيه اراء وافكار واجتماعات وعالم وناس ودنيا وناس تقول ا فكار وناس تقول اراء وناس تدلى بتصريحات وكثيرة اعمدة الجرائد فى الكلام عن القمامة اردت ان الجأ الى اصغر منظومة فى النظافة ويا الكناس العادى او بمعنى ادق الزبال اللى بيشيل الزبالة الزبالة محدش هيشيلها الزبالة بعد اعدام الخنازير هتفضل منورنا ايه الحكاية بالضبط التحقيق صوت وصورة فى حديث المدينة
فاصل
مفيد فوزى : شحاتة المقدس اشهراسم فى عالم الزبالة
شحاته المقدس: الله يخليك يا افندم
مفيد فوزى : ليك كام سنه مع الزبالة ؟
شحاته المقدس: انا اتولدت فى مجتمع الزبالين ابويا جية القاهرة قبل سنه 48 قبل ثورة 23 يوليو واتولدت زبال ابن زبال ابن زبال
مفيد فوزى : يا اخى انا طبعا محترم انك انت بتقولى انك اتولدت زبال ابن زبال ابن زبال 00
دا الناس احيانا فى بعض تشتم الناس وتقولك دا زبال اويقولك ايه يقولك اليه دا الحكاية دى زبالة ؟
شحاته المقدس:اولا ما اسمهوش زبال احنا منظفون الزبال الحقيقى هو صانع القمامة نحن المنظفون
مفيد فوزى : الله يعنى كأن الناس اللى هما..
شحاته المقدس: اللى بيزبلوا
مفيد فوزى : اه
شحاته المقدس: مش خايفين على بلدهم انما احنا منظفون شعارنا كمصر تبقى مصر نظيفة فى عيون الاخرين شعار جميل ان احنا مصريين انا يكون لى الشرف انى اكون زبال منظف زى ما المجتمع يحكم عليا انا راضى بلقمة عيش شريفة ليَ و للاولاد
مفيد فوزى : ايه اللى جرا لنا ايه اللى حصل ؟
شحاته المقدس:اللى جرالنا الاهمال بتعنا
مفيد فوزى : اهمال مين حدد ؟
شحاته المقدس:انا يعنى انا جرئ جدا وانا باحترم عصر الرئيس حسنى مبارك ديمقراطية وحرية
مفيد فوزى :هتقول ايه؟
شحاته المقدس:انا هقول كل حاجة بقى لان احنا كا زبالين او منظفين تعبنا
مفيد فوزى : قول ؟
شحاته المقدس: احنا كنا شغالين 100 100 a one بعقود بسيطة بينا وبين عقود هيئة النظافة
والتجميل
مفيد فوزى : يبقى دى نمرة واحد الحكومه او القائمين على هذاالعمل السابقين اخطأوا فى التعامل مع شركات اجنبية ليه بقى لان انا مصرى جدى بنى الهرم وابويا صانع الحضارة عيب اجيب خواجة ينظف لى مصر وارجعوا الى اهل الذكر اذا كنتم لا تعلمون كانوا رجعواللزبالين اخذوا رأيهم كانوا دورونا هما بالملايين اللى دفعوها للشركات دى , حديث المدينة لم يلجأ لمسئول ولا راح لمحافظ ولا كلم وزير انما جاء الى اصغر واحد فى منظومة النظافة وهو الزبال
شحاته المقدس: الحمد لله
مفيد فوزى : جئت علشان اسأ ل بقى
شحاته المقدس: وانا عندى الحل وانا عندى الحل احنا المفروض الملايين اللى بيأخذوها دى اولى بيها نقابة الزبالين والجمعيات الاهلية بتاعت الزبالين وطورت الزبالين وكنا احنا نجحنا اكثر منهم والدليل على ذلك ان ما نجحوش ورجعوا لنا ثانى
مفيد فوزى : سؤال
شحاته المقدس: سؤال اتفضل
مفيد فوزى : هل اعدام الخنازير وصل الامر الى ان الزبالة كثرت فى البلد ؟
شحاته المقدس: رقم واحد ليه بقى حضرتك
مفيد فوزى : يعنى كان قرار اعدام الخنازير ده مش قرار مدروس جدا ؟
شحاته المقدس:لأ هو قرار صائب وانا احترمت القرار 100%لية لان احنا مصريين ونخاف على بلدنا ونخاف على الشعب المصرى الشقيق اه
مفيد فوزى : قلت ايه الشعب المصرى ؟
شحاته المقدس: اخواتى الشققا
مفيد فوزى : اه اه
شحاته المقدس: المصريين
مفيد فوزى :اه اه
شحاته المقدس: المصريين لو نزل الوباء فى الخنازير عندنا يدمر الشعب واحنا دا الريس بيخاف على الطفل ربنا يخلية لينا
مفيد فوزى :اه
شحاته المقدس: يبقى احنا ما نخافش على الشعب كلة بالوباء اللى عندنا فى الخنازير
مفيد فوزى : ما انا فاهم يعنى اعدام الخنازير عمل ايه ؟
شحاته المقدس: اعدام الخنازير بقى هقول لحضرتك احنا بنرفع فى اليوم من القاهرة سبع الالاف طن كمامه كل يوم
مفيد فوزى : سبع الالاف طن؟
شحاته المقدس: قمامة فى منشية الزبالين فى منشية ناصر 70% مواد عضوية وفى 40% مواد صلبة تصنع و20% مواد غير قابلة للتصنيع زى الكادليز بتاع الاطفال والجونتات دى بتدفن
مفيد فوزى :ايه اللى كان بيروح للخنازير ؟
شحاته المقدس: ال 40% مواد عضوية ولذلك الخنزير صديق الزبال زى ابو ا لقردان ما صديق الفلاح بيطهر له الارض
مفيد فوزى : وبعدين ؟
شحاته المقدس:السيد الوزير عمل لجنه مكونه من خمس افراد بعد زبح واعدام الخنازير ولذلك سماها لجنة رعاية رجال جامعى القمامة بعد زبح الخنازير
مفيد فوزى :ايه اللى انتهيتوا الية فى الجلسة؟
شحاته المقدس:الجلسة الاخيرة كان بيعطى تعليمات لهيئة النظافة والقائمين انهم ما يتعاقدوش على الوحدات السكنية فى القاهرة مع السماسرة فى مشكلة بحته دلوقتى وهقولها لك دلوقتى وهكشف النقاب عنهم
مفيد فوزى : قول
شحاته المقدس: هيئة النظافة والشركات الاجنبية كانوا بتعاقدوا مع سماسرة فى النصف بيننا وبينهم السمسار ده مثلا يأخذ 200000 جنية من المنطقة الشرقية بالكامل يحطهم فى جيبة ويشغل الزبالين فى الجبل عندنا ال55 الف زبال دول من الباطن
مفيد فوزى : 55 الف زبال؟
شحاته المقدس: 55 الف زبال مقيمين فى منشية ناصر وبيعمل ورانا اعادة تدوير 300 الف مواطن ثانى فى اعادة المواد الصلبة الكارتون والزجاج والبلاستيك وبنوفر للدوله ملايين الدولارات لاستيراد المواد الصلبة الخام من الخارج لكن خلينا فى موضوعنا السمسار ده راجل بيه راكب عربية وكرفته وليه وسايط بيدخل الى الشركة الاجنبية او الهيئة بيحصل على ترخيص المربع بالكامل والزبال الغلبان مات من الجوع هنا
مفيد فوزى : دى المقشة اللى بتشتغل بيها ؟
زبال:دى المقشة يا افندم يعنى بص حضرتك دى مقشة هتكنس يعنى شارع عام يعنى ب النسبة دى مقشة ونجيى نقول لهم عايزين
مفيد فوزى : ملاحظ البلدية عارف المقشة دى؟
زبال: ايوا واجى اقولة يقولى هنعمل لك ايه هنجيب لك منين يا عم طب ازاى يا جدعان مانتوا حطين الفلوس على النور اجبارى شوف بقى كل عمارة شوف البيوت كلها لما تدفع 3 جنية فى الشهر على كل شقة شوف اد ايه قى كم جنية والا كام الف بيلموها وتيجى القبض مفيش قبض طب نعمل ايه طب نجيب من انى حتة يا جدعان غصب عننا بنطلع نسترزق من اى مكان
مفيد فوزى : طلعت انت زبال فى البيوت ولا فى الشوارع ؟
طلعت : فى البيوت يا باشا اه
مفيد فوزى : بتديك كام كل شقة ؟
طلعت : والله يا باشا انا ما باغصبش حد اللىبيدنى خمسة واللى بيدينى زى ما انت عارف
مفيد فوزى : انت شغلتك ايه بتعمل ايه بقى فى البيوت ؟
طلعت : بشيل المخلفات بشيلها واخذها عندى واخد بال حضرتك
مفيد فوزى : دلوقتى انت بتمر الساعة كام دائما فى البيوت ؟
طلعت : الساعة بالليل حضرتك
مفيد فوزى : بالليل اخراليوم؟
طلعت : ايوا اخر اليوم بالليل
مفيد فوزى :هل فيه شقق تسيب الزبالة من غير ما تحطها فى اكياس ؟
طلعت : ما حصلش يا بيه حتى لو من غير اكياس احنا بنلمها ونحطها فى الكيس
مفيد فوزى : كان فيه بيعملوا على الكهربا رسوم ايه رأيك فى الحكاية دى ؟
طلعت : بتأخذها المحافظة الرسوم بتاعت الكهربة دى احنا ما بناخذهاش بتأخذها المحافظة
مفيد فوزى : اه
طلعت : المحافظة اللى بتأخذها وفى المحافظة اخذت بال حضرتك هنقول لها ايه المحافظة
مفيد فوزى : قول قول اللى فى قلبك و انت خايف لا يشيلوك؟
طلعت : لأ ما يشيلونا هلاجيها فين
مفيد فوزى : انت يا طلعت كزبال ..
طلعت : ايوا
مفيد فوزى : شايف ان البلد كثرت قوى فيها الزبالة فى الشوارع ؟
طلعت ايوا كثرت من ساعة ما عدموا الخنزير و الزبالة كثرت داالخنزير كان لامم ما مخليش كان لامم جيزة ومهندسين ودقى وامبابة
مفيد فوزى : اه
طلعت : كلها الخنازير ما مخليش اى زبالة
فاصل
سامى شنودة : المستثمرين اللى هما عملوا الشركات واخذوا الشغلة دى احنا شغالين كنا من الباطن معاهم ما بنأخذش منهم لا ابيض ولا اسود شركة اخذت مليون اخذت خمسة مليون اخذت ثلاثة مليون ما بناخذش منها فلوس خالص ليه احنا كنا شغالين كدة كان فيه خنازير كنا بنجمع الزبالة وناكل الفضلات للخنازير
مفيد فوزى : انا شايف حشرة محترمه على صدرك اهه
سامى شنودة :اه انا هعمل لها ايه
مفيد فوزى : وطبعا انا واقف فى ملقف
سامى شنودة :بالة طبيعى قوى خايفيين من الشتاء كمان
مفيد فوزى :اه اه
زبال : اه دلوقتى الحلاليف اتعدمت اتعدمت اتعدمت اتعدمت وبطريقة بشعة يا استاذ مفيد احنا مش عايزين نقول اتعدمت ازاى واعدموها
مفيد فوزى :اه
سامى شنودة :احنا دلوقتىاشتغل بدون مقابل اعمل بيها ايه الزبالة انا دلوقتى عمل عمارة ومعايا عربية رجلين شغالين ثلاث رجالة شغالين هجمع من عندك ومن عند الثانى مقابل ايه لا المحافظة بتدينا فلوس ولا الشركة بتدينا فلوس
مفيد فوزى : نعم
سامى شنودة :والهيئات والمحافظة قالوا خذوا الزبالة دلوقتى لما كنتوا بتفرزوها واحنا نشيل المخلفات بتاعتها
مفيد فوزى : محدش شال
طالب: انت لو نزلت ارض اللوا ءعندنا دلوقتى فيها مقلب قمامة رهيب
مفيد فوزى : ودا مين هيشيلة؟
سامى شنودة :الله هما بتوع المحافظة قالوا احنا نشلوة رئيس الهيئة بتعنا قال انا ملزم اقول لهم
شيلوه محدش يشيل حاجة
مفيد فوزى : هل ده نقص عمالة هناك ؟
سامى شنودة : نقص عمالة ونقص معدات وبعدين هقول لحضرتك على حاجة انا راجل عندى كام سنه عندى خمسين سنه هجيب لك القفة دلوقتى وانا هشيلها وهطلع عمارة 12 دور ربع ساعة هنزل من العمارة متشطبة لو بعد ما انزل انا لو طلعت العمارة ورايا ولقيت فيه عود كبريت اتحاسب خمس عمال سته من بتوع الشركة او المحافظة ما يشطبوهاش وهيسيبوا نصفها فوق وينزلوا ليه مش مهنتهم مش شغلتهم
مفيد فوزى : انت دلوقتى بتعتقد ان لو انت اخذت العملية دية كشغل تستطيع انك انت القمامة دى فى الزبالين العاديين اللى يشطبواعليها ؟
سامى شنودة : اه اه اى والله وملزمين وينزل باشراف من المحافظة من هيئة النظافة ينزل مهندس وراءه اه يعمل لى انا خمسة الالاف شقة ويقول لى على الشقة 2 جنية على الشقة 3جنية بدل 8 جنية و6 جنية على الكهرباء يعدينى انا 2 جنية منهم دلوقتى العقود الاساسية علشان اقول انا هأخذ زبالة انا متعهد من الشركة علشان اخذ فلوس وادى ناسى وجماعتى فلوس فى ايديهم لهم علشان ياخدواالحاجة ديت يرموها للبلد
مفيد فوزى : محدش بيدليك؟
سامى شنودة :لألألأ محدش بيدينا
مفيد فوزى : فا انت ما بعتش حد ياخذ الزبالة ؟
سامى شنودة : مبعتناش طبعا
مفيد فوزى : فا الزبالة اتكومت ؟
سامى شنودة :اتكومت طبعا علشان مفيش متعهد
مفيد فوزى : صباح الخيرالزبالة كثرت فى البلد ليه يعنى انت كا ست الزبالة كثرت ليه فى البلد؟
مواطنه : علشان مش سيبين الناس تأخذها وتشوف اكل عيشها الشركات الاجنبية هى اللى عملت كدة
مفيد فوزى : يعنى انت مثلا عفوا الزبالة بتاعت البيت بتنزليها بتحطيها فى الشارع ؟
مواطنه : لأ بيجى الزبال يأخذها
مفيد فوزى : زبال عادى؟
مواطنه :اه الزبال العادى
مفيد فوزى :مفيش شركة ا جنبية ولا عمال ولا حاجة عمرك ما شفتى الشركة دى
مواطنه : لأ هنا فى المنطقة لأ ما مش هنسيب ولادنا ونجيب ناس من برة تشيل الزبالة
مواطن : المفروض الزبال القديم كان مريح الدنيا انا عندى كان فى العمارة كان الزبال بيجى يأخذ الزبالة مكنش فيه اى مشكلة اهتموا وجابوا شركات اجنبية احنا ان ما كناش نخدم نفسنا بنفسنا ونظف نفسنا هل الشركة الاجنبية هتيجى تنظفنا بالعكس هتيجى تأخذ فلوسنا وتبهدلتنا
مفيد فوزى : سؤال انا ملاحظ زى ما قالوا لى الزبالين انه اكثرحاجة فى الزبالة عفوا يعنى استغفر الله هى العيش ايه تعليقك ؟
مواطن :هو للآسف هو العيش اكثر حاجة بتترمى للاسف لان الناس مش عارفة قيمة العيش مفروض ان انا باجيب العيش على قدى اجيب الحاجة اللى انا هأكلها بس للاسف انهاردة الناس محدش للاسف المواطن المصرى نفسة معندوش قدرة على التحكم فى كل حاجة يعنى يضبط نفسة انا محتاج كذا لكذاكلة ماشى بغير نظام بغير حكمة من غير توعية
فارس عدلى : متعهد زبالة المشكلة ان مفيش حد مسئول او جهة مسئولة بصورة كاملة عن المخلفات اللى بتنتج عننا فا احنا سعدتك بندفع على ايصال النور مبلغ وبندى الزبال مبلغ والقمامة فى الشوارع
مفيد فوزى : بالضبط
فارس عدلى : فهى دى المشكلة الاساسية هنحاسب مين الحى المحافظة ؟
مفيد فوزى : سؤال هل الشركات الاجنبية لسة بتشتغل ؟
سامى شنودة: ده سؤال للشركة الاجنبية بتأخذى كام وسيبة ده فى الشارع بتاخذى كام يا شركة يا اوروبيه وسيبة ده فى الشارع انت شغلتك الشوارع انا كزبال شغلتى البيوت
مفيد فوزى : انت كزبال شغلتك البيوت ؟
سامى شنودة :المجمع السكنى
مفيد فوزى : ما هو القمامة دى الزبالة دى يا شحاتة جت من البيوت .
سامى شنودة : ايوا ايوا تمام حضرتك
مفيد فوزى : امال هتيجى منين؟
سامى شنودة : ما انا قلت المشكلة الاول حضرتك علشان ما نتوهش المشكلة فى القاهرة احنا فى محنه دلوقتى ان الزبال بعد زبح الخنازير معهوش مصاريف النقل ينقل المواد العضوية اللى كان بيأكلها الخنزير لمقلب الوفاء والامل اللى خصصةالمحافظ فا بيضطر يقلب فى الشارع فا احنا بنقول للمحافظ اعملوا العقود مع الشركات الاجنبية ومع هيئة النظافة اعطى له على كل شقة جنية ونصف يبقى استطاع ان يجمع مصاريف نقل القمامة اللى بتترمى فى الشوارع يوديها الى الوفاء والامل وده حل المشكلة حضرتك
مفيد فوزى : الحاجات دى انتوا بتنقلوها فى ايه بعربيتكم ؟
سامى شنودة : اه بننقل بعربيتنا
مفيد فوزى :يعنى انتوا بتشتغلوا الشغل ده من ورا الشركة الاجنبية ؟
فارس عدلى ما احنا بناخد الزبالة وبنفرزوها ونبعوها
مفيد فوزى : يعنى المفروض الحاجات دى كانت مفروض تبقى تبع الشركة الاجنبية ؟
فارس عدلى اه المفروض تبع الزبالة
مفيد فوزى : الزبالة يعنى الشركة الاجنبية مفروض تأخذ ده؟
فارس عدلى اه مفروض تاخذ ده
مفيد فوزى : امال ازاى الحاجات دى انتوا شلتوها ؟
فارس عدلى ده من زمان سياتك قبل الحلاليف ما تنعدم كنا بنجبها هنا وبنفرزها وده بنبيعة علشان نأكل منه عيش
مفيد فوزى : بتفرزها ازاى؟
فارس عدلى بنفرزها العربية كلها الكرتون لوحدة
مفيد فوزى : ورينى كده بتفرزها ازاى؟
فارس عدلى ده كله زجاج جى عليه خليط سيادتك الكارتون والبلاستك وده وده بنفرزنطلع الكارتون لوحدة والزجاج لوحدة
مفيد فوزى : بتعملة ازاى فهمنى وهو فى العربية سيادتك مثلا الكارتون على الكرتون والزجاج بيتركن على الزجاج اه
فارس عدلى :البلاستيك بيتركن على البلاستيك وبنرجع نرده للمصانع تانى
مفيد فوزى : اه الله يعنى انتوا بتعملوا ده؟
فارس عدلى احنا كنا بنجيبوا عربية الزبالة من عند سياتك
مفيد فوزى : طب دلوقتى لما الشركة الاجنبية اشتغلت فى العملية دى؟
فارس عدلى : اه
مفيد فوزى :اصبح فى ايه بقى انتوا بتأخذوا ده ازاى
فارس عدلى ده قديم ده
مفيد فوزى : ده قديم
فارس عدلى ده قديم ده اه
مفيد فوزى : اه
فارس عدلى: ما بنشتغلوش احنا دلوقتى ليه انا مستعد اشتغل بس هو بيقبض سيادتك هو على مكتب مثلا مليون عشرة اكثر اقل احنا ما بنأخذش مقابل ويعنى هو يقولى تعالى اشتغل معايا بالعربية اروح اشتغل معاة سيادتك بالعربية ويجى اخر الشهر ما بيدنيش وقدمنا شكاوى لهيئة النظافة ومحدش بيسأل فينا يبقى انا هجيب اجرة العمال وعيالى منين وعربيتى ومصاريفى وعربية بتدفع ضرائب وكدة
مفيد فوزى :قولى الزبالة فى مصر كثرت ليه بالشكل الفظيع دة والا انت مش ملاحظ ده؟
فارس عدلى : لأ ملاحظينها كثير عدم المرعية من الدولة نفسها يعنى دى مهمة دولة
سامى شنودة : اه
مفيد فوزى :مش مهمة زبالين ولا حاجة انت رايك ان الدولة هى ..؟
طالب: ايوا لو نظمت والناس ذو اهمية مش هتلاقى الزبالة ولا الحاجة دى ابدا
مفيد فوزى : طب هى ذادت ليه قوى كدة ؟
سامى شنودة : زادت لان الناس مش لاقية مكان ترمى فيه لنفسها ابقى انا ماسك شنطة مش عارف هرميها فين بروح رميها وانا ماشى
مفيد فوزى : زبال البيت التقليدى ده هل فشل علشان كدة جابوا شركة..؟
سامى شنودة : الزبال التقليدى القديم لم يفشل
مفيد فوزى : لم يفشل ؟
سامى شنودة :لم يفشل اللى فشلت الاهيئة مع الشركات الاجنبية الزبال القديم ده يعنى فيه صلة بينه وبين ساكن الشقة فلما بيأمرة بحاجة بينفذها فا ده اكبر ضرر انهم منعوهم من الشغل داخل المدينة تحت
مفيد فوزى : تفتكر ليه مش عارف بقى خط سير المحافظة ايه تعالو ايه اللبس اللى انتوا لبسينه ده لبس كناسين
كناسين :لبس كنا سين
مفيد فوزى : بتاع ايه بقى بتاع الشركة؟
كناسين : بتاع الشركة
مفيد فوزى : الاجنبية
كناسين :اه
مفيد فوزى :الناس بتقول ان الزبالين التقليديين اللى هم القدام عارفينهم تسمع عليهم
كناسين : ايوا ايوا
مفيد فوزى : بيقولوا ان الشركة الاجنبية ما بتشلش زبالة ولا حاجة ومعندهمش الالات ولا امكانيات
كناسين :لأ هما عايزين يرجعوا تانى
مفيد فوزى : طول بالك ما انا هسمعك
كناسين : هما عاوزين يرجعوا تانى
مفيد فوزى : هما مين اللى هما الزبالين ؟
كناسين: الاولنين زعلانين علشان مشيوا والله اعلم
مفيد فوزى : طب ما انتوا قلتوا لى ما انتوا بتشتغلوا اهو انتوا بتشتغلوا فى الشركة الاجنبية
كناسين : اه
مفيد فوزى : طب دا الزبالة يعنى مرصعة البلد ؟
كناسين : فين يا بيه فين
مفيد فوزى : فين !!!! بقى انت مش شايف الزبالة فى البلد؟
كناسين : احنا بنيجى ننظف الزبالة فى الشارع بيجوا ينزلوا سبل فراخ بعد لما نمشى ينزلوا كسر البلاط كسر السيراميك نيجى نلاقى كسر السراميك
مفيد فوزى : يعنى انت النقد بتاعك على المحلات والبيوت؟
كناسين: كسر السيراميك كسر سبل البهائم الزرابة اكثر من الكناسين وبيتشال ثلاث ورادى بيتشال وبيزيد يعنى ثلاث ورادى بيتشال وبيزيد الشركة شغالة الات شغالة مفيش وقت مفيش اى حاجة كلة شغال النظافة فية نظافة
مفيد فوزى : اذا كانت الزبالة مشكلة فى المجتمع وممكن تبقى مصدر للاوبئة
شحاتة المقدس :طبعا ده اكيد دا هى
مفيد فوزى :هل انت ملاحظ ان فيه بعض الاجهزة الحكوميه والمستشفيات بترمى نفاياتها فى اى مكان
شحاتة المقدس : لأ لألأ دلوقتى فيه رقابة مشدده داخل المستشفيات ومكتب بيئة داخل كل مستشفى بيشرف وبيحرق محارق كهربائية ورقابة جامدة قوى من يوم ما ضبط الزبال بتاع القصر العينى دوت اللى كان بيطلع ومن ساعتها والعملية ماشية بالمللى انت عايز ايه فى مصر اكثر من ان سيادة الرئيس يبقى متابع عملية النظافة فى مصر دى مش كلام
مفيد فوزى : يعنى استنى بقى يعنى بينى وبينك
شحاتة المقدس : اه اه
مفيد فوزى : مش شغلة ا لرئيس ادينى بقولك بجرأة اهو
شحاتة المقدس :انا
مفيد فوزى : مش شغلة الرئيس انه يتابع ده
شحاتة المقدس :ماشى
مفيد فوزى : دى شغلة محافظ كمان ولا شغلة وزير
شحاتة المقدس : طبعا
مفيد فوزى : يعنى ده موضوع ده موضوع ياسيدى
شحاتة المقدس : كرم منه
مفيد فوزى :مفيش انا بكلمك بامانه كا مصرى
شحاتة المقدس : ماشى
مفيد فوزى : رئيس الدولة عنده مهام اكبرمن هذه العملية
شحاتة المقدس : تمام تمام كرم منه
مفيد فوزى : يعنى كلامك اللى هقولة دلوقتى ده معاك
شحاتة المقدس :اه
مفيد فوزى : قيمتة انه يسمعة المسئول عن الاجهزة فى النظافة انما ما يدخلش فيها رئيس الدولةانا بكلمك بقى كلام صريح ومباشر
شحاتة المقدس: انا قرأت فى الجرائد ان سيادته متاااابع
مفيد فوزى :معلش ده بقى ده بقى من ابوه
شحاتة المقدس :اه اه
مفيد فوزى :يعنى خايف على اولادة
شحاتة المقدس: متبنينا متبنينا
مفيد فوزى : ليه بقى ليه بقى ؟
شحاتة المقدس : اه
مفيد فوزى : لانه هذه القمامة اللى هى متجمعة فى الشوارع مصادر محترمة للمرض
شحاته المقدس: للمرض وخصوصا ان عندنا انفلونزا الطيور والخنازيز والله لا يقدر علينا ربنا ايه واحنا داخلين على الشتا اللى المفروض نصحى فيه