حملة على "الفيس بوك" ضد التوريث

تحت شعار "مش عاوزين جمال مبارك"

أقام عدد من النشطاء على الإنترنت حملة ضد التوريث تحت شعار "مش عاوزين جمال مبارك" بهدف الوصول إلى 25 ألف مصرى على الفيس بوك، رافضين تولى جمال مبارك الحكم قبل سنة 2011 فى محاولة لمنع "الكابوس قبل ما يبقى واقع وييجى ناس يقولوا خليكوا واقعيين" بحسب ما ذكر أحمد بدوى مؤسس الجروب.
وقال وليد سمير أحد أعضاء جروب "المبادرة الوطنية ضد التوريث" على الفيس بوك "مش هاقول مش عاوزين جمال مبارك.. عاوزين جمال لو يستحق بس نشوف ناس محترمة تعرف تقود البلد.. مش سيرك يتعمل علشان جمال يمسكها.. يورينا ويثبتلنا أنه قدها وأكيد كلنا هنبقى فى ضهر إللى هنثق فيه.. ونصيحة ليك يا ريس.. عاوزين نحس إن إحنا متعلمين".
واعتبر خالد حسين أن هذا التحرك "يستحق الاحترام و التقدير، وأن أكون من هؤلاء فلى الشرف على أننا لم نصمت على الظلم و التوريث.. الجروب زاد انضم إليه 1000 شخص خلال شهر ووصل إجمالى أعضاءه حتى الآن 8 آلاف".
ووجه الجروب عددا من النصائح لكل الأعضاء لتوسيع دائرة المعارضين للفكرة منها: "ارسال الدعوة للجروب لكل قايمة أصدقائك واعتبر الوقت اللى بيضيع فى ارسال الدعوة وقت بتهديه لمصر.. share الجروب على بروفايلك.. لو أنت أدمن فى أى جروب أبوس ايدك أبعت لينك الجروب فى رسالة لكل أعضاء جروباتك حتى لو مش جروبات سياسية و ما تخافش محدش حيزعل منك.. لو تعرف شخصية مهمة أو مشهورة (سياسى - فنان - صحفى - داعية دينى - لاعب كرة.. إلخ) موجودة معانا على الجروب ومش فى قايمة الأوفيسر بلغنا عنها فورا".. خاتماً ب"خمسة و عشرين ألف مصرى ضد التوريث.. متهيألى مش حلم صعب".