رسالة الى طائر اللليل الحزين

يا عم سيبك م الآهات
وألم ودمع وذكريات
خللى تكالك ع الإله
وإحمده على ماهو آت
.....
إحنا عبيده المحتاجين
على كل مكتوب صابرين
الحمد لله قائلين
فى الشر والخير والممات
...
إضحك أمأم أى خطر
ماهى الهموم مليا البشر
ياما سليم مهما صغر
سبق المريض أبو تحليلات
...
إرمى همومك يا جميل
وإسهر معانا ف ليل طويل
مع إن قلبى صبح عليل
دوايا ألاقيه فى السكات
....
رضا الأحبه أجمل دوا
وبحبهم عايشين سوا
ومن حنانهم نرتوى
وفى حضنهم ننسى الإهات
....
ياحزين..دواك ترك الآهات
وإضحك.. وإنسى منغصات
خللى الأمل نور للطريق
تلقى السرور فى قلوبنا آت
...
رفعت محفوظ – الإسكندرية