(( صباح الخير يابلادي )) اخترناه واعهدناه

أختارناه وعاهدناه وجاب حراميه كتير وياه
خرب البيت وقرفنا معاه بعد ما كنا استأمناه
وصدقناه بس يا ريت ما مشينا وراه
لافهمنا ولا فهمناه ماعرفش ازاي مشانا وراه
كان تخريف وماهوش تكليف
وجاب بطانه حراميه وبالتحليف
ضيع حلم جيلين والأجيال الجايه وراه
لا فيه لجنة ولأ وآه ولا رأي حر وأعلناه
بعد سلامنا ورفع علمنا نص العالم منه خاصمنا
إلا بلدنا وحب بلدنا وبقولها ورزقى على الله
ولا مصلحه بينه وبينى ومشينا وراه لمشاء الله
ولو حد معارض عمره ما ساب حد وما أذاه
وبيحكلنا عن مشاكلنا ويقولنا على البير وغطاه
كان عايز مصر خرابة وكل الشعب يعيش بعماه
وبدأنا المشوار وياه وقولنا ح نصبر حبه معاه
وهو خدعنا ودبح فينا وماراعاش ربنا ف علاه
وخلاص سمينا قولنا ح يدينا وح يعلينا
وعاش حياته كلها فخفخة علي ملك وجاه
يفتح جيبه لكل حبايبه قاعدين على المصطبة وياه
خلى بلدنا لسيده وسته وخالوه وخالته وحتى حماه
حتى الإخوة أهل النخوة تعبوا وشافوا الويل وياه
عاش يخدعنا ويطمعنا معرفشى ازاى إحنا اخترناه
ولما يرجع كل فلوسنا ويلم الخونة الباقيه وراه
وإحنا وراه وبأذن الله وح نخرب بيته إنشاء الله
أول مره يا مصر ياحرة ح نقفل باب الشر وراه
بعد ما مرر فينا ودمر ح يبدأ عهد سلام وحياه
أخترناه معرفشى إزاى بس خلاص كنا اخترناه
وقلنا كفاية الذل معاه قلنا خلاص أحنا خلعناه
رسم الخطة بالف محطة وجر الباقى كله وراه
ظالم وبيحكمها بكل غباء اللى جابوه منهم لله
مصايبه كمان بالراحة عشان الشعب يعيش ف غباه
حد الله بينا بقي وبينه علشان كده إحنا خلعناه
مع شديد اسف صعلوك سرقه الملوك الشاعر / نبيل عبدالعزيز