صرخة ألم.!

قصيدة (صرخة ألم) كتبتها منذ أكثر من 4 أعوام
حاسس بصرخة ألم
ساكنه هنا ضلوعى
صهيون عليه حكم
انى اعيش الندم
على دمى ودموعى
ماتقولوا يأهل الكلام
دا حلال دا ولا حرام
اخويا فى الاسلام
عايش هناك يتشتم
وانا اطفى فى شموعى
وياريتها جت ع الشتيمه
دول دبحوا فى الايتام
وانتهكوا عرض شريفه
واغتصبوا بنت عفيفه
وابوك هناك مابينام
واحنا نبات فى كلام
نقوم فى كلام
فاكرين دا كله سلام
وحاسس
حاسس بريح الندم
حاطى على راسى
وشموع كتير إنطفت
وبيوت كمان أختفت
دى فاكرها مش ناسى
معرفشى ليه انتم هنا
راضيين؟!!!!
اطفال تحارب بالحجر
واحنا نكون خاينين
وقلوب ما بتخاف الخطر
بتقولوا ايه ناسيين؟!!
ناسيين كويت وعراق!!
ناسيين دموع وفراق
الأب لابنه سنين؟!!!
ناسيين كمان حطين
والدم فى فلسطين؟!!!
تبت إيديك ياشارون
وتعيش تموت ملعون
واسمك بالاسود
يترسم تحت الجزم
والنعل ماله حدود
ياشارون يأقذر ماوجد
فى الكون
الاسود فى دمك
هو اصل اللون
وحااااسس
ما أنا كنت حاسس
وشايف وحالف
باسم ميت مليون شهيد
لأقيدك وأحط فى إيديك الحديد
علشان تحس بنار
جميع المسلمين
اللى بإيدك خنتهم عذبتهم
ووقفت تتفرج سعيد
إسمع ياكلب الكلاب
وبافكرك روح
روح قول كلامى لبوش
قوله يجمع كلمته
ماهو سره صار مفتوش
قوله يفهم دولته
لو عاش يجمع
طول سنينه جيوش
علشان ينجس أرضنا
أو حتى قرب مننا
نبقى ساعتها وحوش
ما أنا أصلى حاسس
أن الولاد مهما يغرب مخهم
أو حتى ينقص عزمهم
لازم يحنوا لدمهم
دى القدس
دى القدس هى أرضهم
وفى شهرها التاسع
جابتنى أنا الولد
والاسم كان عبد الصمد
صامد لأخر نفس
قتلت أنا كل الحرس
وكتبت من بعد الخرس
فى كلام لكل الناس
علم ، علم ياقلبى البشر
إزاى بقى الإخلاص
أرض العرب أرضنا
متسجله فى كراس
دا اللى يدوس أرضنا
تحت القدم ينداس
واللى يقف جنبنا
فوق الجبين ينباس
إحساسى قولته خلاص
الدور عليكم بقى
علشان تصحوا الناس
وحااااااسس
25/5/2005