أوراق متناثرة / عندما ترتفع أسقف المطالب بمحافظة قنا ...منّذرة بالصعود إلى الهاوية

وصباح الخير يا مصر ..صباح الثورةيا أسوان والأقصر وقنا .ثلاثة بعين العدو !! كده يا جماعة نتحسد ياليت لو إثنتين كمان علشان يبقوا ( خمسة وخميسة بعين العدو ) ونحن على موعد 25إبريل مش قلت لكم رقم خمس يبعد الحسد وجرااااار لحبال الثورات والإنتفاضات وقادر على رفع أسقف المطالب إلى أخر درجات العلو الذي يؤدي ( للصعود للهواية ) ولمطالبة أهالي قنا إقالة ( سعادة رئيس الوزراء عصام شرف ) وشوف عندك لما الصعايدة يرفعوا السقف وهم أساسا ( جثث ) أقصد صحة وفووووول مدمس بلدي وعلى أصوله صابيرن يا حبيبتي ومتربي على العز ّ لا بلاش الكلمة دي بصراحة كرهتها من عمايلها واللي كله بط... بط أهو بيطلع وز ..وز ... والله ماعرفش مين يقال الأول البط أو الوز المهم أهو في الظروف دي في الصعيد حد طايل حتى رغيف الخبز ؟؟ الغاز ولع نار وتبخر والستات في الصعيد مريحين كم يوم من الجلوس أمام الفرن البلدي .لغاية ما نشوف السقف إيه وضعه وهل احباءنا في الصعيد هيفضلوا واقفين في الميادين وهما ماسكين بالسقف لغاية إيمتى ؟؟ ياخوفي من بلدياتنا يزهقوا ويدشوا السقف على رؤوس ( الكل والكليلة ) طول عمرهم شايلين الهم والإهمال والتطنيش من قبل الحكومة القديمة لهم والنبي محدش يكذبني ( بليز ...بليز ياعادل بيك ) علشان أنا نزلت كتير للصعيد مع الزوج المصون وقرابة 3 سنوات بس غايبة عنها .شفت بعيني الأهمال الفضيع اللي تحس معاه إنهم مش موجودين في خارطة مصر شوارع من طين وبواليع سايبة على البشر ومستشفيات لاتمت للصحة بصلة نهائيا وناس فعلا تحت صفر الصفر عايشة ورغم ذلك فهم يملكون كل صفات الجدعنة والشهامة والطيبة والمرؤة والأخلاق الحميدة والقناعة المفرطة اللي جعلتهم يطنشوا بدورهم كل حقوقهم الشرعية ناس بسيييييطة جدا عاوزة تعيش تحمل عقولهم ثقافة عالية وعقلية وااااعرة قووووي من التحضر المسجون في ربوع مناطق يسكنون فيها لو وجدت يدا حانية من الحكومة المصرية وعدى من سماءها حتى ولو شبح التقدم والتطور لغدت جنة الله في الأرض لما تمتلك من خيرات وفيرة لاتعد ولا تحصى وأيدي عاملة هائلة وفيها الصحة والقوة والطاقة للعمل والإنتاج بس نعمل إيه للغالية حكومتنا ربنا يهديها وتبعد عن عنادها !!! مع الصعيد لأنهم هم الأساس وهم الأصل وهم اللي سكتوا أيام ثورة 25يناير لأن حكومة مصر نسيتهم سنوات طوال فنسوا أن يذهبوا للميدان . لأنهم كانوا منسجمين مع كوب الشاي بالنعناع لخيري بتاشا الكشري .
من أجل كل هذا وذاك أناشد بملء فمي سعادة رئيس الوزراء عصام شرف الذي ناشدته في مقال سابق وأبديت وجهة نظري الخاصة مطالبة إياه بعمل إستفتااااء أو إنتخاااابات قبل صدور أي قرار وهذا مايطالبون به الآن إخواننا في محافظة قنا والدين معاملة وشورى فيما بينكم وخصوصا الوضع لايحتمل الإستفراد بالرأي نظرا لخروج مصر للتوه من فرن الثورة التي كان هدفها ( الديمقراطية ) وتفعيلها ولأن المصريون عرفوا طريقهم للميادين . أقول أناشده التوجه فورا لقبلة قنا ولا يغفل عنها طرفة عين وعمل كل الجهود المطلوبة من أجل إبعاد محافظة قنا من خطر الإنزلاق في هاوية سحيقة لايعلم نتائجها إلا الله تعالى ويجب أن تتعامل الحكومة المصرية معهم على أساس انهم موجود في الخريطة المصرية وبأنهم يملكون عقول أعمق وأخطر من شباب الثورة .خيري باشا هات الشاي الكشري أبو النعناع وجاوبني بصراحة ( في الامس القريب كان السيد عصام شرف يقف بميدان التحرير مع ثوار 25يناير عندما رفع سقف المطالب وطالب برحيل النظام ..وهذا ما جعل الشعب يختاره لرئاسة الوزراء .طيب دلوقتي السقف في ميادين محافظة قنا في الصعيد يرتفع لفوق خالص لأن اللي شايله صعايدة جامدة ..عاوزين رحيل رئيس الوزراء عصام شرف !!
(( بجد ياخيري باشا .هو في إيه ؟؟ وإيه اللي بيحصل بمصر ..مش يمكن مصر أصيبت بلعنة الميادين في الصعيد والقاهرة ..؟؟ سيد عصام شرف الموقر / أرجوك مش وقت كبار مشايخ سيناء الآن ..الصعيد على فوهة بركان الموضوع دخل في رغيف الخبز .يعني ثورة خبز قطع ومنع من فم الشعب هنالك .( .واحد أم أمة واحدة) سيدي ؟؟ يا خوفي الصعايدة تخور قواهم ويقع السقف على من ؟؟ العلم عند الله وحده وهنا فعلا الطامة الكبرى والكارثة .
***************يامصر
في إثنين صعايدة راكبين الطيارة الأول قال للثاني .إلحق يا محمدين الطيارة عمال توقع .قال الثاني وإحنا مالنا هي طيارة أبونا !! ياخوفي سقف المطالب عندما يقع يقولون أهل قنا وإحنا مالنا .صح هما مالهم العتب على اللي خلاهم يشيلوا السقف ويرفعوه لفوق خالص
**********
الصعايدة أحباب الله تعالى بجد مش تريقةلأنهم لكون قلوبا من ذهب ..والصعايدة للميادين وصلوا وربنا يستر على الحبيبة مصر تطلع من حفرة تقع في دحديرة .بس أنا قلت لك ياغالية أقسم بالله تعالى ما تخفيش يا نن العين يا مصر والله محروسة