ليه لازم نمسك في ديل حد

للأسف دا كان أقرب عنوان للموضوع الي يغيظ والي كله شايفه وساكت أو عمي عنه الي هوااااا .... أقول ولا تتريقو عليا
برضو هقول والي يحصل يحصل أحمد زي الحاج احمد
ليه إحنا دايما من ورا علطول في كل حاجة ونقلد بس الدول الغربية والشمالية والجنوبية وبسبب كدا اتأخرنا حتى عن دول عربية خليجية ، هتقولو إمكانيات ؟
طيب هيا البرازيل عندها الي عندنا وغير ها وغيرها ، يا محترم البرازيل اليوم بتنافس اكبر الدول في برنامج إعادة التصنيع الي أحنا اصلا منعرفش عنه غير لم الخردة وتروح لعز الدخيلة وبس يا محترم البرازيل النهاردة بتطالب (بالفيتو) ألللله واخدين بالكم دا طموح سياسي كمان وبلاش نجيب سيرة الرياضة مع الدولة دي رغم نقص إمكانياتها المادية ومحدش يفكرني بكرة القدم علشان بفتكر الصفر الي اخدته في تنظيم المونديال وتحيا قطر بلد صح عايزة تعمل حاجة عملتها وكرست نفسها ليها والله لا يضيع اجر من احسن عملا .
دايما من ورا والي حارقني قوي رياضة جديدة اسمها (باركور) مش قادرين في مصر نمارسها بصفة رسمية ولا ودية أي مكان حكومي يرفضها وكأنها مخدرات أو رشوة آسف مش رشوة ولا مخدرات كانت نزلت هوا الرياضة دي منذ 6 سنوات بفرنسا البلد الأم وفي مصر منذ 4 سنوات مش حلو كدا معانا ولاد بلدنا بيتابعو وبيقى ليهم مستوى منافسة والحمد لله مع اي دولة لكن يغيب دور رعاية الدولة ليه في فرنسا ماشية نظام فرق مش إتحاد وأحنا عملنا فرق قالو لا منعترفش بيها منعرفش غير الإتحادات بس وممنوع يا كابتن وإلااااا .. أنتو عارفين الباقي طبعا
ففي شباب خدتها من قصيرها وبطلت اللعبة وفي شباب مستنية الفرج لما فرنسا تعملها إتحاد وتكون رسمية رغم إنهم بيمارسوها في كل مكان عادي مش زيينا وساعة مفرنسا تقول يا إتحاد ورسميات يمكن مصر تمسك في ديلها.
كان نفسي نستغل إمكانيات بلدنا وولادنا ونكون شعب وحكومة متناسقين نلبي حاجات بعضنا البعض ونساعد بعض للتقدم في التعليم الغريب بمصر والأبحاث الي السوس كلها والتربية الي التلفزيون بوظها والرياضة الي قائمين عليها ناس ميعرفوش حتى يضربو كورة برجلهم ناهيك عن الجهل إن الرياضة كورة بس زي مقال مدير مركز شباب البلد لما طردنا وقال حتى اللياقة تجمع ألعب كورة بس او اجري ومش مجموعات هلشان دا تجمهر وإلاااااااااااااااا
معلش طولت عليكم بس فضفضت شوية الرياضة دي Parkour
أو freerun لو حبيتو تبحثو عنها في اليوتيوب وتشوفو إنتشرت قد ايه في العالم وشباب مصر الي إحترفوها
أحمد مخيمر
أسيوط