قالى لى صاحبى على الماسنجر وهو يحاورنى

قال لى: انت نشيط وميزتك انك نشيط لكنك اخذت اكبر من حجمك فى الصحف ووسائل الاعلام.. كدة كتير علينا
قلت له: هوه ايه اللى كتير؟
لم يرد على وقفلت معاه ونظرة الشرر فى عينيه
· قال لى على الماسنجر ايضا صاحبى: انا زرت مدونتك بتاع 200 مرة ولم اجد جديد
قلت له: ما الجديد الذى تتوقعه منى؟
قال لى: فكرة لك، خبر جدبد، رأى، مقال زى عادتك كدة جرىء يصحى البشر
قلت له: اقرا الموضوع القادم
وقفلت معاه
قال لى صاحبى على الماسنجر وهو يحاورنى: مدونتى لا تأتى لها تعليقات
قلت له: وانا كمان
قال لى: لا انت ما شاء الله عليك مدونتك ناجحة
قلت له: تفتكر ما جدوى التعليقات فى اى مدونة؟ وهل المدونة تبقى ناجحة بالتعليقات ولا عدد الزوار؟ ولا بالموضوعات الجيدة رغم قلة عدد التعليقات والزوار
اعرف ناس قفلوا مدوناتهم بسبب الاحباط من قلة الزوار.. وناس تانية قفلتها بسبب قلة التعليقات
واعرف ناس تخشى من وضع عداد للزوار خوفا من قلة و الزوار والفضايح وان يكشفهم قلة زوارهم وتعليقاتهم
قال لى: انت معندكش حاجة جديدة تقولها؟
قلت له: اوكى شكرا
وقفلت معاه ع الماسنجر
_______________________________
تفتكروا التعليقات مهمة للمدونة ولا عدد الزائرين ولا ايه؟