والكل بقى ناسك

يابلد ساكنة الفرحة إيجار
وقلوب عايشة الحلم غبار
وشباب تايهة في عز نهار
وأنين جاري في المشوار
يابلد ساكنة الفتنة قصور
موتوا فيكي طعم النور
الكل خلاص بقى مستور
الكل خلاص بقى ناسك له مغفور
وقطع يلا ياسيدنا في بقية السور
ما أنت مولانا المغفور
وانا جنبك سافل مكسور
إكمني صرخت بصوت مقهور
إكمني حاربت بلاد الجور
قطع فيا كمان واحرقني ب تنور
قوّلني كلام ,,غرقني في ضي بحور
إرسمني ديب وبينهش في لحم طيور
ما أنت الحق وانت الثاير وانت المغفور
ياضامن الجنة في جناحك ,, مدد ياسيدنا المغفور
الرب رب العباد والذنب جوانا ومستور
منين بقيت أنت الحكم وأنت الدستور
وبقيت أنا مجرد كلمة من فيه محظور
منين بقيت أنت المدد وأنت العصفور
وأنا الجلاد ويا الجبروت ثاير ب ساطور
يا اللي بتاجر بدمنا وبتحرق قلوب بنور
ياللي خايف ع الصبية وع عيون الحور
ياللي بتقول عليها وعلينا بقت قبور
ياللي مخوني ومكدب دموعي العبور
وياللي مشكك في إيماني وفي قلبي البنور
وياللي رفعت إيدك للسما تدعي عليّ بإتهام زور
أنا الثاير وأنا الجاني وأنا الموحد بإيماني طهور
وأنا الساجد وأنا الراكع وأنا الداعي الفتنة تغور
وأنا المسلم سلم الجميع لساني الصبور
وبالصلاة ع حبيبي النبي الفم عطور
ياللي بتغالط جوا نفسك وتحاسب عصور
دولة العادل تدوم ولو كافر
ودولة الظالم تزول ولو لسانه مليان ب بخور
وآه يابلد ساكنة الفرحة إيجار
مصيبتك في الكراسي فاكرينها هزار
ملعون أبوه منصب تمنه الدم بحار :/