المقامة العاطفية...!!!

حدثنا ميمون ابن لبيبة فقال :..
الكلمة ال كات جاية تقولهالي , فعيد الحب شوفتها .. كام دمعة فعنيها , والوردة ال كات هتقدمهالي , فعيد الحب وقتها ..وقعت من اديها , جيت اسالها ليه مالحقتش... كات مشت وسابتني للألم , جيت انادي عليها مقدرتش ...وقتها لقيت صوتي انكتم , ودارت الايام , وفيوم من الايام , قابلتها صدفة فكافيه , وجت عيني فعينها , سألتها بعنيا : ليه ؟ ودلوقت هي فينها؟ , فهربت من عنيا ..وخدت بعضها ومشيت ..طلعت برة الكافيه , جريت وراها بسرعة.. شديتها من ايديها ..وسألتها طب ليه ؟ ..فقالت : عايز أيه ,
فسكتت لحظة ثم .. قلتو لها: انتي طلبتي ..7 منجة وشربتيهم , وطلبتي سنداوتشين ..صحة وعافية واكلتيهم , وبعد دا كله هتمشي ...يا حلوة الرموش ..منغير ما تحاسبي عليهم , دا حتى ما يتهضموش !! فبصت لي : بقرف , فقلت : فين الشرف ؟ سيبك من حبنا ؟ ..وذكريات زمان , وزعلك مني فجأة ...على طول وللابد, لكن ذنبه ايه ؟ الجرسون الغلبان , اللي شغال ف المطعم ..داهون يترفد !!
دا اكيد شقيان طول ما هوا شغال, تلاقيه شغال يا عيني عشان ..يجيبله مصاريف جيشه , او يمكن فاتح بيت وابو عيال , نيجي احنا كدة انا وانتى..عشان نقطع له عيشه؟ , خلي عندك احساس , حسي شوية بالناس , فقالت لي : طب حاسبلي انت يا اخي , مش انت عاملي نجم وعندك فانز؟ , فقلت لها : بصي انتي عارفة كويس , ان انا اخري طاولة واتنين كانز !! وانتى صراحة تقلتي...جدا جدا ف الطلبات , وانا لو دفعتلك هيجيلي..فساعتها احباط ؟ , قالت : احباط من ايه ؟ ..قولتلها من تحت الباط !!..وانا اصلا هادفعلك ليه مين انتى؟ , انسانة عيانه وبحالات ,كنتي حبيبتي دلوقتي مش حبيبتي , خالتى وخالتك اتفرقوا الخالات ..
فمدت ايدها في شنطتها ..فرجعت للوراءي كي اتهرب ..خفت احسن يكون معاها... ال بتاع دة اللي بيتك يكهرب !! ..فطلعت لي : ورقة بمية ....ثم قالت لي : قد عظم شانك , روح حاسب الجرسون وخلي .. الباقي علشانه أو عشانك ...فاخدت ساعتها المية جنيه , من ايديها خطف امال ايه ؟ , وقلت لها : كدة يبقى مية مية , والله وعرفتي يا بت طريق المية , الله يرحم ابوكي الحج بشلة دا على شرط , مات ومكانش لاقي حتى حق سجارة فرط , سبحان من دفا جيوب العالم.. الفقرا الغلبانة , فبصتلي ومشيت وهيا ...شكلها زعلانة, ق
ال ميمون بن لبيبة : ثم رميتو عيني فجأة....على باب الكافيه , فوجدت الجارسون بينادي : يا حضرت؟ يا بيه ؟ فوضعت فجيبي ساعتها .....المائة جنية , ومشيت وانا مطنش ع الاخر ...ما رديتش عليه ...والختام