متزعلش مني مش قصدي أجرحك

معلش حبيبي
مش قصدي أجرحك
كان كل قصدي
بس أسألك
إن كنت حبتني
إن كنت ناديتني ؟
أنا كل قصدي
بس أفهمك
ما تفهمش قلبي
إنه بيلعب فيك
من أول نظرة
والروح هيمانة فيك
ناديتني عيونك
وجريت وراهم
وبقيت غريقة
بالسحر اللي جواهم
إعذرني حبيبي
ولحظة من فضلك
من يشوف سحرك
لازم يعشقك
إعذرني حبيبي
لو قلت حبيتك
قلبي مش بإيدي
وقلبك مش بإيدك
ليه بتزعل
لما بسألك
من حق اللي ينادي
يلقى اللي يرضيه
وأنا قلت حبيتها ؟
وأفهم باقي المعاني
كان كل قصدي
لبحوري أناديك
زي ما عيونك
قدرت تغرقني
أراهن بعمري
إنك بتكابر
بحب اللي يحبك
وهايم والله فيك
مش قادر تقولها
وبتزعل من السؤال
الحب حبيبي كلمة
مش لازم تتقال
الحب نبضة
جوه الروح عايشة
الحب عندي
إزاي أحافظ عليك
حتى من شعوري
لو فكر يجرحك
الحب إنت
وإنت الحب كله
متزعلش مني
حبيبي لما بسألك
عمره ماكان قصدي
والله أجرحك
سامحني حبيبي
تاني مش هسألك