فى ذكرى مولد الحبيب

يا رايح للحبيب
ونويت على السفر
ياريتنى معاك رفيق
ونزور خير البشر
بلدة خير الأنام
الكعبة والمقام
فيها إتولد حبيبنا
رسولنا المعتبر
ونشوف حمام الحمى
بيرفرف فى السما
ويقول لكل ساجد
الله قد غفر
......
يارايح للمدينة
بلغ عنى السلام
وإدعيلى وانت ساجد
بالروضة خلف الإمام
يغفر ليه ذنوبى
ويزيل عنى الآلام
ويعود القلب أبيض
من غير حقد وخصام
دا انا نفسى أزوره تانى
أزور بلد السلام
ربى حقق رجائى
وتكون مسك الختام