أصحي يا مصري

أصحي يامصري عشان ماتعيش أوعي تغيب وتروح ماتجيش
لو رزقك جالك ولا مفيش قول للراحه ما تلزمنيش
لازم تبدأ شغل اليوم ح تجوع أو تاكل ولا تصوم
يبقي تصحي تقوم م النوم إعمل حاجه زمجر زوم
والديب بياخد ما بيديش وعمر الديب مايكون درويش
وإفتكر إن أنت كمان محروم قوم يامصري وصحي النوم
مش عايزك تفضل ف البدروم وتفكر مره وتطلع يوم
والجو ملبش كله غيوم وإن سكت تعيش مهموم
نور الشمس طلع علشانك قوم إتلحلح صلح حالك
واللي ما يخطر يوم علي بالك عمرالمصري ف يوم مايهون
قوم ودق الباب بالهون وبلاش تنعق زي البوم
وإفتكر إن أنت كمان محروم قوم يامصري وصحي النوم
عندك زوجه وبيت وعيال والعيشه معاك علي قد الحال
وياما الاكتاف بتشيل أحمال وعشان ما يكون الرزق حلال
إجري بسرعه ولا تمشيش الحق روحك إصحي وعيش
وإذا سألت ما تسألنيش يمكن حظك يضرب شيش
ولا ترجع تاني تشيل ف هموم ويبقي بكره أحسن م اليوم
وأوعي تنسي أنك محروم قوم يامصري وصحي النوم مع تحيات الشاعر العاشق / نبيل عبدالعزيز