فاطنه و المرأة المصرية

صورة الفنانة القديرة "عبله كامل" هى الصورة المنتشرة جداََ فى الفترة الأخيرة على موقع التواصل الإجتماعى الفيس بوك،..
بتستخدم الصورة وتعبر على أنها الأكثر نكداً وفقراُ لحال المرأة المصرية وهى من مسلسل " لن أعيش فى جلباب أبى" ،
الحقيقه أن الصورة بتعبر بكل تلقائية عن حال المرأة المصرية الشرقية الإجتماعة العادية سواء كانت بنت أو مدام ، و ده دليل على أن الفنانة القاديرة "عبله كامل" من خلال دور واحد فقط فى مسلسل قديم جدآ كمان قدرت تخترق خصوصيات المرأة المصرية بهيأتها الشكلية البسيطة والعادية وهى قاعدة فى البيت بكل تلقائية وأرتياح ."عبلة كامل" من خلال شخصية "فاطنة" اللى كان بينطقها الفنان نور الشريف وليست "فاطمة" على أساس أن الناس البسيطة بتنطقها كدة.."فاطنه " أو "عبلة كامل" مش بس نجحت فى الدور ده بكل قوة لأ الحقيقة أن أى دور بتمثله الفنانة "عبله كامل" بيعتبر علامة فى السينما المصرية لإنها مش بتمثل بالمعنى التقليدى والعادى لأ هى بتحس الشخصية وبتلبسها بتغير جلدها كله فالمشاهد بيحس أنها فعلآ الشخصية دى بكل تفاصيلها وعمقها البعيد والنفسى."عبله كامل" من أهم الفنانين المصريين اللى بيحبوا مهنتهم بجد واللى أدورهم بتناديهم و اللى ممكن كمان تمثل أى دور مهما كان وتصدقها وتقتنع حتىلو كان دور طفله أو إمرأه عجورة .. عبله كامل فنانة لن تتكرار فى السينما المصرية .
Eman Samir