كلمة اعتقد انها بقت عادة عندنا ياريتنى ذاكرت...ياريتنى قلت...ياريتنى اجتهدت...ياريتنى ما قلت كلمة اخرتنا كتيييييييييييييييييير...رغم ان جيلنا اتربى على جملة كانت فى ظهر كل كتاب و كشكول ( لا تؤجل عمل اليوم الى الغد ) لكن للاسف كنا بنتريق عليها بدل ما نربيها جوانا كلمة اصبحت علاج مؤقت لفشلنا...بدل ما نعرف سبب الفشل و نجتهد انه لا يتكرر لينا او لاولادنا كلمة ليها مفهومين...الغرب اخد الاحسن و العرب اخد الاسوأ الغرب اقنعوا نفسهم ان ياريتنى كلمة ايجابيه مثل ياريتنا نوصل للقمر...ياريتنا نبقى احسن دولة اقتصاديا...ياريتنا نوفر حياة ادمية لكل الشعب وحولوا كلمة ياريتنى الى حلم...و بدءُوا يحولوا كل ياريتنى الى حقيقه...واصبحوا اسياد العالم العرب للاسف بعد ما كنا اسياد ياريتنى فى العالم بعلمائنا المسلمين فى وقت سابق الا انها للاسف تحولت الى ياريتنى ابقى غنى...ياريتنى اتزوج من اربعة...ياريتنى اكون نائب او فنان او لاعب كورة او.......... كلها حاجات لا تسمن ولا تغنى من جوع احنا العرب عندنا كنوز يقدروا يستغلوا ياريتنى...بس تايهين او ضايعين او عايزين حد يطلعهم للنور...نتمنى انه يجى اليوم اللى نلاقى فيه قائد يمسك ايد العرب كلهم و ينفذ كلمة كل عربى بيقولها ( ياريتنا نبقى احسن امه فى العالم) اخيرا علشان مطولش عليكوا عندك فرصه فى ياريتنى اوعى تنساها ياريتنى اطمنت على ابويا و امى قبل ما يموتوا ياريتنى خاصت مشروعى او مذاكرتى قبل الميعاد ياريتنى استخرت ربنا قبل اى قرار وحاجات كتير اوى من ياريتنى بس اهمهم من وجهة نظرى ياريتنى صليت...او صومت...او اتصدقت...او عملت خير قبل ما اموت اقابل رب العباد اشوفكم على خير كامل محمد حامد