روح وانت مخلوع

روح وانت مخلوع
متقيدة ايديك موجوع
تشرب من مرار كاسها
تحس بنفس إحساسها
بالكتمه اللي في أنفاسها
والأنين اللي مازال مسموع
تلاتين سنه وياك
في سماها فوق شيلاك
بالفرحة كانت تقابلك
وعذابها كان بيطيب لك
ياما إتحملت ذنبك
وهي الجميلة ملاك
عزيزة وفيها الكرم
من راسها حتى القدم
وانت الأناني جريء
واخد ما بقيت شيء
ف القسمة والتفريق
ظالم وقلبك صنم
صٍبرت وطال الصبر
عاشت مجبره جبر
ع الهبش والتهليس
شيفاك خلاص إبليس
ناوي لها ع التوريث
بايعها بأرخص سعر
حلفت يمين الرب
لتقلب حيطانها قلب
وإن لام عليها الناس
تكشف لهم ع الراس
وشيبها اللي ماله أساس
غير الحمول والغلب