بردية المظاليم

بعد الثوره لازم نتغير علشان أمرنا كله بقي بيحير
نحب ف بعض نغير ف الطبع والذوق لازم يتغير
المحتاج علي راسنا نشيله وكل مايحتاج مننا نديله
ونبطل دقات النقص وبلاش نضربه بالبوكس
علشان نبقي أخوات ف أخوات لازم طبعنا يتغير
العيب فينا ونقول يانظام ما كل واحد يبقي تمام
نحلل مالنا ويبقي حلال ونعيش بكرامه وحريه
نحاسب حتي ف أرواحنا ف البيت كمان لو روحنا
ح نداوي بايدينا كل جروحنا وح يبعد عنا الحراميه
ونبقي نجحنا بكل جداره وننجح كلنا وبدون تفكير
نتعلم نخدم برضه الناس ونزود فينا الأحساس
وكل واحد ياخد حقه من غير الحق ده ما ينداس
وحط نفسك في مكانه وأنت موجود هنا علشانه
بتاخد راتب علي شغلك وليه الناس عندنا يتهانوا
كل مافينا يرضي الله ويأدي عمله بكل ضمير
بنظلم ليه احنا ف بعضينا طب ما نغير كل ما فينا
وندي الحق لصاحب الحق وبلاش نتوه مننا فينا
نتقي ربنا ف كل أعمالنا ويبقي الأيمان هو أملنا
ونبطل نتحكم ف الناس اللي بتجينا عشانه
بحسن عملنا ساعتها وبس ربنا هو اللي ح يحمينا
مع تحيات صعلوك في دنيا الملوك الشاعر / نبيل عبدالعزيز