متحرشون ومظلومات

وتزعلّوا كل البنات
الفضليات الطيّبات
دا اللى اختشى ياخلق مات
متحرّشون ومظلومات
******
سوق الأدب على فين مرق
ياللّى التحرش بيك غرق
والدم هارب واتحرق
بالإنحلال بين الغابات
متحرّشون ومظلومات
******
يااللّى كلامكم أوليا
أمّا الفعايل بالية
بتسيئوا ليه للغالية
وكأنّكم متفجّرات
متحرّشون ومظلومات
******
طب كونوا زى المؤمنين
إيّاكوا تبقوا الهّدامين
والقتّالين الدجّالين
المفتونين بالمليارات
متحرّشون ومظلومات