بالصور .. طلاب SIFE يتحدون جامعات العالم بمشروع مفتاح الحياة !

فى السنوات الأخيرة شهدت الجامعات المصرية نشاطاً ملحوظاً من الطلاب فى المشاركة الاجتماعية وذلك فى شكل فرق عمل وجروبات وأسر ، ولم تنغلق هذه الأنشطة على ذاتها داخل أسوار الجامعة وإنما امتدت خارجها وبعضها وصل للعالمية .. "سايف" هو واحد من أهم وأخطر هذه الأنشطة وهو اختصار ( (Students In Free Enterprise) أي (طلاب فى العمل الحر) وهو نشاط عالمى موجود في 39 دولة و أكثر من 1500 جامعة علي مستوي العالم ..
فى جامعة القاهرة يستغل طلاب سايف وقت الفراغ فى عمل مشروعات لحل مشاكل المجتمع و في نفس الوقت تجرى المحاولات الدائمة لتحسين المهارت والتعلم الذاتى واكتساب المهارات المحتلفة بين الطلاب، وفى كل سنة يتم تنظيم مسابقة في كل جامعة من الجامعات التى ترعى هذا النشاط وذلك لاختيار أفضل المشروعات التى يبتكرها الطلاب فى خدمة المجتمع ، والجامعة التى تفوز تدخل فى تنافس بمشروعها وباسم دولتها مع الدول الأخرى.
وفى هذا العام فازت فريق طلاب سايف فى جامعة القاهرة بلقب بطل مصر وسوف يسافر هذا الفريق إلى دولة ماليزيا فى أول أكتوبر ليتنافس باسم مصر على كأس العالم خاصة بعد أن قدم مشروعات تنموية كثيرة.. ومن ضمن المشروعات الهامة التى قدمها "سايف" مشروع خاص بالمياهتحت عنوان "نقطة حياة ..نقطة منها تنقذ حياه إنسان..هى مفتاح الحياه"، من أجل الحافظ على المياه و ترشيد استهلاكها نزل طلاب سايف فى أماكن مختلفة مثل النادى الأهلي ، كفر حكيم ، محلات ، و جامعة القاهرة وتكلموا مع الناس عن المياه و عن أهميتها فى إطار حملة توعية من أجل أن يعرف الناس أن مصر يصل لها في السنة 55.5 مليار متر مكعب من المياه ، وأن أكثر من 22 مليار متر مكعب منها يضيع بسبب العادات السيئة وأن هناك قرى مصرية كاملة لا يصلها مياه و أنه لو تم بناء سد في أفريقيا ستفقد مصر 11 مليار متر مكعب من ال 55.5 مليار متر مكعب.
ومن الأفكار البسيطة التى يروج لها طلاب سايف فى هذه الحملة:
1- نقفل حنفية المياه و إحنا بنغسل أسنانا ولما نشوف حد من قرايبنا بيحلق دقنه نقولوا اقفل الحنفية.
2- ما نسبش الحنفية تنقط مياه لأن الحنفية الواحدة بتضيع من 15 الي 20 لتر مياه في اليوم لو سبناها كدة تنقط .
3- نغسل الخضار و الفاكهة فى طبق كبير بدل مانسيب الحنفية مفتوحة.
4- نقول لحارس العمارة بتاعتنا يغسل العربيات بجردل صغير بدل الخرطوم اللى بيضيع مياه كتيرة جدا.
5- نفهّم الناس اللي بترش مياه قدام المحلات علشان يقللوا حرارة الجو لأنه في الحقيقة المياه دي الأرض بتمتصها و بتزود حرارة الجو و إن إحنا كدة بنضيع مياه على الفاضى .
6- نروى الزرع الصبح بدري قبل شروق الشمس أو بعد غروبها علشان نمنع تبخر المياه و نحافظ عليها.
7-مانشغلش الغسالة إلا غير لمّا تتملى بالهدوم علشان مانضيعش مياه .... بمعني تاني ما نغسلش تي شيرت واحد أو بنطلون واحد مثلا" .
8--نملأ زجاجة بلاستيك حجمها من ( 600 مل : واحد لتر حسب الحاجة ) بالمياه و نضعها داخل خزان المياه (السيفون ) علشان نوفر في كل مرة نضغط فيها علي السيفون حجم هذه الزجاجة من المياه.
وهذه الحملة رغم بساطة أفكارها وإرشاداتها إلا أنها وصلت بهذه المعلومات إلى 37,975 شخص في الأماكن المستهدفة.