بالفيديو : اسماء محفوظ تبلغ عن أحمد ماهر لأنه حصل على 200 ألف دينار قطرى وماقسمش !

واصل عبد الرحيم على نشر المكالمات المسجلة لاعضاء 6 أبريل على قناة القاهرة والناس حيث أذاع محادثة هاتفية بين "اسماء محفوظ" القيادية بحركة "6 ابريل" المتهمة بالتخابر و "سوكا" احد المتورطين فى التسريبات ، حيث يتوعدا فيها أحمد ماهر ووائل غنيم بفضحهما أمام النيابة والإبلاغ عنهما نظير تقاضيهما مبالغ مالية من الخارج وعلاقات مشبوهة مع المخابرات الأمريكية والغربية.
نص المكالمة:
أسماء محفوظ: ألو يا سوكة.. ألو يا باشا
سوكة: ماهر كلمني قاللي إنت بِتْكلم أسماء؟ قلتله آه بس مكلمتهاش النهارده خااالص.. قاللي بس متردش عليا قلتله معرفش اللي أعرفه اني قابلتها امبارح
أسماء محفوظ: مش عارف ينام من امبارح.. كل شوية يبعتلي رسالة
سوكة: مين ده؟
أسماء محفوظ: هو ماهر
سوكة: مش عارف ينام.. عنُّه ما نام
أسماء محفوظ: بيحاول يأكدلي أنه عارف عننا حاجات كتير
سوكة: يبقى يثبت ده قدام النيابة
أسماء محفوظ: أي نيابة؟
سوكة: ما احنا هنقدم الورق قدام النيابة
أسماء محفوظ: لا يا راجل
سوكة: آه والله
أسماء محفوظ: نعم مين قال كده؟
سوكة: إحنا اتفقنا من ساعتين إننا نبلغ عنه النيابة بعد المفاجأة الجديدة عرفنا المبلغ اللي جه من قطر
أسماء محفوظ: كام؟
سوكة: 60 ألف دينار قطري
أسماء محفوظ: 200 ألف دينار
سوكة: ستين ألف.. الشيخة موزة هيه اللي اديتهمله علشان مشروعين
أسماء محفوظ: مشروعين أيه؟
سوكة: اتقدم بيه مشروع ل6 أبريل
أسماء محفوظ: ثانية واحدة
أسماء محفوظ: أيواا يا سوكااا.. أيوه
أسماء محفوظ: المستند ده شكله أيه وجبتوه منين؟
سوكة: المشكلة إننا مش عارفين نجيب المستند بس عرفنا اللي جواه
أسماء محفوظ: مين اللي انتو متأكدين إن الكلام ده صح
سوكة: أيوه طبعًا متأكدين.. ده هو وباسم وإسراء
أسماء محفوظ: الكلام ده صح من أي ناحية؟ يعني أيه اللي يأكد الكلام ده؟
سوكة: يا بنتي الموضوع ده إحنا عارفينه من زمان بس مكُناش نعرف المبلغ كام إحنا عارفين إنه فيه مبلغ بس كام، ده اللي احنا عرفناه
أسماء محفوظ: ماشي ماشي عرفتوا منين وأيه الإثبات؟ سيبك من إسراء وباسم احنا عارفين شغلتهم وممكن تبقى لعبة جديدة، ومش حقيقي مثلاً واحد زي ماهر كان بان عليه الفلوس
سوكة: أنا شايف المكالمة بعينيّه الاتنين أنا شايف الورقة بتاعة ال4 "مليون" يا بنتي بعينيه شايف خمس معلومات مؤكدة منها أول معلومة خاصة بماهر وأمل والمعلومتين التانيين بخصوص وائل غنيم وبعد كده المعلومة الأخيرة مش فاكرها
أسماء محفوظ: ماله وائل غنيم؟
سوكة: مش فاكر كانت حاجات خاصة بيه حاجة عليه
أسماء محفوظ: مش تهمة يعني لوائل غنيم.. حاجات عادية صح؟
سوكة: حاجات بلاوي لا طبعًا دي بلاوي
أسماء محفوظ: بجد عن أيه يعني؟
سوكة: عن علاقاته بالمخابرات الأمريكية وحاجات كده بره مصر
أسماء محفوظ: بص يا باشا أنا هنزل وخليني اتكلم تاني علشان معييش رصيد.
http://www.youtube.com/watch?v=zZ_qkMW7haE
كما عرض الإعلامى عبدالرحيم على, تسريبا جديدا لبعض النشطاء السياسيين، وكان تسريب اليوم اختراقا لأحد المحادثات الشخصية على فيس بوك، بين الناشط أحمد ماهر مؤسس حركة 6 إبريل، والناشط باسم فتحى.
وجاءت المحادثة بأسرار خطيرة حول اشتراك الطرفين فى منح دولة تسمى "فريدم"، والتى مسند رقم 250 فى ملف النشطاء بالأمن الوطنى لعام 2011.
وجزء مما قاله أحمد ماهر فى المحادثة: بصراحة وما أخبيش عليك، كنت متغاظ جدًا لما عرفت إن حرنكش ووائل عباس وناس كتير بياخدوا فلوس ومش بيعملوا بيها أى حاجة لمصر ، واللى يشترى عربية واللى يشترى شقة .
..