بالفيديو.. تسريب جديد ل «اسماء محفوظ وسوكا»

أذاع الإعلامى عبد الرحيم علي، في برنامجه «الصندوق الأسود»، الذى يقدمه على قناة «القاهرة والناس» تسريبا جديدا للناشطة السياسية أسماء محفوظ ومحمد سوكة – عضوي حركة 6 أبريل، يتوعدا خلاله أحمد ماهر ووائل غنيم بفضحهما أمام النيابة والإبلاغ عنهما بسبب تقاضي الأخيرين مبالغ مالية من الخارج وعلاقاتهما المشبوهة مع المخابرات الأمريكية والغربية.
وجاء نص المكالمة:
أسماء: ألو يا سوكة.. ألو يا باشا
سوكة:ماهر كلمني قاللي إنت بِتْكلم أسماء؟ قلتله آه بس مكلمتهاش النهارده خااالص.. قاللي بس متردش عليا قلتله معرفش اللي أعرفه اني قابلتها امبارح
أسماء: مش عارف ينام من امبارح.. كل شوية يبعتلي رسالة
سوكة: مين ده؟
أسماء: هو ماهر
سوكة: مش عارف ينام.. عنُّه ما نام
أسماء: بيحاول يأكدلي أنه عارف عننا حاجات كتير
سوكة: يبقى يثبت ده قدام النيابة
أسماء: أي نيابة؟
سوكة: ما احنا هنقدم الورق قدام النيابة
أسماء: لا يا راجل
سوكة: آه والله
أسماء: نعم مين قال كده؟
سوكة: إحنا اتفقنا من ساعتين إننا نبلغ عنه النيابة بعد المفاجأة الجديدة عرفنا المبلغ اللي جه من قطر
أسماء: كام؟
سوكة: 60 ألف دينار قطري
أسماء: 200 ألف دينار
سوكة: ستين ألف.. الشيخة موزة هي اللي اديتهمله علشان مشروعين
أسماء: مشروعين ايه؟
سوكة: اتقدم بيه مشروع ل6 أبريل
أسماء: ثانية واحدة
أسماء: أيواا يا سوكااا.. أيوه
أسماء: المستند ده شكله أيه وجبتوه منين؟
سوكة: المشكلة إننا مش عارفين نجيب المستند بس عرفنا اللي جواه
أسماء: انتو متأكدين إن الكلام ده صح
سوكة: أيوه طبعًا متأكدين.. ده هو وباسم وإسراء
أسماء: الكلام ده صح من أي ناحية؟ يعني أيه اللي يأكد الكلام ده؟
سوكة: يا بنتي الموضوع ده إحنا عارفينه من زمان بس مكُناش نعرف المبلغ كام إحنا عارفين إنه فيه مبلغ بس كام، ده اللي احنا عرفناه
أسماء: ماشي ماشي عرفتوا منين وأيه الإثبات؟ سيبك من إسراء وباسم احنا عارفين شغلتهم وممكن تبقى لعبة جديدة، ومش حقيقي مثلاً واحد زي ماهر كان بان عليه الفلوس.
سوكة: أنا شايف المكالمة بعينيّه الاتنين أنا شايف الورقة بتاعة ال4 "مليون" يا بنتي بعينيه شايف خمس معلومات مؤكدة منها أول معلومة خاصة بماهر وأمل والمعلومتين التانيين بخصوص وائل غنيم وبعد كده المعلومة الأخيرة مش فاكرها.
أسماء: ماله وائل غنيم؟
سوكة: مش فاكر كانت حاجات خاصة بيه حاجة عليه.
أسماء: مش تهمة يعني لوائل غنيم.. حاجات عادية صح؟
سوكة: حاجات بلاوي لا طبعًا دي بلاوي
أسماء: بجد عن أيه يعني؟
سوكة: عن علاقاته بالمخابرات الأمريكية وحاجات كده بره مصر
أسماء: بص يا باشا أنا هنزل وخليني اتكلم تاني علشان معييش رصيد.