خلطبيطة رمضانية

بمناسبة رمضان والتلفزيون اللى جايب من الشرق للغرب و اللى فكرنى بالعروسة اللى عايزة تحط فى وشها كل انواع المكياج لحد ما اصبحت خلطبيطة على الاخر ولان الواحد لما بيقعد امام التلفزيون فى هذا الشهر الكريم بيحس بدوخة ودوار واحيانا قيىء وسعال بسبب اللغبطة والحشو اللى كتم على الانفاس ..فقولنا نفتكس افتكاسة تلفزيونية رمضانية...
هنبدأ إرسالنا التلفزيونى بالنشرة الإخبارية : سيداتى ساداتى نقدم لكم نشرة الأخبار
وفى نشرتنا ........ علبتين زبادى و كيلو لبن وخمس خيارات
وتروحى جايبه ....خمس لاعبين فى خط الدهر ..و3 فى خد النص و 2 فى الهجوم عشان الجزائر تعرف تجيب جون ..وبيحكم مباراة النهارده الكابتن جمال الغندور
اللى نزل ارض الملعب وامامه ..............عين البوتاجاز وتحطى عليها حلة وتروحى سايباها....فى المغارة وبعدين يا حبايبى راح على بابا وسمسمه داخلين وهناك بقى وجدوا وجدوا ……قوات مجلس الامن وأدان بشده ما يحدث فى القدس
كما اعلن رئيس وزراء اسرائيل اولمرت انه ...... حمار كبير اوى 
وراحوا راكبينه وطالعين على الغابه ولقوا هناك ........
اللاعيب الكبير……اللاعيب الكبير اوى وماشى بالكوره وهايعدى منه يا خساره اتخدت منه ووصلت
لل..........الفيل الكبير اللى راح ضارب الاشكيف وامنا الغوله
وحطهم جوه ........الكنافه المحشيه بالزبيب وجوز الهند
وبعد كده تضع الشربات …..على حسام عاشور اللى ماشى بالكوره وهايشوط ياخساره …..باظت البصاره انا قلتلك ياستى ما تحطيش ملح كتير على الاكل عشان ما يعملش ...........زلازل وبراكين فى جنوب شرق آسيا مما ادى اللى .........هجوم سلاحف النينجا….وهدف اكيد يضيع منه ويشوط اكرامى الكوره ويوصلها ل............ حلة الشوربه وتحطى فيها حتت الخيار والكوسه بعد ما تسلقيها كويس وتروحى حطالها على ..........كوسوفا حيث هاجم ميلوسوفيتش رئيس الصرب المجتمع الدولى ووصف ما يحدث بانه ............كوسه وقبل ما تسويها لازم تحطيها .............فى الجووووووووون يا واد يا لاعيب دى ما يحطهاش غير ابو تريكة صاحب الراس الزهبيه اللى بيفكرنا .......... بقرع العسل تحطيه على البوتاجاز …..كابتن ماجد اللى خد بسام وراحوا يلعبوا ........... فى الفرن
لمدة خمس دقايق و32 ثانيه وبعدها تجيبى حله كبيره اوى اوى
وتحطى فيها ... ........ ياسر ريان وبيرقص وبيدخل منطقة الجزاء
لكن تحدث له اصابة فيحضر رجل الاسعافات ويحملوه ويضعوه فى ........... حلة
وبعد ما تقدمى الشاى لضيوفك تقوليلهم بابتسامه رقيقه ..........براااااااه و احمد شكرى يا واد يا لاعيب يخطف الكوره من ..........ام على وبعد ما تحطى عليها الشربات تروحى مديه لجوزك .......ببوز الجزمه وزى ما احنا شايفين جماهير الدرجه التالته .......اتحرقت فى البوتاجاز يا خساره يا خساره لكن ماتزعليش تقدرى تقدميها لل.........المفوضين العرب فى مباحثات السلام حيث صرح السيد باراك اوباما انه سوف يضطر للمضى قدما فى عملية السلام
وسيعرض مقترحاته على ........ صدره يا واد يا لاعيب جدو بيعمل عجايب النهارده رقص خمسهوشاط الكوره قنبلة ....... فى قلب العالم الاسلامى
الذي ادان كل ما يحدث داخل ........... بيت الاشباح ولما باسم شاف العفريت قام جرى بسرعه وراح داخل…... مجلس الشعب الذي قرر عقد اولى جلساته ....... فى الزباله لازم تتخلصى منها اول باول وعلشان نجهز الشوربه لازم نسلق ...... القوانين الجديده وقد تم ضبط احد اعضاء مجلس الشعب ........... وهو بيلعب فى شعره ودا يصح يا عمو .لا يا حبيبى طبعا دى عاده سيئه جدا كان زمان 
بيعملها …….الحكم واللاعبين اللى شرفونا النهارده ........... 
والى هنا تنتهى نشرة الاخبار ..