ما تيجوا نطلع " السخنة " السنة دى ؟!

الموضة فى السنتين اللي فاتوا كانت إنك تاخد أصحابك و تطلع على مارينا ،بس الصيف ده فسحة العين السخنة هي الموضة لأنها أقرب مصيف والمسافة بينها و بين القاهرة حوالي 120 كم
و السرعة فى الطريق الجديد المسموح بيها 120 كم في الساعة .. يعني 60 دقيقة وتلاقي نفسك إنت و الشلة قدام البحر .
ونصيحة أوعى تنسى تاخد السنارة لأن الصيد هناك سهل جدا ، و لو كنت من النوع اللي مش بيعرف يعوم ... في السخنة ماتقلقش لأن مافيهاش موج ... و بلاش تتضايق لو لقيت الدنيا الصبح حر شوية ... عادي جدا البحر هينسيك كل الكلام ده.
وفيه حاجات أساسية لازم تكون معاك في السخنة أهمها ال " جيت سكي " لأن البحر قدامك و الجبال وراك وطبيعي تستغل الجمال ده ، و طبعا " البنانا بوت " لازم تكون جماعية هي جمالها في كده ..أربعة يركبوها و تقعوا كلكوا مرة واحدة !