قصيدة حلم بكره

من غير شباب .. الأرض تصبح بور
والترس يعطل والمكن لا يدور
بتقولى إيه ؟ بتلف ليه وتدور
امشى فى طريقك عدل .. يحتار عدوك فيك
واللى زرعته اليوم ... بكره هيطرح ليك
اشقى وشد الهمم .. حاول كمان وكمان
خلى طريقك إرادتك .. والعلم والإيمان
اخلص كمان فى العمل .. اخلص كمان وكمان
بيدك تخلى الوطن جنه من الرحمن
***
خلى الكفاح سكتك .. نور عنين بلدك
وافتح طاقات الخير لو حد يوم صدك
وسيبك من التايهين ......
.اللى ببيعوا الوطن ويأمنوا للخينين
واحلم ببكره اللى جاى ..تبقى مع الخالدين
رافعين شعار الوطن .. ع الحب متعهدين
انتو الشباب الأمل .. والحلم للمساكين