الرئيس للشباب: بلدنا أولى بينا

عقَّبَ الرئيس عبدالفتاح السيسى، أمس الاثنين، على حادث غرق مركب مهاجرين غير شرعيين قبالة سواحل رشيد قائلا: «بلدنا أولى بينا.. وكل مواطن يسقط فى رقبتى ورقبتنا كلنا».
وطالب الرئيس الحاضرين فعاليات افتتاح مشروع «غيط العنب»، الذى يقع ضمن خطة تطوير العشوائيات فى الإسكندرية، وتبلغ تكلفته الإجمالية 1.2 مليار جنيه، ، بحضور كبار رجال الدولة ووفد من الإعلاميين والصحفيين، بالوقوف دقيقة حدادا على ضحايا مركب رشيد.. وقال السيسي، فى كلمة خلال افتتاح مشروع بشاير الخير بالإسكندرية وبثها التلفزيون الرسمى، «احنا كدولة بمؤسساتها مهمتها مش بس تحمى حدودها وتمنع الهجرة غير الشرعية لكن كمان المجتمع معاها لازم يساهم فى دوره أن الموضوع ده ما يتكررش».
وتابع «هو فيه أمل ولا مفيش أمل؟ لأ فيه أمل وهتكلم تحديدا على المنطقة اللى حصل فيها الموضوع مشروع استزراع سمكى قد يكون الأكبر على مستوى مصر خلال شهرين تلاتة».
وأشار السيسى إلى أن مشروع الاستزراع يتكون من مصانع للاستزراع السمكى وتشمل المرحلة الأولى منه ألفين و500 حوض للاستزراع، وقال لكن بالنسبة ل«البرلس وكفر الشيخ عشان الناس يكون عندهم أمل جار إقامة مزارع سمكية هناك، مشيرًا إلى افتتاح 2500 حوض سمكى خلال شهرين، وتوفير فرص عمل فى البرلس وكفر الشيخ، لافتًا إلى أن هناك منطقة صناعية توفر فرص عمل لأبناء كفر الشيخ.
وقال: «عاوز أقولكم إن أى شاب من شبابنا عشان يطلع يعمل كده بيدفع مبالغ كتيرة.. بلدنا أولى بينا بلدنا أولى بينا.. احنا ليه هنتحول كده نسيب بلدنا هو مفيش شغل فيها.. لا والله هو فيه شغل.. ده كلام بقوله وأنا مسئول لأن كل مواطن يسقط كده.. فى رقبتى ورقبتنا كلنا».. واعتبر السيسى فى حديثه أن جزءا من حل مشكلة الهجرة غير الشرعية هو قضاء المسئولين على البيروقراطية. وقال: «فيه أمل بس مش هنقدر نعبر كل التحديات ونخلص عليها فى سنة واتنين أو أربعة».. ووجه السيسى رسالة إلى الشباب قائلا «سايبها وماشى ليه.. تزعلنا وتزعل أسرتك وتزعل مصر كلها عليك ليه طب ما إحنا مش سايبينك خالص بلدك مصر مش سايباك». وأردف قائلا: «احنا بنحل المشاكل بس محتاجين وقت».
وشدد على أنه سيتم الانتهاء من تطوير 300 منطقة خطرة فى جميع أنحاء مصر بحلول يونيو 2018 ضمن مشروع تطوير العشوائيات.
وأشار الرئيس إلى الجهود التى تقوم بها القوات المسلحة وصندوق «تحيا مصر» لتطوير القرى الفقيرة بمحافظات مصر المختلفة.
فى سياق اخر قدم الرئيس التحية والشكر ل«هشام عكاشة» رئيس البنك الأهلى المصرى للمساهمة فى مشروعات الإسكان الاجتماعى وتقديم الدعم اللازم لتلك المشروعات، مطالبا الجميع بالسير على خطى البنك الأهلى.
وطالب السيسى بإيداع كسور المبالغ الكبيرة مثل الخمسين قرشا «وهو ما يعرف بحساب كسر الجنيه» فى حساب خاص لإدخال الفرحة على المصريين فى تنفيذ المشروعات الخدمية.
وتفقد السيسى جمعية لذوى الاحتياجات الخاصة خلال افتتاح مشروع «غيط العنب». وطلب أحد الأطفال المكفوفين من الرئيس عبدالفتاح السيسى ماكينة لاستكمال العملية التعليمية، فرد عليه قائلا: 100 ماكينة مش واحدة.
اقرأ ص2