واحة الإبداع:تأريخ

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين. إن كنت تمتلك موهبة الكتابة والإبداع.. شارك مع فريق «روزاليوسف» فى تحرير هذه الصفحة بإرسال مشاركتك من قصائد أو قصص قصيرة «على ألا تتعدى 055 كلمة» على الإيميل التالى:
[email protected]
اللوحات بريشة الفنانة رباب نمر
كتب: معاوية المهدى
وإيه جايبنا لورا..
غير أكلة المحشي
نفضل نلغ .. افترا
يخلص نقول : تانى
نأكل يا ناس مقدرة
لكن ما نشبعشى
زى الملوك العرب
الملكومين ضانى!!
وأنا ليه رمانى زمانى
وسط الخلايق.. دول
ودول عماهم غناهم
والعرش وترامادول
دول ناس قلوبهم حجر
عذرا يا قلب الحجر
عذرا.. أسأت القول
دا انت انفلقت لبشر
وسقيته لما ارتوى
واحنا ضنانا اتشوى
وف بقنا.. صرمة
قلب الرجال انكوى
واندق ع القرمة
صرنا عبيد الهوى
فانداست الحرمة
ومنين نجيب الدوا
ياااا شلة الفهلوة
سؤال عويص جدااا
من خارج المحتوى
يااااا حسبة البورما
يا ضنايا مالك كده
عمال بتتلوى!
ما تبصليش بعينيك
وأنت بتتشوى!
ولا تقراليش اسمك
جايز يسيح جسمك
ما اعرفش مين هو
علشان أنام وارتاح
بعد العشا المعتبر
وانسى ف ثوانى الخبر
والصورة والتحليل
ياااا كل شعب العرب
يا مسلمين مذاليل
مبروك بقيتم كده
كترة غثاء السيل
ح انشر .. غسيلكوا الوسخ
للخلق وافضحكم
خلى التاريخ يحكم
يا شلة المساطيل
أبابيل.. يا طير أبابيل
أخبار حجارتك إيه؟!!
دا الكفر.. جاى بالفيل
والفيل عموا له عينيه
خلوه.. لهيب بيفور
بيفج يشوى الضنا
يحرق قلوب مؤمنة..
لم حد فاهم.. ليه؟!!!