أنا اتلهيت

انا اتلهيت وخدل زندي مانيش نبي الله غانديان كانت الغلطات من دي يكون ف عون اللي عملها.
***ان كان علي الملح اكلنا وان كان علي السجن دخلناوالصوم نحلناه ونحلنا خلي اللي فاضل لرجالها
***ياما انطحن شاعر قبلي واللوح كتب له اللي كتب ليواشمعني شعرك يا غرابلي* خلاك تفوت من غربالها
***انا اللي ضليت ف جهادي وغشني سحر الواديحدفت للنيل اولادي من بعد ما عمرو دخلها
***يا ام الكرانك والدلتا حاتعملي طرشه لإمتي؟ما اتغيرت كلمه زفتي** والدنيا راقت احوالها
***قالوا اللي يشرب من نيلك لابد يرجع ويجي لكوانا اللي عطشان ف سبيلك الدنيا ايه اللي جرالها؟
***
باريس خلاص صبحت حربة اللقمة فيها بمضاربة
ونا اترميت عند مغاربة الغلب والكرب قتلها
***
مغاربة يا الزر فاشوكة يا زر تربط به فلوكة
باكل معاهم شكشوكة تشمط وتشوي اللي أكلها
***
لا سطل خروب يسعفني ولا بن نكتة يكيفني
ما يقصف العمر ويفني غير الخلايق بعبلها
***
يا مصر هجرك يكفاني يا عاملة قمع وناسياني
ده انا يوم ما حرجع لك تاني حاتبقي رجعة برسمالها
* هو نجيب الغرابلي باشا. كان محاميا قديرا ينظم الشعر ويمدح به حزبه
** إشارة إلي إعلان مدينة زفتي جمهورية مستقلة تحت رئاسة المحامي يوسف الجندي أثناء ثورة عام.1919