قصيدة باسم يوسف «الدستور» تثير الجدل

فى إطار الجدل حول الدستور قام مقدم «البرامج» التليفزيونى باسم يوسف بتقديم قصيدة عبر الهواء مباشرة عبر فيها عن موقفه من الاستفتاء وتحديدًا من استعمال كلمة «نعم» بدءًا من عهد المخلوع حسنى مبارك وحتى اللحظة التى تسبق الاستفتاء على الدستور الجديد.
وتقول كلمات القصيدة


«نعم» بتريح مش كدة؟


«نعم» حلوة كيوت لطيفة قمورة


«نعم» بتجيب استقرار.. «نعم» بتودى الجنة زى ما جابت استقرار وودتنا الجنة ونزلت علينا رضا ربنا


صح؟ قول «نعم» مالها نعم؟ ما هى اتقالت قبل كدة جابت ايه؟؟؟


جابت هم جابت غم وجابت معاها مسودة!!


دستور مصر اطلسأ وأنتم كلكم نايمين ع المخدة


قعد يلاعبك ويحاورك فى كل مادة


وبعديها يقولى دستور.. قول نعم يا أخى علشان العجلة تدور


واللى مش عاجبه فى ستين داهية يغور


اسمع كلام إخوانك وخليك قمور


بس أنا معدتش باكل من الكلام دا أنا خلاص مخى طق


أنا هنزل الاستفتاء وبعلو صوتى هقول لأ


قولوا علينا أقلية مفسدين عملة مأجورين


فلول ومسيحيين ضد الإسلام ومش مسلمين


ماشى يا سيدى اشتم براحتك وشوه كمان


افرح بحشدك بأغلبيتك وجاريك على البرلمان


ما هى اقليتنا ديه هى اللى بدأت الثورة ووصلتكم لفوق


نسيتوا أصل يعنى مكنش من زمان


انبسط يا سيدى بدستورك المسلوق


وانسى جريك ورانا وكلامك معانا بالذوق


وقلبتك السودة علينا مش جديدة عليكم


ولسة منكوا ياما هندوق


ما اللى قبلك بردك كان بيعمل اللى على مزاجه وكله بالصندوق


افرح انت بدستورك واحشد كمان


واضحك علينا بالاستقرار والأمان


اصله انتوا عارفين آفة بلدنا النسيان


أنا بقى مش ناسى هلف على الناس فى كل مكان


وهحط 3 كلمات على كل لسان


خان.. يخون.. وكملوا انتوا بقى





قطاع الأخبار يمنع ضيوف فقرة الصحافة لضمان الحيادية


من جهة أخرى أكدت مصادر بقطاع الأخبار صدور تعليمات بمنع ظهور الصحفيين بقطاع الأخبار للتعليق على فقرة الصحافة. وقال خالد سعد نائب رئيس الإدارة المركزية للبرامج فى تصريحات ل«روز اليوسف» أنه تقرر منع الظهور للصحفيين ببرامج أحداث 24 ساعة وصباح الخير يامصر بفقرة الصحافة لضمان الحيادية فى تحليل الأخبار وحتى لاينحاز طرف لوجهة نظره وبالنسبة لبرنامج مساحة للرأى تقرر استضافة ضيفين بدلًا من ضيف لضمان عرض جميع وجهات النظر.


وأضاف أن التليفزيون المصرى كان ينبغى أن يستضيف كبار الفقهاء القانونيين للدستور سواء معارضين أو مؤيدين للدستور لتوضيح جميع الأمور للرأى العام و لمزيد من الفهم.