مساحة للرأى

منال الاتربي: مشاهدينا السلام عليكم واهلا بكم فى برنامج مساحة للراى الذى نعرض فيه بالراى والتحليل اهم الاحداث على الساحتين المحلية والعالمية الموضوع الذى يفرض نفسة اليوم هو بالطبع الانتخابات الرئاسية اعلانات مرشحى الرئاسة تملأ شوارع المدن والقرى والصحف والقنوات الفضائية تنقل اخبارهم وبرامجهم من خلال هذه الوسائل يسعى كل مرشح لاستمالة الناخب اليه بل وابعاده عن المنافسة الكل يخطب ود الفلاحين فهم يمثلون الكتلة التصويتية الكبيرة التى تمثل حوالى 60% من الناخبين فى برامج ووعود ربما براقة منها ماهو بسيط لا يكفى طموح الناخب ومنها ما يفوق الخيال ولا يقنع الناخب .. الفلاح المصرى اليوم يعانى من المشاكل الكثيرة اضافة الى تآكل المساحة الزراعية وتراجع مشاريع التوسع الافقى واستصلاح الاراضى كل هذا يؤدى فى النهاية الى مشكلة الامن الغذائى , نتحدث اليوم فى مساحة للرأى عن الفلاح ومشاكلة وهل برامج المرشحين لكرسى الرئاسة تسعى لحلول عملية لهذه المشاكل بداية دعونى ارحب بالباشمهندس عبد الحميد مطر ضيفا كريما وهو رئيس مجلس ادارة الجمعية المركزية للاراضى المستصلحة بالبحيرة .. اهلا بيك يا بشمهندس
المهندس .عبد الحميد مطر : اهلا بيكى
منال الاتربي: بصفتك قريب من الفلاح وعلى علاقة وثيقة به نتعرف من حضرتك على هذه المشاكل فى ايجاز
المهندس. عبد الحميد مطر : هو حقيقة عندما وصلتنا هذه الدعوة الكريمة من تليفزيون القناة الثانية لنتحدث فى مشاكل الفلاحين وما هو وارد فى برامج السادة مرشحى الرئاسة لبيت هذه الدعوة وهوانا كنت متابع السادة مرشحى الرئاسة من خلال التواجد التليفزيونى عن طريق المناظرات او اللقاءات او المحادثات وكان امرا غريبا جدا ان ما هو خاص بمشاكل الفلاحين غير وارد عند كثير منهم وعندما وصلتنى هذه الدعوة احضرت كافة البرامج بتاعت السادة المرشحين وكانت كلها صادمة بالنسبة لى لان كافة هذه البرامج تخلو تماما من حل حقيقى ودراسة علمية لمشاكل الفلاحين
منال الاتربي: وعملية ايضا
المهندس. عبد الحميد مطر : وعملية ايضا الفلاحين النهاردة مشاكلهم كثيرة جدا حتى انا لما رجعت لدستور 71 عشان خاطر نشوف ما هى المساحة المعطاه للفلاحين فى هذا الامر فانا وجدت انها ايضا اشياء فعلا لما يقال الفلاح على مر كل العصور مهمشا وهو ايضا فى الرسميات وفى الدستور ايضا مهمش
منال الاتربي: على اساس ان هو يمثل 50% فى البرلمان يعنى ليس مهمشا
المهندس . عبد الحميد مطر : لآ يعنى حضرتك عايزين نقول ان هذا الامر حتى فى خلال عشر سنوات الاخيرة بات شكليا لان الذى يمثل فلاحينا الحقيقى ليس فلاح يعنى حصل تلاعب فى خطط العامل والفلاح فبدل مفيش عامل حقيقى ولا فلاح حقيقى فى مجلس الشعب فى كل الامور فى كل الحالات
منال الاتربي: لم ينزل الانتخابات كفلاح اسما فقط
المهندس . عبد الحميد مطر : اسما فقط حتى حصل نوع من التلاعب فى خلال ال 10 سنوات الاخيرة وان كنت انا ما بحبش الرجوع للماضى لان الكلام فى الماضى دائما بيعطلنى عن لحظتنا الحاضرة و توجهنا الى المستقبل فى كل الحالات انا جبت كل البرامج بتاعت السادة المرشحين وللاسف الشديد كانواتماما حاجتين اما ان السيد المرشح وكلهم ناس افاضل ونحن نقدرهم جميعا اما ان هو كتب حاجة يعنى فعلا تادية واجب او ملئ فراغ على خفيف واما ان هو ماعندوش دراية كافية عن الفلاح وماهو حال الفلاح فى كل الحالات ما هو معروض من مشاكل او ما هو متعرض له الفلاح مشاكل ما كا ن يجب لها ان تكون
منال الاتربي: يعنى حضرتك لم تجد فى هذه البرامج الفلاح ام انك وجدت الفلاح بحلول غير عملية
المهندس . عبد الحميد مطر : لآ الاثنين مش موجودين يعنى انا جبت لحضرتك كافة البرامج كل ما هو مكتوب كل ما كتبه السادة المرشحين فى هذا الامر انا يمكن كنت مثلا لما باشوفهم فى التليفزيون كثيرا ما بيجيش الفلاح باقول قد يكون هذا من الاسئلة الموجهة ليهم ما باتعرضش لهذا الموضوع
منال الاتربي: الم يتعرضوا نهائيا لمشكلة الفقر فى القرى
المهندس . عبد الحميد مطر : فا انا حضرتك جبت البرامج وقلت لعل وعسى لان هذا البرنامج زى احنا ما بنقول هو ورقة الاعتماد لهذا المرشح اللى بيقدم بيها نفسة للناخبين النهاردة لما نيجى انا لما اجى الكتلة الصوتية عندى با لنسبة للفلاحين تتعدى 60% مش كده وبس لما انا حتى بناخد نسب التصويت لما بنلاقيها وفقا للكتلة السكانية فى المدن بنلاقى مثلا 20% 30% فى الفلاحين بتتعدى 60او 70% وعلى الرغم من هذا اهمل الفلاح تماما لان لما بناخد برامجهم واحد واحد فبنجد زى ما قلت لحضرتك اما ان يكون هذا الكلام كلام غير كامل وغير شافى وامانه كلام ليس مدروسا بشكل علمى سليم وانا امامى كافة عشان خاطر مفيش حد يقول ان احنا بنتجنى على اى حد ليه لان انا لما باسال نفسى سؤال الاول بنقول ما هى سمات المرشح لرئاسة الجمهورية انا من وجهة نظرى ده موضوع خارج الموضوع ولكنه فى قلبه انا بنقول ان كلهم يصلحوا انهم يكونوا رؤساء للجمهورية ال 18 واحد ولكن شريطة ان نكون فى مجتمع هذا المجتمع يكون مجتمع مؤسسات حقيقى ومجتمع حزبى حقيقى لان عندما تكون فى المجتمع مؤسسات بتعمل بشكل صح وايضا يكون عندى حزب صح ولذلك انا بنستغرب لما بيجى مرشح يقول ان انا بعد ما ننجح انا هتخلى عن الحزب بتاعى لأ هذا كلام ليس فى السياسة كلام ما يعتبرش كلام سياسى ليه لان انا لما بيقول فى المجتمعات اللى هى مجتمعات مؤسسات فهى انا مش عايز زعيم والا انا عايز نجم ولدينا مثال الولايات المتحدة الامريكية بنجد يمكن بعد اخر رئيس ليها كنا نعتبره من النجوم هو نيكسون كل من جاء بعده بنعتبره رجل من الدرجة الرابعة يحكم دولة من الدرجة الاولى واخرهم اوباما لكن السياق عندهم لانه بيعتمد على مؤسسات بيعتمد على حياة حزبية سليمة فالسياق بيظل سليم وفى اتجاهة
منال الاتربي: بشمهندس لو كانت هذه البرامج لا تسمن ولا تغنى من جوع راى حضرتك كيفية الارتقاء بالفلاح والارض باعتبار ان هناك علاقة وطيدة بين الارض والفلاح نجاحهم معناه ان فيه خير وفير للمصريين فشلهم يعنى والعياذ بالله مد ايد ونستورد لقمة العيش ربنا ما يحكم علينا
المهندس. عبد الحميد مطر : بصى حضرتك هو رخاء المجتمع يعتمد فى المقام الاول على رخاء الفلاح السنه اللى ممكن الفلاح يبقى رايج فيها ممكن يبقى هذا الامرينطبق على المجتمع بالكامل دى نمرة واحد نمرة اتنين ان هو الانتاج الزراعى هو اكبر امان وضمان للقرار السياسى اذا لم يكن هناك زراعة سليمة فلا يمكن ان يكون هناك قرار سليم ثالثا انا بعتبر هذه القضية عشان خاطر ما نقلش الفلاح وايضا
منال الاتربي: من لا يملك لقمة عيشة لا يملك قرارة
المهندس . عبد الحميد مطر : مفيش شك فهى بنقول ان بالنسبة عشان خاطر انا ما اعتبرش الامر امر فئوى فهو انا دايما اقول مشكلة الفلاح مشكلة امه مشكلة قومية مشكلة مجتمع لان كل ما ينتجة الفلاح هوداخل فى الحياة اليومية لكل البشر لكل الناس فا انا النهاردة لما بنلقى نظرة على ما تفضل به السادة المرشحين بنجد ان هما مش عارف هل هما اعتمادا فى هذا على ان مثلا ان هذه الفئة بعرضها وبقوتها وبامكانياتها انها سكته انها ما بتتكلمش انها ما بتقلش انها راضية هل الجميع ايضا بالتالى ان ما جاء فى برامجة انا اعتقد انه لا يقيل ولا يعالج مشاكل الفلاح فى المشاكل اللى عندى النهاردة انا النهاردة مصر تعتبر متخلفة زراعيا كمان على الرغم من هذا ليه لان انا النهاردة لما نتكلم فى ان فدان القمح بيجيب 18 اردب وانا فرحان جدا بهذا وهو فى دولة اخرى بيجيب مثلا 30 و 35 اردب لما بنيجى مثلا النهاردة نقول انا عندى فى مشكلة اسمدة اللى هى من الاسس اللى فى مستلزمات الانتاج لما نيجى النهاردة انا عندى مشكلة اسمدة كيف يكون هذا فى دولة بنقول عمرها 7 الالاف سنه واساس شغلها الزراعة
منال الاتربي: والارض هى الارض والفلاح هوالفلاح
المهندس . عبد الحميد مطر : الارض هى الارض والفلاح هو الفلاح
منال الاتربي: واحنا بنسمع من ايام سيدنا يوسف وكنا بنأكل الدول المجاورة
المهندس . عبد الحميد مطر : ده مفيش شك كل هذا قائم ده دليل على ان هو حتى فى الفترات الماضية وانا مش عايز اتعرض لها كثيرا ولكن احنا بنقول احنا بنقول المفروض ان بعد هذه الثورة ان المنهج كلة أتغير الفكر كلة اتغير انا ادامى هذه البرامج ومثلا حتى باختصار شديد جدا وايجاز شديد جدا باستثناء البرنامج بتاع الاستاذ......
منال الاتربي: احنا بس مش هنقول اسامى
المهندس .عبد الحميد مطر : لأ اناعايز اقولة
منال الاتربي: هو فى مساواة
المهندس.عبد الحميد مطر : هو مفيش شك فى مساواة هو فيما يخصنى انا الجميع متساوى عندى انا لا اروج لاحدا انما الجميع متساوى عندى لكن انا لو بنأخذ بهذه البرامج اذا كان ....
منال الاتربي: هو الحقيقة التليفزيون بيعطى مساحة متساوية للكل
المهندس.عبد الحميد مطر : ده مفيش شك انا اذا كانت هذه البرامج هى دى اللى بتخص الفلاح انا المفروض كنت من خلال هذا البرنامج العظيم اللى انتوا دعيتونا له ده اقول لهم يا فلاحين ماتغيرش الانتخابات
منال الاتربي: ليه كده بس
المهندس . عبد الحميد مطر : هقولك لان البرامج لان ماهو مطروح من برامج لا يحل مشاكل الفلاحين لكن انا بنقول التصويت ده مسألة قومية لان احنا فى ظرف استثنائى والمفروض ان احنا كلنا
منال الاتربي: احنا محتارين
المهندس . عبد الحميد مطر : انا باقولك كل ما لنا وما علينا احنا حتى كمان رغم كل هذه الاشياء احنا كفلاحين احنا بنقول حتى من يصل الى كرسى الرئاسة احنا كلنا بنؤيده حتى انخبناهم او ما انتخبنهمش احنا دى مسالة مع الأغلبية واللى هيقولة صندوق الانتخابات فلما ادى هذه البرامج لمصر باستثناء برامج الاستاذ عمرو موسى لأ الاستاذ عمرو موسى هو يعتبر مس كثيرا من المشاكل وعلى الرغم من هذا برده احنا بنرى فيها رغم هو مدقق لازم انا بنرى فيها مفيهاش فكرة المستقبل يعنى ايضا بردوا بنتعجز على المشاكل والا هنعالج هذه المشاكل مفيش فكرة المستقبل
منال الاتربي: نعم
المهندس . عبد الحميد مطر : نيجى الى مشاكلى انا كفلاح زى ما انا باقول ما كان يجب ان يكون فى دورة زراعية ان هذه المشاكل تكون مطروحة ليه لان هذه المشاكل دائما وابدا تبقى فى المجتمعات اللى هى المتخلفة قوى اللى بنسميها ايه بقى مشاكل ما قبل العقل ليه ما قبل العقل لانه بيعمل فى الجانب البدائى اللى هويادوب مثلا بيزرع عشان خاطر ينتج ولم يصل لمرحلة اللى هى بقى ايه عمليه وصل الى هذا الحد الاقصى من الانتاجية ثم بعد ذلك عايز يطور عشان خاطر يوصل الى اقصى درجة من الانتاج
منال الاتربي: دعنى اسالك سؤال جذرى هل كنت تتمنى يتحدث برنامج معين فى برنامج عنده احد الحلول بالتنازل مثلا عن ديون الفلاح لبنوك التعاون والتنمية
المهندس. عبد الحميد مطر : لأ بصى هذا بصى حضرتك يعنى انا كرجل مزارع وفى الساحة وعلى الارض فى بعض الاشياء هو السبب دائما وابدا القرار بيقولوا قرار مركزى قراره هو من الكبير من الفرعون الكبير هذه الاشياء اللى احنا حطينا ها موضع دراسة حقيقية تجد ان السلبيات اكثر من الايجابيات حقيقتا ليه لان انا المتعثر عندى انا معاه ومتعاطف معاه وعارف مشكلته كويس جدا لكن بيثير حفيظة الملتزم وبيقولك اشمعنى دلوقتى الله هو انت بتدى امتياز للى بيتعثر طب ما تدونى انا كمان امتياز
منال الاتربي: امتياز بمعنى ايه
المهندس. عبد الحميد مطر : بمعنى اذا انت كنت بتيجى تقولى مثلا المتعثر ان انا مش لاقى مثلا الفائض اللى عليه غرامات التأخير انا مثلا بنجدول له المديونية بتعته طب ما تيجى تقول للمتيسر قوله هذا الكلام اللى موجود يعنى عشان ملتزم مثلا طب ما تقولى انت كما ن لك هذا الانتاج فهى دى بردوا من الاشياء الحساسة اللى بتتبقى عايزة حتى بردوا حضرتك تعرفى هذه الاشياء لما بتطرح وبعدين ينزل الامر للتنفيذ بنجد صعوبة شديدة جدا جدا جدا هذه كلها اشياء نبدأ بحلول عملية كان هو الحل العملى ايه بقى ان هو بنك التنمية ده يعاد هيكلته عشان خاطر يبقى اسمعه فعلا بنك الفلاح يعنى يعاد هيكلته من البداية لكى يكون فعلا بنك الفلاح ازاى يقف فعلا جنب الفلاح بشكل صح ازاى عشان خاطر الفلاح ايضا يشعر ان هذا البنك البنك ده بتاعه يبقى هو حريص على فلوسة زى البنك ايضا ما هو حريص على مصلحة الفلاح ده داخل فى الرد على سؤال حضرتك احنا لدينا مشاكل كثيرة جدا واذا استمرت اللهجة واللى بنحضر من الان اذا كان الامر سيستمر على هذا المنوال وعلى هذه الصورة يبقى مفيش تقدم خالص نهائى وخاصة حضرتك احنا دلوقتى زى ما بنقول احنا عايشين فى نشوة الثورة فبنتحدث كثيرا عن السياسة كلام على الرغم انا من وجهة نظرى ان الثورة فى السياسة عالجت مشاكل بنسبة 100% يعنى عالجت مشاكل بنسبة 100%
منال الاتربي: بالنسبة مثلا لاية
المهندس. عبد الحميد مطر : زى ايه انا اهم آفة كانت موجودة بالنسبة لى هو التاجيل تاجيل فى الحكم ده انه هو كان بياتى بكل ماهو ثورى ثم نمرة اثنين ملف التوريث ثالثا انها عملت له حددت فترة الرئاسة رابعا ان هى عملت فى اشراف قضائى لضمان الانتخابات
منال الاتربي: ماهو كده مثلا فات 15 شهر وفى انجازات الحمد لله نحمد ربناعليها
المهندس .عبد الحميد مطر : انا ساتحدث فى مثل كل ما يتحدثون انا باعتبر ان كل هذه الانتجازات بنسبة 100% ايضا اعادة العلاقة ما بين هيبة الشرطة والمواطن المصرى ليحقق مصلحة الطرفين هذا الامر ايضا ايجابى بنسبة 100% بيقابلة وكل ده حصل وعلى الارض
منال الاتربي: احنا كمان اكتشفنا الجيش بتعنا من جديد
المهندس. عبد الحميد مطر : هو الجيش بتعنا
منال الاتربي: يعنى جيشنا بيحسدونا عليه بعض الدول المجاورة لينا
المهندس. عبد الحميد مطر : لأ حضرتك الجيش هوالجيش ده فعلا شرف مصر دى مفهاش كلام لانه فعلا اقدم جيش فى المنطقة يعتبر جيش محترف
منال الاتربي: نعم
المهندس . عبد الحميد مطر : الجيش المصرى يعتبر جيش محترف لانه دخل فى كم من الحروب استطاع انه ينجز اشياء كثيرة جدا حتى فى نكساتة لم يتحمل النكسة وحولها الى انتصار ده بالنسبة للجيش لكن الحقيقة تأتى اللحظة بقى اللى المهمة والاهم على وجة الاطلاق اللى هى زى ما بنقول ايه زى ما بيقول امرؤ القيس اليوم خمر وغدا امر وراحت السكرة وجاءت الفكرة عندما بقى نصطدم بالمشاكل الاقتصادية احنا دلوقتى كلة بنتكلم فى السياسة وسعداء بالكلام فى السياسة واللى يقول القوات المسلحة مش عارف ايه اشياء طبعا بتبقى كبيرة جدا اللى احنا ساعتها بنستشعر ان احنا كفلاحين عايشين فى اراضينا التليفزيون والناس اللى بتشوفيهم دول حاجة واحنا حاجة تانية خالص يعنى احنا بلدين يعنى احنا دلوقتى فى بلدين بلد عايشة فى القاهرة وكل من يأتوا وخاصة كثرة اللذين يتواجدوا فى التليفزيون اللى هما بنسميهم آيات الله على الارض بقوا كثيرين جدا
منال الاتربي: لأ
المهندس.عبد الحميد مطر : لأ كثيرين موجودين واحنا بقى قصة اوحدوته تانية بتختلف تماما
منال الاتربي: يا بشمهندس انت قيمة وقامة ولم تكن كذلك لم يكن حضرتك فى هذا المكان الان انا باستضيف حضرتك عشان استفيد منك باسالك وباسمع يعنى انا عرفت مقترحات حضرتك بالنسبة للفلاح دعنى اسالك فيما يخص الارض نحن الان نحتاج توسع افقى وفى نفس الوقت مصر بتواجة مشكلة فى المياة عندنا نقص مياة راى حضرتك ايه
المهندس . عبد الحميد مطر : ماهو ده يعنى سبب رئيسى من حيث التخلف اللى احنا فيه اللى هو ايه بقى البحث العلمى احنا فى عندنا نوعين من التوسع فى توسع افقى وهوالتوسع فى المساحة احنا بتحكمنا فعلا فى هذا الموضوع موضوع المياه وكنت انت اتمنى بردوا
منال الاتربي: لأ خلينا فى النقطة دى التوسع الافقى معناه ايضا ان هناك توسع راسى
المهندس. عبد الحميد مطر : لأ لأ ده حضرتك ده حاجة
منال الاتربي: التوسع الافقى فى المساحة
المهندس . عبد الحميد مطر : حضرتك التوسع الافقى ده فى المساحة يعنى انا عندى مثلا 100 فدان عايزهم يبقوا 200 فدان
منال الاتربي: نعم
المهندس . عبد الحميد مطر : يبقوا 500 فدان ده يسمى توسع افقى ده بيحكمة اشياء كثيرة جدا جدا جدا وكنت اتمنى بردوا للسادة المرشحين
منال الاتربي: عندنا فيه وفرة مشكلة المياة
المهندس . عبد الحميد مطر : فى برامجهم يكون واحد دارس دراسة علمية يكلف خاطرة ودارس دراسة علمية حقيقية بمقدار ما هومتاح لدينا من مياه وادى ممكن نزود المساحة فى مساحة اد ايه لكن كل الكلام اللى موجود كلة كلام مرسل يا اما انه كلام قديم يا اما انه كلام ملئ فراغ والتوسع الراسى انا حقيقتة شوفى حضرتك انا عشان اتعامل مع الموضوع ده كويس جدا يبقى المفروض ابقى دارس حاجتين دارس ظروفك الاقتصادية ودارس ظروفك النفسية او السيكولوجية هو الكلام اللى موجود ده هو كلام اللى قلنا حتى ان هو بيمس حاجات اقتصادية ممكن ان تتحقق وتتحقق لان هواسئلة كثيرا فى الماضى انا ما درست الجانب السيكولوجى او النفسى عند الفلاح كويس فانا اتعاملت معاه زى ما اكون قلت له كلمتين كده يبقى انا مليت بيهم فراغ وانا مستعد اناقش اى مرشح من المرشحين فيما كتبة عن الفلاح وانا هستشعر ان هو معلوماته عن حال الفلاح
منال الاتربي: الفلاح بيدى له 60 % من الاصوات
المهندس.عبد الحميد مطر : انا هو يدعم الاصوات بس فقط لا غير لكن هوالفلاح نفسة اصلا مش شاغل نفسة بهذا البرنامج
منال الاتربي: نعم
المهندس . عبد الحميد مطر : اصل الفلاح وطنى بالفطرة الفلاح اصلا وطنى بالفطرة يعنى تجدى المياة مثلا
منال الاتربي: مرتبط بالارض
المهندس . عبد الحميد مطر : بطبيعة الحال مثلا تجدى هو ما يعرفش اسم البرنامج خالص ولا يعرف عن هذا الكلام اى اشياء وهو يعلم مقدما ان مفيش حد هيعمل له حاجة وبالرغم من هذا ان هو لا يتردد ان هو يروح صندوق الانتخاب ويتصارع انه يروح وبردوا له مرجعية فى الاختيار ما اقولوش له تقدير
منال الاتربي: التوسع الافقى
المهندس.عبد الحميد مطر: التوسع الافقى اللى هو ايه اللى انا ازيد انتاجية الفدان عندى فدان بيدينى مثلا 15 اردب قمح او 16 انا عايز يبقى 35 هنا بقى ياتى البحث العلمى اللى لا غنى عنه اطلاقا احنا حتى مازلنا حتى هذه اللحظة بنستورد العلم من الخارج وبنفذة بمقدار قدراتنا المتاحة لم يكفى بالشكل الكافى او بالشكل المطلوب مننا ما نقدرش معنديش بردوا ايضا خلفية استخدام العلم استخدام فريد ايضا انا من ضمن مشاكلى انا ايضا كفلاح هو البحث العلمى اللى هوبيقولى ان انا بنعمل عملية تطوير وتهجين للزراعات اللى عندى انا الفدان بدل ما بيجيب 15 اردب ومعيشين مرحلة ما قبل العقل بيجيب 30 اردب اللى بتسمى مرحلة ما بعد العقل مر حلة التطور المرحلة دى بتعتى هذه مشكلتى ناتى لمشكلة اخرى بردوا ايضا من المشاكل الخطيرة جدا وهى ايضا تعتبر بدائية ما كان يجب ان تكون اطلاقا حقيقتا والله يعنى انا قعدت مش عارف السادةالمسئولين وانا مش عايز اتعرض لحد حاجة هما مستحملينها ازاى يعنى انا من وجهة نظرى لوانا مسئول وامامى مشكلة انا مش عارف اعمل فيها اى حاجة اقول والله يا جماعة انا مش قادر
منال الاتربي: فى نهاية حلقتنا اليوم انا باتقدم بخالص الشكر للبشمهندس عبد الحميد مصر رئيس مجلس ادارة الجمعية المركزية للاراضى المستصلحة وشكرا لكم مشاهدينا الكرام والى اللقاء فى حلقة جديدة من برنامج مساحة للراى .