مساحة للرأى

السبت*14/4/2012
محمد جوهر :معظم القنوات بتطالب بقى ......
د/ نائلة عمارة :مادى سلوكيات الغريبة جدا المفروض الثورة وصلت واضح ان هى ما وصلتش الى داخل البشرهى الثورةحالة عامة بترغب فى ان هى تطول المؤسسات وتطول القطاعات اللى موجودة فى الدولة برغم أن الأشخاص نفسهم اللى هيقودوا هذا التطويرأوالمفروض أن هما يعنى سيتحكموا فى عملية تطوير او تحديد شكل المستقبل الثورة لم تصل له هما بيتصرفوا تصرفات عشوائية الناس عموما مش بأتكلم عن الفصيل السياسى احنا كشعب كلنا بنتصرف تصرفات عشوائية بنمارس كل أنواع التجاوزالتجاوزفيما يتعلق بالقوانين فيما يتعلق بالتعامل مع الاخر المختلف يعنى احنا كلنا بنقول ثورة احنا كلنا لا نؤمن حقيقة بمفهوم الثورة أن تقبل الأوضاع الجديدة أوده الاعلام لا يساعد على ده لانه بيكرس فكرة انوا كل تيار يطالب بالحق المطلق او كل شخص يختلف معايا بالتالى هو عدو لي وده اللى بيكرسه الاعلام سواء الخاص اوالعام
محمد جوهر: طيب الرقابة على الاعلام يعنى وجود لجنة يعنى كان دعا اليها احد المهتمين بالاعلام او الباحثين الاعلاميين او المختصين او المتخصصين فى مجال الاعلام لوجود لجنة على شاكلة اللجان الموجودة فى اوروبا او اللى موجودة فى الاتحاد الاوروبى على ما اذكر
د/ نائلة عمارة :المجلس الوطنى الاعلى
محمد جوهر:المجلس الوطنى الاعلى يعنى
د/ نائلة عمارة : اه اه
محمد جوهر:الفكرة دى ممكن تطبيقها فعلا والا الامورهتبقى صعبة شوية والا الامور ممكن فيها يقال أن ده تقييد لحرية الاعلام طب ما ده بفضل شروط معينة
د/ نائلة عمارة :لأ ما زي يعنى الاعلامى لابد يتم وضعة فى شكل محصن ضد السلطات الحاكمة لابد يكون فى شكل تحصينى له على اساس حرية فى الحصول على المعلومة وحرية فى نشر آرائة لابد كذلك حماية المشاهد والمستمع حماية الجمهور من الاشاعات من التزييف من الاختيال المعنوى من المعلومات المكذوبة التضليل كل الكلام ده هى منظومة متكاملة أحد أطرافها المستقبل وأطرافها اللى هو الاعلامى اللى بيقوم بده المجلس الوطنى للأعلام لابد أن هو يكون متواجد فترة من الفترات علشان يحمى الاتصال والقائم بالاعلام والمشاهد فى نفس الوقت والقارئ والجمهوربالتالى هو كمان مفروض يكون مجموعة من الخبراء الاكاديميين ويكون فى كمان من الامن الوطنى او من الامن القومى أو من المخابرات لأن السياسات الاعلامية أو ما ينشر ويقال فى الاعلام بردوا لاب الا يتعارض مع الامن القومى المصرى مايتركش كده ان كل واحد عاوز يقول حاجة او ينشر أخبار اى ان كان توجهاتها وأى ان كان انعكاساتها لانههو مش كل الحقائق فى كل الدول قابلة للنشر لان هناك ما يمثل الأمن القومى فبتالى اللجنة دى مطلوبة بس مطلوب تشريع لان بتدير المنظومة الاعلامية في مصر لكن أنا كل ما أخشاه أنوا زى ما تيار الأغلبية والاسلام السياسى هيمن على كل المشهد هيمن على النقابات ومجلس الشعب والدستور وعلى كل شئ ان هو كمان يبقى فى مجموعة بيقولك لأ أحنا الأغلبية فيبقى بيمثل المجلس الوطنى فى آليات لاختيار الاشخاص الغير مسيسين لانه هو أنت النهاردة لو تضمنت فى هذا المجلس اشخاص تيار غالب يبقى هنا أنت بتوظف سياسيات هذا المجلس لخدمة هذا التيار
محمد جوهر:طيب فكرة وجود نقابة للاعلاميين أو نقابة حتى للمذيعين او لمن يمارسون العمل الاعلامى يعنى حضرتك شايفة الفكرة دى ازاى اولا ثانيا هل متاح ان اى شخص يطلع لمجرد ان شكلة لطيف اوحتى ده قريب فلان او يعرف ده او يعرف ده اويعرف ده انوا يطلع بس عشان يقدم برنامج والا المفروض بيبقى لها ضوابط بيقى لها لجان بيبقى لها طرق معينة عشان خاطر الشخص ده يعطى الترخيص على ان هو قادر على ادارة حوارأو العمل فى المجال الاعلامى
د/ نائلة عمارة : يعنى هو احنا مانقدرش نقصر العمل الاعلامى على الحاصلين على شهادات الاعلام يعنى اقسام الاعلام اوكليات الاعلام بنقول هى ممكن تكون موهبة لكن بيبقى فى بعض الشروط الى هى بتتضمن الحصول على دورة بشكل أو بآخر من مؤسسة معترف بيها بأنة يكون دارس لمواثيق الشرق الاعلامي العمل الاعلامي يكون دارس فنية الحوار الأدوات المهنية اللى هو بيستخدمها حتى يحقق التوازن والموضوعية ممكن يحصل على هذه الدبلوما او هذه الشهادة ويحصل على موقعة يبقى عضو نقابة بشكل او باخر لان أحنا ما نقدرش نفرض ده ان أقسام الاعلام الحقيقة وكليات الاعلام مش بالضرورة كل من يخرج منها هو قادر على العمل في مجال الاعلام لان ده محتاج الى اعادة تنظيم فيما يتعلق بدخول هذه الاقسام من الاساس والامكانيا ت المتوفرة ليها وبالتالى لابد ان يكون هناك نقابة تدافع عن حقوق الاعلاميين بالتأكيد والمفروض ان من يكون قادرا على العمل الاعلامى لابد أن يكن عضوا فى هذه النقابة عشان تبقى عملية تقنين مش اى حد يبقى المفروض انه الاعلامى لانه ده هى دى مهنة صياغة العقول يعنى أخطر مهنة موجودة النهاردة فى العالم قيادة العقول صناعة العقول مش عايزينها صناعة العقول صناعة الانقسام اذا لم يوضع لها اطار تشريعى حقيقى يخدم مصالح المشاهد مش مصالح تيار
محمد جوهر:يعنى تضمين هذا الاطار يعنى فى الدستور الجديد يعنى الاطار العام للسياسة الاعلامية حضرتك شيفاه ده شئ مناسب
د/ نائلة عمارة:ده لازم وضع تصور للاعلام فى الدستور الجديد لان الأول كان بيتكلم عن الصحافة فقط مكنش هناك ما ينظم الاعلام المسموع والاعلام المرئى عندنا دلوقتى انترنت وعندنا نيو ميديا وعندنامواقع عندنا مدونات لابد ان يكون فى تشريع بينظم ده مش بنتكلم عن الحبس حبس الصحفيين لكن احنا بنتكلم عن مسألة انوا ازاي يتم النظر الى كل هذه الانشطة الاتصالية فى اطار انها اداء الاعلامى وبالتالى لابد من اخضاعة لمنظومة قانونية تكفل للناس حرية الحفاظ على بمعنى ما يبقاش فى اغتيالات لشخص ما ما يبقاش فى ترويج للاشاعات احنا شايفين الموقف عامل ازاى فى الاعلام النهاردة الاعلام لان جزء كبير جدا منه هو تمديد للشائعات هواغتيال معنوى أن امبارح كنت بالمناسبة بتفرج على برنامج فى التليفزيون وكان احد السادة الضيوف كان بيتكمل عن انوا مثل القائمة السودا دى اللى اتعملت اول الثورة خالص انوا جاية سلفر من امريكا انوا يعنى في حد بيسعى ان هو بيضع بعض النفوذ الفنية والسياسية في بوتقة القائمة السوداء عشان يشيل المجتمع منهم ويخليهم يتراجعوا عن المشاركة وابداء الراى وهنا بردوا لتشجيع لحالة الانقسام فاذا كان ده سبب من امريكا فا مش هتقدر تلاحقة باعتبار ان هو حاجة جاية من بلد بعيدة لكن انت على الاقل اذا تم ده بشكل او باخر بالمجتمع لازم يكون فى آلية
محمد جوهر:الحيادى في الاعلام حضرتك شايفة انوا ممكن الاعلامي يكون حيادى او المؤسسة اللى بيشتغل فيها ممكن تكون حيادية والا صعب تحقيق حياد
د/ نائلة عمارة:لأ هو مفيش حياد مطلق او حياد كامل ولا موضوعية مطلقة احنا بدأ من ان احنا بنبص على الاخباراللى جاية من وكالات الانباء عندنا 10 الالاف خبر احنااختبرنا 5 للنشر من هنا مفيش حيادية يعنى هو أنا أخترت الخمسة دول على اساس ايه ده بيدعم مصالحى بيدعم مصالح البلد بيدعم مصالح التيار اللى انا بأنتمى له صياغة الخبر كل دى الموضوعية المطلقة دى مش موجوده بنقول أكبر قدر ممكن من الموضوعية لانه انت فى النهاية الناس لما بتستقبل الاعلام بتبقى خلاص بتحدد ما هو الاعلامى المحايد ماهوالاعلامى اللى بيثير القلاقل علشان كده حضرتك هتكتشف ان الناس بتقول لك الاعلام خرب البلد ده معناه انوا الناس اكتشفت انوا الموضوعية او عدم الموضوعية اكتشفوها المهنية كمان حضرتك بتخلى ان الشخص حتى لو موضوعى لا يصلح لان الشخص لو كان غير موضوعى لا يظهر عليه عدم الموضوعية لان اناممكن اكون مواهبى نحو تيار معين نحو فكر معين لكن مش بالفجاجة اللى كانت موجودة دى لآن اوعى تقولى ان الاعلام الامريكى محايد تجاه الامن القومى الامريكى مش محايد لكن وانت بتتعرض لهذا الاعلام قد يبدو ليك أنت كمشاهد او كمستمع انوا اعلام موضوعي لكن احنا لو حتى مارسنا عدم الموضوعية بشكل عام بشكل بلدى يعنى اللى هو ايه انا بقى مش موضوعى كأنك بتقول للناس انا مش موضوعى هه عاوزين ايه وهنا الاعلام كمان خسر لانه لما نقول الناس بتتهم الاعلام بأنة عاد مفهوش مصداقية يبقى انت النهاردة كل الجهد اللى بتبذلة المحطات وبيبذلة الاعلاميين احيانا جزء كبير منه بيروح هباءا منثورا لأن الناس قاعدة بتشوف وبتسمع
محمد جوهر:حوارنا مستمر مع حضرتك ومعانا مشاهدينا الكرام ولكن بعد متابعة هذا التقرير
التقرير
مذيع : محمد سلماوى .. فى المصرى اليوم يرى فى ترشيح القيادى الاخوانى رجل الاعمال خيرت الشاطر محاولة لجمع السلطة بالمال والدين يرى حسان .. فى المساء يقول : بغض النظر عن القرار الذى ستصدرة المحكمة الادارية الاثنين القادم بشأن دستورية الجمعية التأسيسية فان تصرفات الاخوان ومعهم السلفيون غير مطمئنة وتنذر بكوارث على حد قولة عبد الهادى عبد البارى .. فى الاخبار يعجبة صبر دكتور كمال الجنزورى وصموده فى وجه انتقادات نواب الاخوان لممارسات حكومته بطريقة مهينه ولا يعجبه مطالباتهم في عناد مستفز وظلم جائر برحيله لغرض خبيث في نفوسهم على حد تعبيرة مراد عز العرب .. فى وقفة بالاهرام المسائى يؤكد على ضرورة ان تظل عيوننا مفتوحةعلى حدودنا المصرية وحمايتها من الغزاة وبخاصة سيناء ولا ننشغل والا ننشغل عن امننا القومى بما يدور حاليا على الساحة الداخلية محمود عبد الحميد فى اتجاه اخبارى في المسائية يدعو الله ان تعبر مصر الازمات العصيبة التى تمر بها بدأ من اللجنة التأسيسية للأنتخابات التأسيسية للدستور وبدأ من سحب الثقة من حكومة الجنزورى ومرورا بازمة الوقود وحمى ارتفاع اسعار الدواجن والاسماك بسبب أزمة الحمى القلاعية عادل الانصارى فى الحرية والعدالة يرى ان حديث القوى العلمانية والليبرالية عن سياسة الاستحواذ والتكويش والاستئثارالتى ينسبونها للاسلاميين انما هو سلوك مشين أفرزه واقع مختل من المؤسسات الاعلامية وعدد كبير من المؤسسات الحكومية التى حجبت الوجود الاسلامى بتوجيهات وتعليمات مسلم بها .
محمد جوهر:نحن فى زمن تحول فيه السياسة المستحيل الى ممكن لكن احنا امام مشهد سياسى الضرب فيه كمايقال باللغة الدارجة تحت الحزام واللعب على المكشوف المصالح هنا هى التى لها الكلمةالعليا دكتورة نائلة يعنى نعود الى التصريحات ولكن هذه التصريحات يأتى الاخوان المسلمين تهديدات من الاخوان للاعلاميين تنذر بفتح السجون والمعتقلات لمن لا يقدم فروض السمع والطاعة والعهده على جريدة الدستور يعنى أية رأيك حضرتك فى الكلام ده
د/ نائلة عمارة :لأ ده طبعا تهديد بانوا احنا خلاص تجاوزنا فكرة انوا حد يهدد حد احنا بننقد وبنلوم الاعلاميين وبنتكلم عن المشهد وبنتحاور وبنحاول اننا نحط منظومة قانونية لكن فكرة التهديد وما قال المرشد عن انهم سحرة فرعون وخلط الدين بقى بالاعلام بالسياسة ونخش فى هذا النوع من المتاهات مش هتكون مقبولة مفيش حاجة اسمها تهديد للاعلاميين الاعلاميين معظمهم وطنيين قد تاخذهم اللحظة قد يكون لهم توجهاتهم لكن فى النهاية مش ممكن هيكون ان هو مطلوب من كل اعلامى يعمل دقن ويمسك سبحة على علشان خاطر ان هويتواكب يعنى احنا بنخدم لأ بقى مجموعة من المنافقين فى الاخر مش من علاميين احنا بنقول ما يحكم بيننا وبين اى تيار سياسى المنظومة القانونية اللى هتحدد طبيعة عمل الاعلامى اللى هى بتتحط بتوافق مجتمعى مش من حق المسلمين ان هما يحطوا او كمان يتحدثوا عن مشروع ينظم العمل الاعلامى بشكل منفصل والا بقى اذا كان هما هيخدوا مصر بقى من الباب للشباك يبقى خلاص دى عملية خطيرة جدا يعنى
محمد جوهر:طب اللجنة الدستورية بعد الانسحابات اللى تابعناها وحضرتك تابعتيها معانا العديد من الفصائل والقوى السياسية وايضا النقابات وحتى الجوانب الروحية اوالدينية هناك الازهر والكنيسة ايضا انسحبوا حضرتك شايفة ان ده ممكن يؤدى الى ان هذه اللجنة متناقدة للشرعية والا هيفضل هناك اصرار فيما بين اصرار من الاخوان المسلمين على تنفيذ ما يرمون الية أو حتى التعامل باسلوب الصفقات كما يراه البعض او سيب وانا اسيب انت ادينى الجزء ده وانا اديك الجزء ده
د/ نائلة عمارة:ماهو طبعا بالتاكيد زى ما حضرتك قلت بالضبط بالتأكيد فى صفقات وستتم صفقات وهى السياسة فن التفاوض وفن اجراء الصفقات عشان كده احنا لما بنقول الدين لما بيخش فى القصة يفسد الدين وتفسد السياسة الاثنين مع بعض انما هو فى النهاية المشهد غريب جدا رمزية الانسحاب حتى ان لم يكن بشكل رسمى ده بينور لمبة لجماعة الاخوان المسلمين أحنا مش عايزين نعيد حزب وطنى لأ انما لو هنتكلم عن تزاوج المال بالسلطة وعن الذى افسد مصر وافسد السلطه وادى بينا المشهد النهائى لهذا النظام اللى هو حكومة رجال الاعمال النهاردة بنعيد انتاج حكومة رجال الاعمال وعلى راس الدولة بيرشحوا رجل أعمال أو تاجر او رجل أعمال
محمد جوهر:مش شرط يا افندم طب مصلحتنا احنا والشعب فين ؟
د/ نائلة عمارة:هقول لحضرتك الشعب فين انت فجأة الاعلام له دور فى الانارة والاستنارة لكن الحقيقة الاعلام وكأنة فوجئ بوجود التيار الاسلامى السياسى بهذه الكثافة فترة طويلة جدا كثف هجومة وتوجهاتة ناحية المجلس الاعلى للقوات المسلحة وادار الهجوم على الاخوان المسلمين بشكل فيه قدر من الاستحياء لكن هوفوجئ بقى بالمشهد الاخير للمسرحية لان 70% من البرلمان بقى للاسلام السياسى النهاردة المواطن العادى الطبيعى لو جينا خدنا الناس الشعب المصرى الجميل اللى ادى صوته لحزب النور وحزب الحرية والعدالة صدقنى انا لو نزلنا سألنا الناس هتلاقى اسباب لا علاقة لها لا بالبرنامج ولا يعرف يعنى ايه جماعة اخوان مسلمين ولا بتاريخ الاخوان المسلمين ولا تحالفاتها الأقليمية ولا علاقاتها الدولية ولا مشاركتها الاقتصادية فى المجتمع شكلها ايه الناس دى بتاعت ربنا الناس دى اللى هتقيم الشرع الناس المظلومة اللى الحكومة السابقة تتبعت أعضائها وتم الزج بيهم فى السجون هى عوامل عاطفية واحنا شعب متدين الى جانب بعض ادلى بصوتة لاحساسة او تحت ضغوط اقتصادية موجودة ولكن ده لا الومهم عليه لكن ده فى النهاية لما نيجى نتكلم عن جماعة الاخوان المسلمين هل كل من اعطى صوتة لجماعة الاخوان المسلمين هل هو عنده فكرة عن التركيبة الخاصة بهذه الجماعة أهداف هذه الجماعة أيه هى طموحات هذه الجماعة أيه المشروع السياسى اللى عندهم المشروع الدينى مشروع الخلافة اللى موجود هل يعنى سألوا هى مصر فوق الجماعة والا الجماعة فوق مصر محدش سأل نفسة السؤال ده عشان الشعب نفسة الاعلام ما اشتغلش على فكرة توعية الناس مش عشان يقولهم الاخوان المسلمين وحشين والا كويسين لكن عشان يقول لهم هما دول الاخوان المسلمين اذا كنتواعايزين تنتخبوهم انتوا احرار لكن هو فى النهاية لو سالت أى حد من الشعب اللى بيمارس الديمقراطية لأول مرة اللى خارج من نظام لم يجعلة يمارس الديمقراطية لمدة 60 سنة مش ممكن أبدا ان خياراته هتكون صحيحة نقبل الخيار ونتعامل معاه لكن هو فى النهاية أناباعتقد انوابالممارسات الفوقية والاستعلائية للتيار الاسلامى السياسى وانا مش عايزة اقول عليهم الاسلاميين لان طب احنا ايه طب والازهرايه
محمد جوهر:صح
د/ نائلة عمارة: واذا كان الاخوان المسلمين هم الاسلام طب امال السلفيين هما ايه والأزهر ايه يعنى احنا بنخش فى جدل فقهى وبنخلط ان هما ناس عاوزة توصل للحكم من خلال وضع نقطة الدين او هما متدينين بجد م أقدرش أحكم على تدينهم الشعب فين حضرتك الشعب مغيب الشعب مغيب ليه لانه احنا فى ظرف سنة هى ثورة 25 يناير الاعلام لم يفطن الى حقيقة انوا هو يدى الناس جرعة حقيقة من المعلومات انا مش باقول
محمد جوهر:كمكتوب ومرئى ؟
د/ نائلة عمارة:مكتوب ومرئى وكل حاجة كل حد من اللى ادى صوتة للحرية والعدالة كان يعلم انه يعطى صوتة لمكتب الارشاد أو للمرشد هل كان يعلم ان مصر ستدار من خلال هيئة اوجماعة اسمها جماعة الارشاد من خلال مرشد اسمة كذا ويقال ان هو الذى لا يدير هذه الجماعة هناك اشخاص اخرين هل حد يعرف مين "رشاد البيومى " هل يعرف مين " محمود عزت " كل دى كيانات احنا ما نعرفهاش الشعب لما ادا للأخوان المسلمين أو التيار السلفى هو اداهم وجعه وعذابه وقهره هو اللى خلاه يصوت للمسلمين لكن هل فى اللحظة دى التيار الاسلامى السياسى هيعمل وهيشتغل سياسة بما يوفق ويعمل عملية توافق لكل قوى المجتمع ويلم هذا المجتمع المشتت ويراعى مصلحة الوطن فى هذه اللحظة اللى انا اشك فيها المباركة الأمريكية والمباركة الغربية لصعود الاسلام السياسى لانه حتى تبعيات ده الناس لازم تفهمة
محمد جوهر:البعض وصف الاسلام السياسى ممن وصولوا الى السلطة ممن اتكلم عن الاخوان المسلمين مثلا على سبيل المثال بأن هناك حالة من الغرور ربما يمر بها كل قوى فى مرحلة من المراحل يعنى هذا الغرور الذى وصفوا به هل من الممكن ان يتداركوه فجأة ويعدوا مثلا الى الصواب مرة اخرى على حسب من وصفهم بهذا الوصف ام انهم ممكن انيستمروا فى هذه السياسة التى من الممكن ان تؤدى الى مشكلات كبيرة للوطن
د/ نائلة عمارة : والله انا زى زى كل الناس اللى بتراقب المشهد المشهد به ضبابية شديدة جدا وانت مانتشد قادر تتكهن ما يدور فى الحجرات المغلقة لانه اصلا الموضوع بس مش داخلى فقط لكن داخلى واقليمى ودولى واحنا شايفين رحلات مكوكية للأخوان المسلمين لأمريكا ولأوروبا ومحاولة التطمينات اللى بيقدموها فيمايتعلق باتفاقية السلام فيما يتعلق بالقوانين الاقتصادية يعنى اية اللى هيحصل ايه اللى هيتم يعنى انا اتمنى ان هما يعودوا الى رشدهم والاتاخذهم فكرة الاستعلاء بالقوة او بالشارع او بالصندوق لانه الحقيقة العملية ما بتحسبش بالطريقة دى لان فى بلد اسلام اسمها مصر بلد ليها استحقاقات بلد لازم يعنى نبقى فاهمين احنا بنحط رجلينا فين لكن الاخوان طبعا لم يظهروا تواضع واحنا بنقول لهم بقى احنا الشعب اللى بيقول لهم على فكرة فى مثل بلدى بيقول الطمع يقل ما جمع يعنى هنا الطمع السياسى يعقبة طمع اقتصادى يعقبة طمع فى جميع مناحى الحياة وفى قوة بالتأكيد لم تسمح بده بشكل مش مطلوب فى المرحلة القادمة
محمد جوهر:فى نهاية الحلقة نتقدم لحضرتك بالشكر الدكتورة نائلة عمارة استاذ الاعلام بجامعة حلوان وبالطبع شكر موصول لكم مشاهدينا الكرام على متابعة هذه الحلقة موعدنا يتجدد يوم الأثنين القادم بأذن الله الى اللقاء.