مساحة للرأى

ولاء غانم: بسم الله الرحمن الرحيم 2/5/2012 حلقة يوم الأربعاء وحلقة جديدة من مساحة للرأي اللى بنفرد فيها مساحة لأحد الضيوف النهاردة أو خلينا نقول من يوم الاثنين أول امبارح بدأت رسميا الحملات الانتخابية والدعاية لبعض المرشحين لرئاسة الجمهورية أول مرة مناخ جديد موجود فى مصر المواطن حاير مش عارف هيختار مين وعلى أساس إيه طيب احنا نشوف البرامج الانتخابية موجود فيها هنقول نقاط مهمة جدا المفروض تتحقق فى الفترة اللى هيتولى فيها هذا المرشح بنسمع عن حرية للرأى وبنسمع عن تطويرللتعليم وملف الصحة يفتتح والأمية والبطالة وما إلى ذلك ولكن ازاى احنا محتاجين نسمع تفاصيل مش بس شعارات مش بس جمل رنانة جميلة النهاردة الحقيقة هنفتح أو هقول هنلقى الضوء على الحملة الانتخابية أو الدعائية للمرشح الرئاسى الفريق أحمد حسام خير الله من خلال الإعلامى الأستاذ محمد زكريا والمنسق العام لحملة الفريق أحمد خير الله أهلا بحضرتك يا أستاذ محمد منورنا .
أ.محمد زكريا:الله يخليكى
ولاء غانم : خلينى الأول أسأل حضرتك من خلال المناخ اللى احنا فيه من الإضرابات والاعتصامات واللى احنا شايفينة فى العباسية دلوقتى الحاجات دى مش هتنتهى فى يوم وليلة بمجرد رئيس جديد يجى الفريق أحمد خير الله شايف ازاى الإضرابات وإلى أى مدى ممكن إن هويقف ضد اعتصام معين أو إضراب معين
أ.محمد زكريا: خلينى أشرح لك الأول فكرة سيادة الفريق أحمد خير الله إن هو منذ بداية المظاهرات دى إن لا لازم يكون عنده ما بيحبش هو رد الفعل يعنى ما بيحبش إنك انتى تكونى تابع الأول لازم يكون عنده القرار قبل ما يحصل يكون بيحب اللى هو إدارة أزمة عايز يعمل فى مصر حاجة اسمها إدارة أزمة ازاى تديرى أزمة قبل ما تتم ويعرف ازاى الأزمة دى هتقاد مثلا لو النهاردة فى ندى مثال مثلا مشكلة فى هيئة النقل ده كان فكرة منه يعنى النهاردة كان فى مشكلة فى هيئة النقل النهاردة عاملين إضراب يا جماعة مطالبكوا1-2-3-4 ومتفاهمين معاكواهنعمل لكوا 1-2-3-4 وحقكهم هو بيوصل للعامل الكادح بيقدر يوصل للناس لإنه منهم فهو ممكن يرتب للناس دى ازاى يحل لهم مشاكلهم محلش مشاكلهم يبقى لازم يكون عنده حلول سألته انا مرة طب البديل يكون عندك ايه القوات المسلحة طب القوات المسلحة اللى عملتة القوات المسلحة نزلت السواقين اللى عندهم حموا العربيات عايز الدولة حق التظاهر يبقى عند اى حد فى مصر وبيقول لو مكنش فى مظاهرات مكنش هو وصل للى هو انتخب نفسة رئيس للجمهورية فخلينى هو مقتنع جدا بقدراته ولكن مظاهرات سليمة اللى لا تضر وبيكره حاجه عنده جامده جدا بيقولك دم المصرى لانه كان راجل قوات مسلحة عارف يعنى ايه كلمة الدم فيقول لحضرتك الدم المصرى ده غالى جدا الناس ما بتعرفش قيمتة فواحد بيحس ان يقول ده دمه غالى جدا ده مواطن ده انسان الناس محتاجة له بالنسبة لسؤال حضرتك على الساحة طبعا النهاردة سيادة الفريق اعلن الحداد لمدة ثلاثة أيام ليس حداداعلى الشهداء ولكن حدادا على ما يحدث فى ميدان العباسية
ولاء غانم : طب
أ.محمد زكريا: من الطرفين سواء من الطرف ده او من الطرف ده دى يعنى مازلت اكرر هو عنده الدم المصرى غالى جدا
ولاء غانم : طيب انا هستأذن حضرتك والسادة المشاهدين ان احنا نطلع تقرير سريع ونرجع مرة تانية لحضرتك
تقرير
الفريق أحمد حسام كمال حامد خير الله وشهرته حسام خير الله من مواليد يوليو عام 1945 وهو رئيس هيئة المعلومات والتقديرات ووكيل جهازالمخابرات العامة المصرية الاسبق اعلن عن ترشحه للرئاسة فى الثانى من يناير عام 2012 عن حزب السلام الديمقراطى مستندا فى ذلك على تاريخه العريق فى خدمة الوطن قبل وبعد الثورة حيث عرف عنه انه كان من معارض نظام التوريث خلال النظام السابق واحالته وظائف الفريق حسام خير الله حصل على بكالوريوس العلوم العسكرية وبكالوريوس التجارة عام 1982 حصل على العديد من الدراسات فى علوم المخابرات السياسية والعديد من الدراسات المهارات الادارية بالولايات المتحدة الامريكية بدأ حياتة ضابطا لسلاح المظلات واشترك فى حربى اليمن واكتوبر تدرج فى المناصب حتى اصبح قائد لكتيبة المظلات وترك الخدمة نهائيا فى عام 1976 التحق بهيئة المعلومات والتقديرات بالمخابرات العامة فى عام 1977 وتدرج فى المناصب حتى اصبح رئيسا لها فى عام 2000 وحتى عام 2005 من اهم الانواط التى حصل عليها الفريق حسام خير الله خلال تاريخة العلمى حصل على نوطى التفوق الرياضى وحسن اداء الواجب اثناء الكلية الحربية حاصل على نوط الواجب العسكرى من الطبقة الاولى عن دورة فى حرب اكتوبر حاصل على ميدالية الخدمة الطويلة بالدولة والمخابرات كما حصل على وسام الاستحقاق من الطبقة الاولى من ابرز النقاط فى برنامجة الانتخابى مصر دولة مدنية ديمقراطية دينها الاساسى الاسلام وتحترم خصوصيات ابناءها فى اطار الدين لله والوطن للجميع اعطاء الاولوية القصوى لمحاربة الامية واستثمار الثورة البشرية فى اطار النهضة العلمية الشاملة التامين الصحى والتغطية الصحية لجميع المواطنين وكفالة حق العلاج امر واجب على الدولة تبنى سياسة اقتصادية تحقق العدالة الاجتماعية باعادة توزيع الثورة وتحديد حد ادنى واقصى للدخل تقوم الدولة بدورها الحقيقى فى تمويل ورعاية القطاعات الاقتصادية ذات التأثيرات الاسترايجية على حياة المواطنين
ولاء غانم : مرة تانية بنعود الى الاستديو مع الاعلامى محمد زكريا والمنسق العام لحملة الفريق احمد حسام خير الله قبل ما نكمل موضوع البرنامج الانتخابى ونخش فى تفاصيل اكثر لازم اسال حضرتك ان الفريق تقريبا كان اول مرشح مخابراتى لاول انتخابات رئاسة مصر هوعسكرى ومخابراتى ايضا دلوقتى فى بعض الاصوات بتعلوا احنا مش عايزين عسكر مش عايزين ناس بتنتمى للمؤسسة العسكرية تعليق حضرتك
أ.محمد زكريا: ليه نقول عليه عسكر أنا النهاردة هديكى ثلاثة أمثلة النهاردة أنا محتاج واحد مدنى انا عن نفسى عايز الرئيس مدنى ليه أقول عليه عسكر وهو سايب الجيش من 37 سنة من فترة بسى هو اشتغل فى الجيش لغاية لما اصبح قائد المظلات وبعد كده اشتغل فى المخابرات العامة اكثر اللى اشتغل فى المخابرات بيعتبر مدنى واحد بيتعامل مع العالم كلة عنده معلومات عن جميع الدول فى العالم اما بيجى يعنى فى ناس مابتعرفش المواطن المصرى ما يعرفش دور التقديرات والمعلومات فى المخابرات العامة اى وزير مهما ان كان فى مصر عشان يعمل اتفاقية مثلا مع الملك الوزير راح يعملها مع الملك الوزير ما بيعرفش يعملها المخابرات العامة هى اللى بتجهزها له وهى اللى بتحط له النقاط والاسس اللى هيتكلم فيها والعقد اللى هيمضية وبتدى له كل حاجة وهوبيطلع صورى ادام الناس بيمضى العقد دا بقى اللى الناس ما تعرفوش اى وزير اى مباحثات سلام يعملوا تقرير هيئة المعلومات الرئيس السابق محمد حسنى مبارك اما كان يفكر فى اى حاجة ويحضر اى دولة لازم ان هيئة المعلومات تقول له 1-2-3-4 لازم تمشى عليم هو يقبلهم او ما يقبل همش لكن هو بيطلع تقرير فالراجل ده بيتعامل مدنى دى نمرة واحد ، نمرة اتنين الجزء اللى هو كان بيقنعنا فيه اما اتكلمنامعاه فى الجزء ده العسكرى النهاردة الناس عارفة ان فى تهجير 70 الف مواطن يهودى رايحين ليبيا وده اعلنوا عنه يعنى د ليبيا هتبقى عندك الشرق والغرب وطبعا عارفة موضوع مالى حضرتك وعارفة موضوع جنوب السودان يعنى معمول عليكى كده دايرة الوقت ده الوقت اللى احنا في الوقت اللى احنا فيه ده محتاجين راجل يكون زو خلفية عسكرية ما بنقولش عسكرى وانا مش عايز عسكرى ولكن ذو خلفية عسكرية الحاجة التانية لازم يكون محنك جدا فى ادارة الجيش تعالى النهاردة لو جبتى راجل مدنى قولتى له تعالى امسك الدولة اوكيه وجه الجيش النهاردة قال له احنا عايزبن الميزانية بتعتنا 2 مليار الراجل المدنى هيقوله سمعا وطاعة ياامتا يرجع تانى ويحطوا له 7 مستشارين عسكريين وال 7 دول اللى همشوه لكن لو قرارة من دماغوا هيبقى عارف يعنى ايه انت محتاج لجيش النهاردة فلوس اد كده كذا هيقدر يديرها لان الدولة مفتاحها الاول هو حاجتين الامن والتعليم هو محنك فيهم انا شايف ان هو محنك فيهم
ولاء غانم : طب ازاى ده اللى هيخلينى اسال حضرتك اول شئ هيعنى به الفريق حسام خير الله فى البرنامج الانتخابى بتاعه اول ما يتولى
أ.محمد زكريا: اول ما يتولى
ولاء غانم : اه اول ما يتولى وربنا كرمه
أ.محمد زكريا: ان شاء الله ، ان شاء الله وبنأمل ذلك واحنا واثقين من ذلك يعنى انشا ء الله لو هو بقى رئيس جمهورية اول حاجة هو النظام بتاعة او الشعار بتاعة دولة العدل دولة العدل عنده ان كل حاجة عدل يعنى sorry يعنى اى حد حضرتك دورة رقم 3 يبقى ياخد رقم 3 فاهمة قصدى رقم 3 يعنى ايه يعنى ما يبقاش رقم 7 عشان ابن فلان رقم 2 المساواة فى كل شئ انتى لكى حق تخديه النهاردة مش عاجبك حكم حاجة يعنى بالقانون ودى دولة العدل يعنى يهمه قوى وده فى ترتيباته وده فى برنامجه ان القضاء يكون مستقل مالوش دعوة باى حد سليم يبقى دولة العدل طب عشان دولة العدل دى الكرامة كرامة المواطن المصرى هى من كرامتى لان هو فى ترتيبه او فى سيكولوجيته فى الحياة انا كرامتى كده وده اللى هتعملية يعنى شخص متواضع جدا شخص تتلكمى معاه ماتحسيش ان ده رئيس جمهورية لكن انت الا دى كرامة حداو تغتابى حد ادامه او تتكلمى على حد ادامه فعنده كرامة المواطن المصرى يعنى مش عايز اقولك ان هما بيعملوا شعارات عنترية احنا هنلغى كذا هو ده اللى محفزة خايف على مصر الجزئية اللى فيه جاده جدا ان هو الجيش ادا له التعليم ان هو مصر دى حاجة كبيرة عنده هو راجل حارب فى حرب 73 وحرب اليمن ويعنى علموه ازاى يبقى شهيد يعنى خلاص الشهادة بالنسبة له سهله جدا وموضوع المخابرات لما اشتغل فى هيئة المعلومات لف العالم عنده معلومات عن العالم كلة بيعمل له حساب صفحتنا على الفيس بوك دخل اول اسبوع 188 اسرائيلى له
ولاء غانم : حبينه ايه
أ.محمد زكريا:معلومات
ولاء غانم : معلومات
أ.محمد زكريا: اه عشان يخدوا معلومات راجل مهم جدا بالنسبة لهم مش بيعملوا له حساب جدا غايفة منه جدا امريكا بتعمل له حساب جدا وهو شارك فى الكوميسا وشارك فى حاجات كثيرة جدا بس هو من النوع اللى مابيحبش يعلن عن نفسة هيعمل ايه هرجع للجزئية اللى حضرتك بتقولى لى فيها اللى هى ازاى دولة العدل دولة العدل زى ما باقول لحضرتك يعنى هو ينزل يزعزع خلينا نقول ان احنا معملناش 60% من الانتخاب اللى فى مصر هو ده اللى يقدر ينزل لتحت ويزيزعزع يزعزع الهرم من تحت كده يهزه عشان هو بيقول لنا يهزه طب تهزة ازاى يهزة يقول يهزه امسك الحبة الصغيرين دول لتحت فالكبير هيتغير فيقيم دولة العدل ده اول حاجة الحاجة التانية اللى هو اتفضلى
ولاء غانم : طب يعنى هقول بمعنى دولة العدل يعنى مثلا فى ملفات زى التعليم والصحة الامية البطالة الحاجات دى بتهم الناس جدا ازاى ادينا تفاصيل
أ.محمد زكريا: خلينا نتكلم فى بداية فى التعليم ،التعليم عنده له مراحل التعلم يعنى عنده افكار جميلة جدا فى التعليم ومنهم طبعا مازلت اقولك من طريقته فى العمل يخص الدنيا التعليم حاجة سهلة جدا بيقول الدولة من غير تعليم ما تنفعش بس بيقولك عشان بتعلم لازم يكون قوى يبقى صحة وتعليم ايد واحدة فهو بيحطهم حاجتين واحدة اول حاجة عنده الطاقة والبطالة دول اهم حاجة لان هما محتاجين سرعة مش محتاج انه يقول للناس ما بعملش زى بعض الاساتذه المرشحين ان هو ما بيقولش تصريحات عنترية لا بيقول ان دى هتاخد منى وقت يقولى الصراحة لما توصل للناس الصراحة الصراحة دى هتوفر للناس هيقول للناس لأ دى بعد كذا لان فى احد المرشحين مع احترامنا الكامل ليه يقول لك هحل الازمة خلال شهر ونص يبقى كويس لا مصر انا من وجهة نظرى امن3سنين او اربع سنين فكرة سيادة الفريق يقولك لا انا هعمل الامن طبعا لازم يبقى فى امن خلال 6 شهور خلال الست شهور لازم يبقى فى مصرفى مصر بس الامن ازاى الامن انت انتى تغيرى من الشرطة تانى ان الظابط ذات نفسه تغيرية المنظومة بتاعت الشرطة تتغير من تحت تتغير من تحت ازاى ان انا ابدأ اعمل اسس لكلية الشرطة وهو فى الكلية مش ماهو ضابط الشرطة بيتهان كرامته فى كل ....
ولاء غانم : طب ماهو انا هروح للتعليم تانى
أ.محمد زكريا: ايوه بالنسبة بقى للتعليم هو التعليم شايف انه 3 اجزاء جزء الاول احنا ولادنا بيخشوا التعليم ازاى شايل شنه فيها 70 كتاب وقاعد فى فصل فيه 43 ده 43 بحفزك دى بتوصل ل 70 فى شمال الصعيد التعلم قالك لأ فى جهاز صغيركده الجهاز ده ثمنة 300 جنية يستعملة هيبقى رخيص جدا هو ده الى هيستعملة الطالب مفيش حاجة اسمها كتب الدنيا كلها زى الموابيل الموابيل بقالة كام سنة عندنا فى مصر
ولاء غانم : ده مدارس هتوفره للطلبه
أ.محمد زكريا: تخيلى حضرتك بيدفع كام مصاريف فى مصر دلوقتى
ولاء غانم : لا مش عارفة
أ.محمد زكريا: بتوصل حوالى من 160 جنية بتوصل لغاية 600 جنية
ولاء غانم : اه تمام
أ.محمد زكريا: حضرتك ده لما نيجى هو ثمنه 300 جينة دلوقتى لما يجى يتعمم ممكن يبقى 120 جنية المهم ان انا اوفرة للطلبة وشايل جهاز كده بيدرب عليه على ايده من اول ما يتعلم يخش فى المرحلة الاعدادية بيدرب عليه لانى لسة هشرح لحضرتك ايه هو وجهة نظرة فى المرحلة الابتدائية فالجهاز ده هيبقى يشتغل عليه برامج على الحاسب والمدرسين اللى بيتعلموا اللى بيطور فى نفسه هياخد عليه يقولك الحل فى المدرس يبقى كده انتى منعتى الدروس خصوصية كده ريحتيه ا لطالب فى المانيا عملوا الجهازده ليه لان حضرتك لو العمود الفقرى والحاجات دى من الشنط الناس دى عملت الكلام ده من زمان احنا لسه اهو بنفكر فيه الحاجة التانية بيقولك لا مساس بالتعليم الابتدائى بيقولك التعليم الناس بتفكر هنا فى مصر تانى حاجة المرحلة الثانوية برة او العالم 92 % من العالم بيفكروا فى التعليم الابتدائى التعليم ليه هو اللى بينى زى ما حضرتك بتبنى عمارة اهمل حاجة الاساس والا اهم حاجة المبانى
ولاء غانم : طيب يعنى لا مساس للتعليم
أ.محمد زكريا: لا مساس للتعليم يعنى ده اللى هيقى فى مرحلة زى ماهو ولكن بتغيير ان هو يخلى الكوادر العليا جدا هى اللى تنزل التعليم الابتدائى احنا هنا بنحط عندنا اللى جاى لسة خريج كذا بيعمل ايه ما بيعملش حاجة لأ هو عنده فكرة بيقولك الكوادر المهمة جدا هى اللى تنزل التعليم الابتدائى لانها بتنى اساس امال يطلع ازاى الحاجة التانية مش عايز يحمل عبئ المواطن المصرى ان هو يشيل عبئ زيادة عايز الناس الغلابة دول تعيش الناس اللى بتفكر عندنا فى ناس بتقول 16 و17 عشان نكون صرحا ده بالنسبة للتعليم الحاجة التانية هو بيتكلم عن البحث العلمى اللى احنا احتملناه في مصر كل ده ميزانيته بتقل بيقولك لأ عايزة تخلى الدولة كويسة لازم البحث العلمى اما جينا سألناه فى جزئية البحث العلمى وتطوراته وازاى البحث العلمى تطور قال اللى انا باعملة ده بحثا جوا البحث العلمى اللى هما طبعا منهم امريكا معترف بيها المانيا واسرائيل اللى احنا قاعدين بنتفرج عليها وهى بتطورفى البحث العلمى انتى البحث العلمى بتاعك بيخليكى تصنعى سلاح كويس البحث العلمى بتاعك بيخليكى ما تخرجيش برة تجيبى ادوية البحث العلمى
ولاء غانم : ده فى كل حاجة طبعا
أ.محمد زكريا: البحث العلمى وصلت زى سيادةا لفريق ما بيقول ان فى عشان نوفر الميه الزايدة البحث العلمى الفكرة بتاعته الاساسية اللى حضرتك هتسألينى فيها عن الطاقة الشمسية لان هو رئيس مجلس ادارة الجمعية وعمل ابحاث وجاب شركات فى النظام القديم انها تعمل مشاريع فى مصر على الطاقة الشمسية بس كان بيبقى فى ظروف عند الناس اللى عاوز يجوز ولاده اللى عاوز ظروف فالدنيا كانت بتقف انا بكلمك بصراحة فكان المشروع بيبوظ الناس دى زى شركة الميه اليابانية وشركة الاسبانية وشركة الشركات دى لقت التعاملات كده قالت سلاموا عليكوا لا هواتفق بالفعل وحتطها فى برنامجه بالفعل اتفق مع شركة المانية هتعمل مشروع الطاقة الشمسية مشروع الطاقة الشمسية مصر هى الاولى على العالم فى المنطقة فى المكان اللى يتقبل الطاقة الشمسية والرملة ذات نفسها اللى هى بتساعد المادة اللى بتطلع الطاقة الشمسية اللى توفرفى المية توفر فى الكهرباء وتشغل حوالى 11 %
ولاء غانم : ده اللى خلانى انزل مع حضرتك للنقطة التانية بس عشان احنا وقتنا محدود فرص العمل
أ.محمد زكريا: فرص العمل خلينا نقول الاول لازم نتاكد ان سيادة الفريق بيقولك ان فى ناس ساكنة فى البيوت وعندها شقة لكن لودخلتى جوا الشقة وخبطتى عليهم نايمين على الارض يعنى بيقول انا دخلت دخل اماكن محدش رحها قالوا له احنا مجلناش عضو مجلس شعب مش مجلناش حتى رئيس جمهورية هو بدا بالثلاثة دى رقم واحد فى الصعيد مش عشان والده بس
ولاء غانم : هو والده كان محافظ
أ.محمد زكريا: اه عشان محافظ اسوان كمال خير الله وانجازاته وعشان هو راجل متواضع وبينزل للناس وبيقعد على البسطة مع الناس والناس بتحبه وبتقول له انت رئيس الجمهورية الحاجة التانية عارف مشاكل الناس عارف مشاكل الفلاح المصرى يعنى مثلا مش عايز اقول الزراعة حاجة تانية مخلينى اشرح لحضرتك سوق العمالة الاول سوق العمالة اهو هو يوفر فرص عمل فى مشروعات اللى هى استثمار التنمية هو مقتنع جدا بامور التنمية عندك فى موضوع الزراعة قال فى مصر قال فى 20 مليون احنا دا خلين على مرحلة المرحلة ان نزرع مساحات كبيرة جدا فى الاعلى كده وانت نازلة من الساحل الشمالى فى مناطق معينة هيزرع المناطق دى كلها لازم تتزرع عشان تغطى تكلفة الزراعة فى مصر يوفر تكلفة الزراعة فى مصر
او اللى احنا داخلين عليه ده 120 مليون فدان سنة 2020
ولاء غانم : تمام
أ.محمد زكريا: احنا داخلين على مرحلة مهمة جدا لازم
ولاء غانم : تمام بالنسبة برضه احنا عايزين نلقى سريعا الضوء على سياسات الفريق الخارجية سياساته نحوالدول الخارجية وانت حضرتك عارف دلوقتى الوضع اللى حوالينا عامل ازاى
أ.محمد زكريا: هو عنده فكر كويس جدا ولما تيجى تكلميه عن سياسته الخارجية يقولك انا اهلا بأى حد لو ايران اللى الناس كلها بتتكلم عن ايران يقولك الناس كلها بتتكلم عايزة يبقى فى انا لو مش صاحبى ما احضنوش ده المثل بتاعة يعنى ايه ما تحضنوش اهلا وسهلا اعاملة زى اى دولة لكن يتدخل فى سياستك الداخلية وهناك خط احمر وسيادة الفريق بينية مثلا لما سأل عن ايران ايران اه ليها دعوة لكن ايران الخط الاحمرمش من مصر الخط الاحمر من قبل قطر ، من قبل قطر والسعودية لكن دى اسمها امن قومى عنده يقولك خط احمر من هناك لان ده خط الامن القومى بتاعى يبدأ منين مش بيبدأ من على الخطوط المصرية لا يبدأ من قبل السعودية بالنسبة للوطن ماتتدخلش فى عقيدتى كمان متدخلش نظام الشيعة اللى دخل فى مصر مصر ما تعرفش ان الشيعة داخلة جامدة قوى فى مصربيقلولك تعالى المهم هو بيقولك تعالى تعمل علاقات معايا بيزنس اوكية نقاط معايا حاجة كمان مهمة جدا هواحب ا قولها فى تصريحا ت خارجية هو مقتنع قوى بفكرة جمال عبد الناصر , جمال عبد الناصرعمل فى مصر حاجة الناس مش عرفاها خدمت مصر لحد الان عمل ايه جمال عبد الناصر خلى عمل مدارس فى السودان وعمل مدارس فى اثيوبيا وفتح التعليم فى مصروالازهر وعمل جامعات هناك ده شغل مخابرات عمل كمان فى مصر جامعات للناس بتوع اثيوبيا عشان كده بنقول لبعض الرويسا اللى موجودين دلوقتى بيجوا يتعلموا فى مصر لما بيجى يفكر بيفكر فى تاريخة الجميل فى الدراسة الجميلة دى كانت فى مصر فيبقى ولاءه لمصر كان فكرة عملها جمال عبد الناصر ومشيت جدا جدا جدا احناعملنها دلوقتى الحاجة التانية sorryفى الجزئية دى اللى هى بتاعت الصادرات بيقولك لما تيجى هتصدرى لمين هتصدرى لأوروبا يبقى انتى المنتج عالى جدا مش هتصدرى احنا طبعا بنستورد وبنصدر لاوروبا لكن انت عندك خط فى افريقيا عايز يهتم يعنى انا افريقيا محاولة اغتيال الرئيس هو يقولك لأ الرئيس السابق احنا عايزين نفتح مع افريقيا لان أنا ممكن اصدر لافريقيا وفى نفس الوقت آخذ افريقيا دى معايا تبقى قوى جنب منى فالعلاقة الخارجية بتاعته مهم جدا لانه شغله الاساسى كان مرتبط بالعالم كله
ولاء غانم : طيب من قبل ما اقفل السياسة الخارجية للمرشح فى البرنامج الانتخابى نقطة بتقول ان انتوا هتدعموا التعاون مع الاتحاد الاوروبى وهتحاولوا ان انتوا تنضموا لمجموع الدول الثمانى الجى ايه و ان ده مش شايف ان ده طموح شوية يعنى نقطة طموحه قوى لان انت رئيس جاى هيبنى دولة من اول وجديد وفى ملفات كثيرة داخلية اولى
أ.محمد زكريا: احنا دلوقتى لما جينا نتكلم على سينا وسينا بناء قوى ما انتى لما جيتى تتكلمى عن فلسطين ما لقتيش اى دولة تقف جنبك مجلس الامن هيعين دولتين خلينا نكون جنوب افريقيا خلاص خدت مقعد والعالم كله هيديها مقعد طيب المقعد التانى هيبقى لمين عشان انتى يتوافق عليكى لازم تعملى علاقات مع الدول الافريقية وكلهم يبقوا معاكى فلازم تعملى معهم وفى نفس الوقت الاتحاد الاوروبى بيدعم موقفك هو فكرته ان هوعشان ياخد المقعد التالى فى افريقيا مين اللى هيخدوا المقعد التانى ده احناوالا مين ماهو عشان مصر تخده لازم يدعم علاقاته الافريقية والدول الافريقية دى يبقى انت فى بيزنس معاهم فى علاقات وروح الود كان فى مقولة يقولها سيادة الفريق يقولك احنا بنشمأذ من من الغرب بالذات الدول الاوروبيه لما يتعالوا عليكوا طب ما انت بتتعالى على الافارقة ووبيقلولك ليه انتوا بتتعالوا على الافارقة طب ما ليه انت تتعالى على دول وزعلان من الاوروبيين ان هما بيتعالوا عليك بينظروا لك بنظرة لأ ارجع للنور هتلاقى هما بيتعاملوا معاك كويس ده كان الميزان بتاعة
ولاء غانم : طيب سريعا عشان انا ادامى دقائق معدوده سيادة الفريق بيرشح النظام الرئاسى البرلمانى ام المختلط
أ.محمد زكريا: هو عنده مبدأ كمان بيعلنة بس هو بيفكر انه يعلنة كتير ان الناس هتقول انه بيعلنة الناس تقول ده نوع من الدعاية لكن الفريق هيقلل صلاحيات رئيس الجمهورية شاف النظام بتاع ميونخ شاف النظام فى المانيا اللى هو النظام البرلمانى بيقول ان ما ترجعش تقولى بناءا على توجهات السيد الرئيس هناك قرار ارجع واعمل مذكرة للوزيروالوزير يعملها للرئيس لا الوزير ياخد صلاحيات الاسس يبقى معاه كتيب ماشى عليه فى برنامج اتعمل عملة الخبراء لكل وزارة تمشى علية الوزير اللى يجى حد غيره يكمل مش نرجع من جديد وفى نفس الوقت الوزير معه رئيس الوزرا معدا حاجتين الامن القومى والخارجية يتبع رئيس الجمهورية والخارجية هم دول اصلاحات رئيس الجمهورية لكن الوزير له صلاحيات كل حاجة يعملها ويتحاسب تعالى بقى اخر السنة يتحاسب 1و1 =2 النظام الرئاسى اللى اتعمل
ولاء غانم : يعنى ده الرئاسى
أ.محمد زكريا: ده النظام الرئاسى لكن النظام البرلمانى هيودينا فين مش عارف لن اللى جاى يخدم مصر اللى جاى يخدم مصر اى رئيس جمهورية مش هيفكر اى نظام برلمانى
عشان يتبعة نظام رئاسى لكن صلاحيات رئيس الجمهورية ال 62 هيتقلص خالص خالص خالص وتنزل لحاجتين اللى هو الامن القومى والخارجية هما ما ينفعش حد ياخد قرار فيهم الا رئيس الجمهورية لكن هل ده بيقلل صلاحياته لأ بس عشان يدى المساحة من الحرية ويدى الكل يمسك احنا ميعرفوش ان احنا احنا الاول على العالم يعنى لما الرحلات العالمية بتخرج مصراحنا الاولى على العالم لكن فى ما ينفعش اقول الرقم الاخير احنا اخرناس فى العمل الجماعى
ولاء غانم : فى العمل الجماعى طيب احنا سيادة الفريق مع فترة رئاسة واحده والا قابلة للتجديد
أ.محمد زكريا: لا
ولاء غانم : مع بعض المرشحين يعنى
أ.محمد زكريا: هو خطته فترة رئاسة واحده
ولاء غانم : فترة واحده 8 سنوات
أ.محمد زكريا: اه انا عملت 4 سنين عملت 1-2-3-4 فى خطة كاملة اهى بيا ان انا اكمل الفترة التانية ما تبقاش اكثرمن كده لكن بردوا مش الفترتين ورا بعض لأ انا عملت 1-2-3-4 انتوا شيفين ان انا كويس اكمل الفترة التانية لايمكن اكمل ويكون فى فترة تالته
ولاء غانم : طب الفريق حسام خير الله مدعوم من حزب السلام الديمقراطى صحيح
أ.محمد زكريا: هونزلنا على حزب السلام الديمقراطى مدعوم من حزب السلام الديمقراطى لان كان فيه مدعوم من حزب السلام الديمقراطى احنا جبنا اللجنة عندها الناس بتقول ان احنا ما بنصدقش احنا بفضل الله كنا اول ناس مصرعلى مصر ده صديق سيادة الفريق دخل على النت قاله انا معجب بشغلك انا همثلك رجل اعمال محترم فى بورسعيد قدر ينزل العمالة بتعته كلها بدأوا يطلعوا علينا اشاعات قالوا يعنى احنا مثلا مكنش لينا مندوب فى بورسعيد صدقينى مكنش لينا مندوب قالوا ان احنا بندفع 30 جنية جنية و20 جنية و50 جنية واحنا ملناش مناديب فى بنى سويف بنى سويف بعض اهالى عزبة خير الله بدات فعلا بتوكيلات قالت لك لا بدات تدفع 100 جنية سيادة الفرق راح قاعد كده احنا ما قلناش ده احنا فريق العمل الوحيد على مستوى مصر اللى جلنا مجلة المانية وجالنا شركة يابانية عشان تشوف السيستم بتعنا ازاى الراجل ده وصل للكادر ده ومرشح للرئاسة ده فرق العمل بتاعة 7 وللاسف العبدلله 7 افراد بس اناباحب اقولها تانى احنا 7 افراد فقط لاغير ملناش مندوبين فى المحافظات المندوبين ناس شغالين معانا 7والعبد لله يبقم 8
ولاء غانم : طب السؤال يمكن الاخير لحضرتك كمواطن مصرى وكالمنسق العام للحملة شايف ايه البرنامج الانتخابى للفريق ناقص او هنقول انت كمواطن محتاجة ممكن تشير ليه او تلقى الضوء لسيادة الفريق عنه
أ.محمد زكريا: الورق كلة لسيادة الفريق ولا 6 مستشارين يكتبوا له ولا شركة انجليزية كتبت البرنامج ده سيادة الفريق اللى عملة والاستاذ محمد والدكتور عادل دول اللى عملوا البرنامج محدش تدخل فيه انا عن نفسى ما تدخلتش فى البرنامج لكن اللى انا عايز اقول عليه المميز فىلبرنامج انا ما شفتش لكن المميز فى البرنامج ان هو مش ناسى اى حاجة فى مصر لكن المميز فى البرنامج ان هوبيعتمد على جولة تكنولوجية علمية من الدرجة الاولى ان هو عايز يعمل البحث العلمى اهم حاجة عنده الحاجة التانية ان مفيش مواطن فى مصريبات من غير عشا زى ما بيقولوا الحاجة التالتة ان هو يبقى دولة عدل وامان هل فى فى الدولة عدل وامان انام مطمن على اولادى واطمن على بيتى حضرتك لما همشى فى الشارعهبقى عارف ان هاخد حقى مليون ال 100 مش هروح كده وكده فى نقطة صغيرة بس قبل ما انسى هو ما بيقولش انا هعمل حد ادنى للاجور مفيش واحدة يوصل زى السكرتيرة اللى بتاخد 500الف ولا واحد بياخد 300 الف
ولاء غانم : يعنى حد اقصى
أ.محمد زكريا: حد اقصى للاجور بحيث ان هو مايعملش حد ادنى وحد اقصى متجليش النهاردة تقولى لى انا طلعت النهاردة 3 زيارات وعملت 12 الف جنية ده مش فكرة لغاية دلوقتى الفساد ما اتشلش منه 1% لغاية دلوقتى بالورقة والقلم بيقبضوا فوق الملايين مرتباتهم الشهرية لكن هو عايز يعملة ايكونه معاه تمشى ومش نظام عنترى ده يتحقق فى ابريل ممكن ياخد شهور لكن مش فى يوم وليلة زى ما البعض بيقول ان ده هيتحقق فى يوم وليلة الحاجة الاخيرة بردوا اللى هى تكنولوجيا العلم هو معاه سلاح قوى جدا اسمه ان انااعمل طاقة شمسية واعمل وظايف اعين ناس فى حاجة لسيادة الفريق مشروع عنده ازاى يقلص الميه يعنى الطاقة الشمسية هو كتر مصادر الميه يعنى هوعنده اربع حاجات نمرة واحد هيديكى فلوس هييدى لافريقيا قبل ما يدى لاوروبا هيدى لافريقيا الاول ليه يدى لافريقيا عشان يضم الناس لينا بتوع افريقيا وعشان ما نتبهدلش هو ما بيفكرش ان هو يلغيها عشان دى كهربة هيدى اوروبا عشان ياخد فلوس وفى الباقى هيشغل مصانع هتشتغل المصانع هيبقى فى انتاج ممكن التنمية ده شئ هو مهتم به جدا الميه وعشان يبقى فى علاقة صلح معاهم ومايفكرش ان هو يعمل ده كهربة يدى لاوروبا عشان ياخد فلوس ويشغل مصانع لان لما يشغل مصانع يبقى فى انتاج التنمية ده شئ هومهتم به جدا لان بيقول ده المرحلة اللى عندنا
ولاء غانم : طب انا باشكر حضرتك الحقيقة عندنا اسئلة كتير بس الوقت باشكر حضرتك الاعلامى الاستاذ محمود زكريا المنسق العام لحملة الفريق احمد حسام خير الله ونتمى لك التوفيق انشاء الله ونشكر حضراتكوا مشاهدينا الكرام وبكرةان شاء الله من قبل دلوقتى بنص ساعة حلقة جديدة وسلاموا عليكوا