حديث المدينة

مفيد فوزى : جنون الطماطم فى حديث المدينة
مواطنة : القوطة بقيت بعشرة جنية و11 جنية
مواطن : كيلو القوطة ب 11 جنية
مواطنة :باجيب نص كيلو قوطة دلوقتى عشان نعمل لنا شوية سلطة
مواطنة :انا وجوزى بناخذ اكثر من 2000 جنية ومش مقضينا
مواطنة :كل حاجة غالية
د/ محمد الخشن : فى الوقت ده فى الظروف دى الانتاج لا يكفى
مواطنة : الناس مش عارفة تعيش والله بجد فى الاسعار دى
مواطن : كل جمعة بستناك
مفيد فوزى : كل جمعة بتستنانى
مواطن : اه
مفيد فوزى : عايزك تقول لى القوطة غالية لية ؟
مواطن : عشان الحر
مفيد فوزى : ازاى
مفيد فوزى :القوطة غليت علشان الجو
مفيد فوزى : المحل ده بتاعك
مفيد فوزى : لأ
مفيد فوزى : ايوا لكن انت بتعمل ايه هنا
مفيد فوزى : جاى اخذ بصل
مفيد فوزى : جاى تاخذ بصل
مفيد فوزى : اه
مفيد فوزى : دى صاحبة المحل؟
مفيد فوزى : اهلا
مفيد فوزى : اهلا بيك انتى صاحبتة ده
مواطنة : اه
مفيد فوزى : القوطة غالية لية ؟
مواطنة : غالية غالية من السوق
مفيد فوزى : بتبعيها بكام دى ؟
مواطنة : بابيعها انهاردة بعشرة جنية
مفيد فوزى : هى قبل كده كانت بكام ؟
مواطنة : بابيعها ب اثنين ونص
مفيد فوزى : انا شايف كدة قوطة ثانية مفعصة
مواطنة :لأ دى ما تتبعش
مفيد فوزى : دى ايه دى بتاعت ايه دى ؟
مواطنة : دة من هنا طلعة من هنا
مفيد فوزى : والخيار بكام ؟
مواطنة : الخيار ب 3 جنية الكيلو
مفيد فوزى : الناس بتشكى لية امال من الزرع؟
مواطنة : والله بقى ده من الراس الكبيرة بقى مش من الزرع
مفيد فوزى : الراس الكبيرة دى ازاى؟
مواطنة : يعنى دا المعلمين والا الزراعة مش عارفة فى ايه فى البلد
مفيد فوزى : يعنى ايه مش عارفة؟
مواطنة :يعنى ان الحاجة غالية دى فى كل حتة يعنى فى السويس فى اسكندرية فى كل حتة غالية
مفيد فوزى : دلوقتى ب 10
مواطنة : اه دلوقتى ب10 هنعمل ايه بقى
مفيد فوزى : انت جاى تاخذ ايه بقى ؟
مواطن : جاى اخذ بصل
مفيد فوزى : البصل ده كان بكام وبقى بكام؟
مواطن : ب 3 جنية وبعدين هنا غير بولاق الدكرور غير الارياف يعنى هنا ارخص من برة شوية يعنى ارخص جنية 50 ارخص من برة شوية
انما انا
مفيد فوزى : يعنى يعنى القوطة بتاخذها بكام ؟
مواطن : فى ب9 وب8 من كام يوم
مفيد فوزى : بتقول ب10
مواطن : غليت وكله ماهى غليت عشان كدة اليومين بتوع الحر اليومين اللى عدوا الحر حرق الزرع هى السبب هى سبب نفس الاسعار
مفيد فوزى : ب 10 جنية
مواطن : ب 9 وب8
مفيد فوزى : مادام القوطة غالية مفروض تغلى كمان المكوى الصراحة
مواطن : والله هقول لك الصراحة
مفيد فوزى : يعنى انا مش جاى علشان خاطر المكوجية استنى انا باكلمة هو مش انت لما انا باعمل حاجة عن الخضرة والفاكهة
مواطن : اقول لك الصراحة الحاجة كلها كان العالم كلة بيكره بعضه معرفش ايه اللى بيحصل
مفيد فوزى :العالم بيكره بعضه
مواطن : والله حاجة يعنى العالم عايش ده بيعيش وبياكل وهى ماشية
مفيد فوزى : ايه ده؟
مواطن : جوافة
مفيد فوزى : بكام الكيلو؟
مواطن : ب 5 جنية
مفيد فوزى : كانت بكام؟
مواطن : ب 6 وب 7 حضرتك
مفيد فوزى : يعنى ارخص؟
مواطن : اه رخص عن الاول
مفيد فوزى : الله يعنى ارخص بتجيبهامنين ارخص؟
مواطن : من ست هنا
مفيد فوزى : امال بيقولوا لية الفاكهة غالية؟
مواطن : الاول كانت غالية اه ب6 جنية وب 7 حضرتك
بقالها 7 -8 ايام ب 5 جنية
مفيد فوزى : هو انت بتاخذى اد ايه قوطة؟
مواطنة : احنا المفروض بنعوز 2 كيلوحتى كل يوم والا كيلو بكفاية هنجيب ب 300 جنية فى الشهر
مفيد فوزى : عندك كام عيل؟
مواطنة :عندى 4 ها وبعدين 10 جنية كثيرة
مفيد فوزى : بيكلوا سلطة والا ما بيكلوش؟
مواطنة : بيكلوا سلطة طبعا لانها مهمة ليهم
مفيد فوزى : طب وانت لما القوطة ب10 جنية كل يوم بتجيبى اد ايه ؟
مواطنة : ما بجبش انا اجيب نص كيلو قوطة دلوقتى عشان يأضينا حبة سلطة وحبة طبيخ
مفيد فوزى : بيقولوا ان الصلصة تحل المشكلة ده صحيح
مواطنة :لألأ الصلصة لا صحية ولا تعمل سلطة يعنى الصلصة تعمل سلطة حضرتك
مفيد فوزى : الخيار بقى بكام الكيلو
مواطنة : الخيار ب 3 جنية و 2 جنية ونص
مفيد فوزى : كان بكام؟
مواطنة : كان ب جنية ونص وبجنية دلوقتى بقى ب 2 جنية ومش حلو
مفيد فوزى : الخيار برضوا
مواطن : لألأ كان الاول خفيف دلوقتى كتر
مفيد فوزى : يعنى قصدك رخص
مواطن : رخص اه دلوقتى رخص
مفيد فوزى : ليه؟
مواطن :والله عشان كثير الزرع بتاعة حلو يعنى الزرع بتاعة كثير كان الاول ب 4 جنية وب 5 قبل الطماطم ما تغلى
مفيد فوزى : يعنى انت دلوقتى حاطت علية كام
مواطن : 2 ونص
مفيد فوزى : 2 اثنين ونص
مواطن : اه اه
مفيد فوزى : ايه بقى المشكلة
مواطن :صباح القشطة
مفيد فوزى : ايه بقى المشكلة لما القوطة بتغلى والخيار بيغلى انت بتعمل ايه بقى فى الحكاية دى ؟
مواطن : غصب عنى طالما انا جيت باشتغل غصب عنى
مفيد فوزى : اه اه
مواطن : فى زبون بيدفع وفى زبون تعبان شوية واخد بال حضرتك فى زبون اقل شوية يعنى اقل فاقل فاقل وده مع ال ايه مع الجو بكل امانة اللى عايز ب 50 قرش بمشى اللى عايز ب جنية بمشى ده بالنسبة للسندوتشات
مفيد فوزى : لكن مش محدد انت ثمن معين يعنى انت بتعمل العملية كده
مفيد فوزى : سايبها على الاسعار بتاعت الايام دى اهى ادى الاسعار دى
مفيد فوزى : دى قديمة
مفيد فوزى : دى قديمة حضرتك اهى ما بقدرش ان انا اشتغل عليها بحيث ان انا بردوا امشى مع ده وامشى مع ده وامشى مع ده بحيث ان كلة يبقى مستريح
فاصل
مفيد فوزى : نحن قد استمعنا وسجلت مع الشارع انا باسمية الفيضان العاطفى لانه الكلام طالع من القلب محفوف بكل الانفعالات الخاصة حين يصبح الاحتياج لكيلو قوطة امال لوالاحتياج لكيلو بامية امال اكبر او حتة فاكهة تعتبر شئ بالنسبة للبيت سلعة نادرة لكن لكن من المهم جدا وانا باستضيف حضرتك الناس تفهم حقيقة علمية ماهى الوسائل اللى خلت الاسعارفى مصر للخضر والفاكهة واللحوم تقفذ الى هذا الحد
د/ محمدالخشن : فى اسباب طبعا اهمها العرض والطلب وده جزء وجزء اخر فنى خاص بهياكل الانتاج برضوا بيأثر على العرض والطلب
مفيد فوزى : عايز من فضلك دكتور خشن تدخل اكثر فى التفصيل لية لانه الناس اللى قاعدين بتشوفنا واللى قاعدين فى اخر امبابة فى حتت كده فى الجنب هيبصوا كدة اول ما يلقوا الكلام صعب عليه هيحولوا التليفزيون ويروحوا على مين انت عارف
د/ محمدالخشن : بطبيعة الحال ارتفاع اسعار اى سلع راجع لان السلعة دى الكمية اللى معروضة فيها لا توفر احتياجات مصر
مفيد فوزى : افهم من كده ان الطماطم فى مصر مش مزروعة بما فية الكفاية
د/ محمدالخشن : فى الوقت الحالى فى هذه العروة
مفيد فوزى : افهم من كدة العروة العروات
د/ محمدالخشن : اه العروات
مفيد فوزى : هل السنه كذا عروه؟
د/ محمدالخشن :اه طبعا ممكن تطلع 3 عروات يعنى الطماطم فى الارض عمرها 3 شهور فا العروة دى فى الوقت ده فى الظروف دى الانتاج لا يكفى الطلب
مفيد فوزى : هل فى وقت اخرهتهبط
د/ محمدالخشن : بالتاكيد والدليل على هذا من 4 اشهر مكنتش بنفس السعر ده
مفيد فوزى : هل صراخ الناس موسمى ؟
د/ محمدالخشن : اكيد اكيد
مفيد فوزى : ازاى الناس بتصرخ دلوقتى من الطماطم وتقول يا مجنونة
د/ محمدالخشن :ربما
مفيد فوزى : ربما ايه
د/ محمدالخشن : ربما تكون مش موسمية لانه لا استطيع ان اجزم لانه طالما ارتفعت الاسعار بتاعت الطماطم بهذا الشكل نتوقع ثبات اسعار الخضار لان فى مزارعين بيدخلوا سوق الانتاج فى العروة اللى جاية وبالتالى بيزيد العرض وبالتالى بيزيد السعر ببساطة شديدة جدا وبدون تعقيدات
مفيد فوزى : اذن الناس تفهم انه دى ارتفاع مفاجئ مؤقت
د/ محمدالخشن : بالتاكيد والطماطم من السلع المعروف عنها التغيرات اللى بتبقى سريعة فى الاسعار حتى احنا بنقول عليها فى الشارع ايه مجنونة .
مفيد فوزى : هل هى مجنونة
د/ محمدالخشن : اه طبعا بالتاكيد لانها بيحصل لانها بيحصل تغيير مفاجئ فى السعر ولانها سريعة التلف بسرعة
مفيد فوزى : الطماطم على وجه التحديد
د/ محمدالخشن : الطماطم على وجه التحديد سلعة سريعة التلف فى الغيط فى الارض يعنى وفى مراحل التسويق بتعتها
مفيد فوزى : بيقولوا لى ان القفص ب 150 جنية
د/ محمدالخشن : القفص يمكن من حوالى 5 شهور كان ب 5 جنية
مفيد فوزى : ب 5 جنية اللى هو ثمنة ب 150
د/ محمدالخشن : اه اه ماهو لان الانتاج خلاص حصل فية مشاكل فى الانتاج ادت الى ان مفيش انتاج فى السوق
مفيد فوزى : اه اذن الناس تهدأ
د/ محمدالخشن : من حيث الطماطم
مفيد فوزى : طب الفاكهة
د/ محمدالخشن : الفاكهة بشكل عام مانقدرش لان ظروفها غير ظروف الطماطم فى مصرلان الفاكهة
مفيد فوزى : وضح دى يا افندم
د/ محمدالخشن :الفاكهة الفاكهة الطماطم دى الناس تقدر تتوسع فى الزراعات بتعتها يعنى انا عندى عروة السنة دى العروة خلصت هنبدا عروة ثانية
مفيد فوزى : يعنى ايه كلمة عروة
يعنى الموسم الثانى بيبدأ مثلا من 7/1 ينتهى مثلا فى شهر 11
مفيد فوزى : واضح ان انا ش فلاح انت فلاح انت فلاح
د/ محمدالخشن : فلاح ابن فلاح وعيلتى كلها فلاحين
مفيد فوزى : عشان كده العروه عندك مفهومة الناس
د/ محمدالخشن : الناس كلها عارفه العروه يعنى ايه
مفيد فوزى : هى الارض معطائة يعنى الارض بتدى
د/ محمدالخشن : طبعا مشاء الله بس تستخدم ممارسات زراعية صحيحة
مفيد فوزى : هل نستخدم فى مصر ممارسات زراعية صحيحة
د/ محمدالخشن : لأ مش فى جميع الاحوال خاصة الفلاح المصرى
مفيد فوزى :هل المهندس الزراعى اللى بنسمع عنة زمان اللى بيروح يرشد المرشد الزراعى
د/ محمدالخشن : غير موجود
مفيد فوزى : هل الفلاح بيسمع الارشادات والا بيتفرج على التليفزيون
د/ محمدالخشن : غير موجود
مفيد فوزى : بيتفرج على الفيديو
د/ محمدالخشن :غير موجود هو بيسال حد بتاع لكن المرشد اللى كان له دور اساسى وعلشان كده احنا بنطالب دائما فى جميع القطاعات فى وزارة الزراعة فى جميع المؤتمرات ونقول تفعيل دور الارشاد الزراعى
مفيد فوزى : ده مهم
د/ محمدالخشن : جدا واساسى
مفيد فوزى :عايز اسألك سؤال ثانى وارجوك تحترمة يعنى
د/ محمدالخشن : انا باحترم حضرتك يعنى
مفيد فوزى : ربنا يخليك هل احنا بلد زراعى ؟
د/ محمدالخشن : بالتاكيد
مفيد فوزى : هل انتقلنا الى بلد صناعى ؟
د/ محمدالخشن :اشك لا اظن
مفيد فوزى : هل الزراعة يمكن ان تسمى بالمنتجات الزراعية او التصنيع الزراعى؟
د/ محمدالخشن : هذا املنا حضرتك جئت يمكن تتكلم عن اسعار السلع الزراعية بشكل عام اعتقد انه يمكن لاحد الحاجات الرئيسية اللى ممكن تعمل استقرار فى الاسعار هو عملية التصنيع الزراعى
مفيد فوزى : يعنى ايه يا افندم تعبير استقرار الاسعار
د/ محمدالخشن : استقرار الاسعار يعنى احنا كنا بنتكلم عن العداية ب 5 جنية وب 10 جنية هى دلوقتى ب 150 لو وهى ب 5 جنية اقدر اصنعها تمام بحيث ان يبقى عندى وسائل اخرى عندى صلصة عندى كذا يبقى اقدر انا ايه اعمل استقرار فى الاسعار ما تبقاش مثلا ايه
مفيد فوزى : سالت الناس قلت لهم ما تستخدموا صلصة قالوا لا بتدى طعم ولا بتفيد ده صحصح
د/ محمدالخشن : ناس ثانية تتسأل عن الاسئلة دى
مفيد فوزى : ما انا بسالك
د/ محمدالخشن : انا شخصيا معنديش
مفيد فوزى : علميا علميا
د/ محمدالخشن :لألأ اطلاقا هو برة حضرتك الناس بتشتغل باى مادة بردوا ثقافة مجتمع لازم تتغير
مفيد فوزى : بمعنى يا افندم
د/ محمدالخشن : بمعنى ان الناس لازم نقبل على المصنعات بالتاكيد
مفيد فوزى : الناس عندهم شعور ان القوطاية لما بتخش البيت بيبتهجوا لكن الصلصة لأ حضرتك بتقول كلام ثانى بتقول ان العالم الاول بيستخدم الصلصلة ما بيستخدمش القوطة
د/ محمدالخشن : اه طبعا اكيد حضرتك مسافربره وعارف سافرنا كلنا برة وجميع المطاعم الكبرى
مفيد فوزى : ما انا عفوا مش عاوز افرض وجة نظر عن الخارج لان ده فى راى الناس البسيطه شغل خواجات
د/ محمدالخشن : مش مسالة شغل خواجات مسالة بقى خلاص انت محتاج الحاجة دى يبقى ادفع ثمنها
مفيد فوزى : انا وانا باسال استاذ اقتصاد فى رائى هل مسالة التسعير واقعية الان
د/ محمدالخشن : اطلاقا ده غير موجود
مفيد فوزى : ولا وارد
د/ محمدالخشن :التسعير فى جمهورية مصر العربية وفى العالم غير موجود لكن هناك فى الاليات اخرى لضبط الاسعار يعنى لا تستطيع انك انت تقول انك تسعر الطماطم بكذا
مفيد فوزى : غير وارد
د/ محمدالخشن : ده غير وارد على وجه الاطلاق
فاصل
مواطنة : دى القوطة بقت ب 10 جنية و11 جنية
مواطن : القوطة بتطلع عندنا من الغيط بجنية وبجنية وربع
مواطنة :باجيب نص كيلو قوطة دلوقتى عشان تدينا حبة سلطة جنب الطبيخ
مواطنة : انا وجوزى بناخذ اكثر من 2000 جنيه وما بيقديش
مواطنة : كل حاجة غالية كيلو الثوم ب 20 جنية
د/ محمدالخشن : فى الوقت ده فى الظروف دى الانتاج لا
مواطنة : كل حاجة بايظة الواحد مش عارف يعيش بجد والله
فاصل
مفيد فوزى : حضرتك بتخدى الفاكهة ديت زمان بنفس الثمن
مواطنة : لأ طبعا
مفيد فوزى : بتخديها بكام دلوقتى ؟
مواطنة :لأ الاسعار دلوقتى غاليةجامد يعنى مش زى الاول طبعا
مفيد فوزى : الاسعار غالية ازاى انت كربة بيت طب انا عايزك تقولى لى يعنى
مواطنة : الاسعار زادت زادت يعنى
مفيد فوزى : انت شخصيا بتشترى ايه
مواطنة : فى حاجات باشتريها نص وفى حاجات باشتريها كيلو يعنى يعنى ينشترى البلح طبعا اسعارة معقولة يعنى
مفيد فوزى : يعنى البلح الشئ الوحيد اللى بتشترية ؟
مواطنة : ولو فى برتقال يعنى بس اسعارة يعنى بالنسبة للفاكهة الثانية يعتبر معقول انما فى حاجات ثانية
مفيد فوزى : ضربت
مواطنة : ضربت
مفيد فوزى : زى
مواطنة : حاجات كثير
مفيد فوزى : زى
مواطنة : كله والله العنب ضربت والمانجو ضربت والتفاح ضرب حاجات كثير
مفيد فوزى : حاجات كثير
مواطنة :لأ بنجبها يعنى بس بالطلب بقى
مواطنة : القوطة اسعارها كلها غالية والاسعار كله ولعت
مفيد فوزى :القوطه ايه كانت بكام وبقت بكام
مواطنة : لما كانت بيبقى سعرها عالى كانت بتبقى ب 3 جنية
مفيد فوزى : 3جنية السعر العالى
مواطنة : اه
مفيد فوزى : بتعملى ايه لما بيكون يعنى عندك عندك ولاد اد ايه الولاد
مواطنة : عندى ولد وبنت
مفيد فوزى : امال بتعملى ايه قولى
مواطنة : دلوقتى عاملين مقاطعة
مفيد فوزى : مقاطعة
مواطنة : ايوا
مفيد فوزى : يعنى ما بتجبيش قوطة خالص
مواطنة : لأ ما بجبش لان الباعة لما بتجيب وبتعمل بيزودوا السعر عليك بردوا
مفيد فوزى : هل لك وجهة نظر فيما يتعلق بالاسعا ر شيفاها
مواطنة : شيفاها غالية جدا والناس الغلابة يعملوا ايه دا احنا انا وزوجى بناخذ اكثر من 2000 جنية ويا دوبك والله حرام حرام حرام انهم بيعيشوا ب 400 و500 جنية يعنى حرام حرام يعنى لازم يرخصوا شوية ويعملوا تسعرية
مفيد فوزى : يعنى حضرتك بتنادى بتسعيرة ترجع زى زمان
مواطنة :اه طبعا
مفيد فوزى : جهاز لضبط
مواطنة :اه اه لانه فى جشع بردوا يعنى مثلا اللحمة غليت بتاع الفراخ يقول وانا كمان طب لية حرام والا مش حرام حرام يعنى ده لازم يبقى فى رحمة لازم لازم
مفيد فوزى : تعالى قولى شايف انا اهنا انك بتحطم الاسعار ده ايه انت بتبيع ايه
مواطن : بابيع فراخ
مفيد فوزى :بكام الفرخة بتعتك
مواطن : الكيلو ب 18 جنية بدلا من 22
مفيد فوزى : كام
مواطن :ب 18 جنية بدلا من 22
مفيد فوزى : انت محل عادى يعنى
مواطن : اه يا باشا بنجيب من مزارعنا ونذبح فى المجزر وبنجبها نبيعها
مفيد فوزى : ب 18 مش ب 22
مواطن : ب 18
مفيد فوزى : السمك بكام
مواطن : لأ انا ما اعرفش السمك انا عندى بس فراخ
مفيد فوزى : ايوا بكام السمك ؟
مواطن : السمك دلوقتى اسعار السمك غالية
مفيد فوزى : كان بكام
مواطن :حتى دلوقتى المجمد رفعوا اسعار اللحمة
مفيد فوزى : طب اذا كانت عندك الفرخة ب 18 ب 18 ارخص يعنى انا مش شايف لاحد موجود والمحل فاضى وبينش
مواطن : هى الناس لسة خارجة من العيد وخارجة من رمضان
مفيد فوزى : لغاية دلوقتى خارجة من رمضان
مواطن : محدش معاه فلوس
مفيد فوزى : يعنى انت بتقولى ب 18 البيض بكام الكرتونة
مواطن : البيض برة ب18 و20 عندى ب 16
مفيد فوزى : الله يعنى اقل
مواطن : اقل
مفيد فوزى : الله يعنى هى الناس بتدور على الاغلى والا ايه فهمنى
مواطن : الناس مش لاقية
مفيد فوزى : وايه الناس دى كلها اللى عندك فى المحل دى يا سلام بينش تمام هه
مواطن : نعمل ايه
مفيد فوزى : تعمل ايه هه قول يارب
مواطن : يا رب
مفيد فوزى : دكتور مهدى عصرمش عايزاعصرك
د/ مجد مهدى : بالعكس ابقى سعيد لو عصرتنى
مفيد فوزى : فعلا
د/ مجد مهدى : اه والله
مفيد فوزى : افهم من كده ان انا استفذ صراحتك ده جميل للناس
د/ مجد مهدى : ده شرف ليا
مفيد فوزى : يعنى متابع
د/ مجد مهدى : انا متابعك والاستفزاز ده بيطلع حاجات
مفيد فوزى : طب قول لى هل كلمة تسعيرة بالنسبة للنا س فيما يتعلق بالخضر والفاكهة ده كلام رومانسى
د/ مجد مهدى : ده كلام ملهوش اى اساس انه كلام رومانسى وانك انت علشان تسعريبقى عندك قدرة على التحكم لكن تسعر من نفسك كدة على اى اساس
مفيد فوزى : يعنى ازاى التحكم
د/ مجد مهدى : التحكم فى ظل نظام اقتصادى اقتصاد زراعى يتفق مع العلم
مفيد فوزى : هل لدينا اتفاق زراعى يتفق مع العلم فى مصر
د/ مجد مهدى : لأ
مفيد فوزى : لأ كده بوضوح
د/ مجد مهدى : ولا النظام العام فى مصر يتفق مع اى نظرية اقتصادية علمية ومش من النهاردة
مفيد فوزى : من امتى
د/ مجد مهدى : قبل الثورة وبعد الثورة فى الحقبة المنصورية
مفيد فوزى : حتى الان
د/ مجد مهدى : النظام الاقتصادى بيسمو علشان برضه من نقولش تشوهات التشوهات ديت عبارة عن تشوهات تشريعية نموذج
مفيد فوزى : اتفضل
د/ مجد مهدى : كيف يمكن للريان ان يعمل فلوس 5 مليار و200 مليون فى 8 سنين ضعف ميزانية البنك المركزى يبقى اذن فى تشويهات فى التشريع صح فى تشويهات فى القوانين
مفيد فوزى : هل فى ناس الارض دى اتبنت عليها مبانى وبالتالى الرقعة الزراعية
د/ مجد مهدى : كثير مش اقل من 2 مليون فدان فى القطر الخارجى
مفيد فوزى : بقت مساكن
د/ مجد مهدى : مساكن اه عشوائيات
مفيد فوزى : بقت
د/ مجد مهدى : ودخلت لهم الكهربة ودخلت لهم الميه وعملت لهم قوانين باصلاحها او العشرين سنة كان دور المدن فين دور القرى فين
مفيد فوزى :كان موجود قبل كدة
د/ مجد مهدى : موجود فى 36 ومكنش حد يقدر يبنى الناس تبنى بتعمل على ايه الناس بنت غصب عنى يعنى انا ما اجيش
مفيد فوزى : عشان كدة حضرتك استخدمت تعبير تشوهات تشريعية
د/ مجد مهدى : وبعدين لما اجى النهاردة اقول للفلاح لأ فا ده اللى هيزرع وبيزرع حاليا معندوش مية ومصارف محددة الترع والمصارف طب ايه واحده من المصارف الزراعية هذه المياه غير صالحة للرى ادميا وهذه المصارف بيلقى فيها مخلفات مصانع ومخلفات صرف صحى
مفيد فوزى : وبالتالى
د/ مجد مهدى : وبالتالى اللى حصل الاتى المنتج سئ والارض بتهدر
مفيد فوزى : اناكنت باناقش دكتور محمد الخشن وهو رجل فاضل واقول له
د/ مجد مهدى : ده زميلنا صحيح
مفيد فوزى :نعم وبقوله كيف يمكن ان تحصل هيكلة فى الارض الزراعية من جديد وتكون بداية صغيرة حضرتك شايف ان الارض الزراعية
احنا بنتفرج بس عليها ما بنعملش عملية مش عارف اسميها ايه يعنى
د/ مجد مهدى : احنا بنهدر
مفيد فوزى : هذا صمعة هذا الهدر كيف يمكن ان يوقف ؟
د/ مجد مهدى : بقانون النهارده احنا داخلين على انتخابات كل القرى على مستوى الجمهورية مش رايحين الانتخابات لان محدش عمل لهم حاجة بعد الانتخابات مش هيهدموا او يعملوا حاجة يسيبوهم لغاية بعد الانتخابات وبعدين الناس دى اهدرت اموالها واستثمرت وبنت طوب وحديد واسمنت والارض غير صالحة يعنى حتى لو ازالت لها مش هشيل طبعا اسمنت وحديد
مفيد فوزى : وده الارض اتخسرت طبعا
د/ مجد مهدى : الارض انتهت لكن انا اقول فى الكردون
مفيد فوزى : اذن حضرتك بتبص للامر ابعد من مجرد ارتفاع سعر الطماطم او بامية او فاكهة والا انت واقف ايضا مع هذا الارتفاع وتتعاطف معاه
د/ مجد مهدى : خلى بال حضرتك ان المزارع مش مبسوط من الارتفاع ده المزارع عاوزينهى المحصول المبسوط من الكلام ده التجار
مفيد فوزى : التجار والا الوسطاء
د/ مجد مهدى : ما هما سلسلة
مفيد فوزى : بتبدأ من ايه من فضلك فسرها للناس با افندم
د/ مجد مهدى : السعر المزرعى لما اجى انا مثلا ابيع فى الغيط ابيع كيلو الطماطم ب 2 جنية مثلا اانهارد 3 جنية اربعة جنية تروح هتروح لمين
تروح لتاجر الوسيط هيوصلها ب 5 جنية هيوصلها لتاجر الجملة هياخذها ب 6 جنية هيوديها لتاجر القطاعى تخش بقى 7 جنية ب 10 جنية حسب المنطقة
مفيد فوزى : اذن ردع التجار كلمة ايضا رومانسية
د/ مجد مهدى : طبعا اولا لابد حضرتك يعنى نقطتين مهمين قوى النقطة الاولانية الارض وكيفية الحفاظ عليها ثم تشريع وقانون صارم مفيش فية هزار
نمرة اثنين نظام تسويق احنا بنخاف نقول ايه امام التليفزيون الحق نظام تسويق وهى امريكا مفيهاش نظام تسوق فيها نظام تسويق
ما احنا عشنا فى انجلترا وعشنا فى امريكا فى واحد يقدر يرفع سلعة مجازا كدة مستحيل
فاصل
مواطنة : يعنى لو واحد معاه 5 عيال مثلا يعنى يروح يجيب الحاجة بكام شوف الحاجة القوطة بقت ب 7 جنية والبامية ب 10 جنية والبامية بكام اهى واحده من اللى بتبيع اهى
مفيد فوزى : ب 7 جنية انتى وخداها بكام ؟
مواطنة : العدية ب 150 جنية
مفيد فوزى : نعم
مواطنة : ب 150 جنية قفص القوطة
مفيد فوزى : القوطة ب 150
مواطنة : اه والله
مفيد فوزى : والبامية ده بكام
مواطنة : 7 جنية والقوطة ب 10 جنية
مفيد فوزى : حد بيبعها ب 5 دلوقتى
مواطنة :لألألأ ب7 جنية كل حاجة غالية كرتونة الثوم ب 200 جنية
مفيد فوزى : انت واخداها ب 200 جنية
مواطنة :بابيعها بكام ب 6 جنية اعمل ايه طيب الحاجة غالية من صاحبها
مفيد فوزى : صاحبها اللى هو مين بقى اللى هوالتاجر الكبير
مواطنة : التاجر الكبير احنا فتافيت العيال الصغيرة لكن التاجر هو اللى بيغلى الحاجة يعنى قفص القوطة طالع منة بص ادايه وب 150
جنية ان ما اتبعتش ب 10 جنية ما تنفعش ياخد 15 كليو ب 150 جنى احنا ما بنكسبش واحد بيجيب لنا وبيفرقها علينا احنا ما بننزلش السوق
مفيد فوزى : عشان كدة بيسموها المجنونة
مواطن : شوف حضرتك 2 كيلو ونص ب 25 جنية انا راجل على المعاش انهاردة باخد كام 25 جنية
مفيد فوزى : لكن مضطر انك تشترى
مواطن : الخضار لازم محتاج طماطم السلطة محتاجة طماطم وفى اولاد صغيرة
مفيد فوزى : اطبعا مضطر لكدة دلوقتى انت جاى تجيب عيش والقوطة بتعملى ايه فيها
مواطن : القوطة غليت ب 10 جنية
مفيد فوزى : بتعمل ايه امال ؟
مواطن : هعمل ايه انا باجيب نص كيلو ربع كيلو على ادينا
مفيد فوزى : عندك ولاد
مواطن : اه
مفيد فوزى : اد ايه
مواطن : ربنا يخلى 6
مفيد فوزى : سته شغال ايه ؟
مواطن : شغال على دراعى
مفيد فوزى : يعنى ايه شغال على دراعك ؟
مواطن : يعنى فلاح
مفيد فوزى : فلاح اه وجايب سته
مواطن : هنعمل ايه بتاع ربنا
مفيد فوزى : بتاع ربنا هو ربنا قالك تخلف 6
بتعمل ايه
مواطن : بتجيب ب جنية ب 2 جنية عيش
مفيد فوزى : بتكلوا عيش
مواطن : اه والقوطة خلاص حرمنا
مواطن : العيشة بقت صعبة دلوقتى جدا حضرتك بتسال اهو على الحاجة الاسعار بتتصاعد واحنا واقفين محلك سر
مفيد فوزى : حضرتك واقف هنا لية
مواطن : باجيب عيش
مفيد فوزى : لازم الطابور ده
مواطن : لازم الطابوروالعيش حتى مش مكفى والعيش بيتاخد من ورا بردوا والناس
مفيد فوزى : يعنى ايه بيتاخد من ورا فهمنى
مواطن : بيتاخد فى ناس بتيجى تاخد من ورا الكشك يعنى اى حدبقى بتاع مطعم بتاع عربية فول بتاع له مصلحة يعرف اللى واقف فى الكشك ياخد ويمشى وانا معرفش بتاع الكشك فلازم نقف فى الطابور لازم اتزل علشان اخد رغيف عيش معنديش حل ثانى ما اقدرش اجيب الرغيف ابو ربع جنية
مفيد فوزى : ايه يا افندم الاليات اللى ممكن تريح الناس اليات ان صحت العبارة ضبط ايقاع السوق ؟
د / مجد مهدى : ضبط ايقاع جزء منها مسئول عنه الحكاية دى
مفيد فوزى : كده على بلاطة
د / مجد مهدى : نعم وجزء منه مسئول عنه الناس الشعب
مفيد فوزى : المستهلك
د / مجد مهدى : المجتمع المستهلك فيما يتعلق بالحكومه احنا بنقول ان لابد من اننا نعمل صندوق للاسعار الاسعار بتاع السلع لما تنخفض بتاع محصول معين للفلاح هى اللى بتخلى الفلاح يعمل كده ما نسبوش كدة عايم لان فى المنظومة الحالية الفلاح المصرى مدمر الصغير ده حقيقة مفيش كلام يعنى تمام كدة بنقول فى تامين ضد المخاطر بتاعت الزراعة انت المحصول عندك بتاع الطماطم زاد انهاردة اللى هى فى الوقت الحالى اللى الناس كلها بتشكو منها ده واحد زارع محصول بيكلفة مثلا 15 الف جنية ده تكلفة الفدان حضرتك لو جاله اصابة راحت الفلوس
مفيد فوزى : او حرارة
د / مجد مهدى : او حرارة اى متغيرات مفيش تامين زى ما انت بتدفع تامين على العربية لان الناس بتخاف لان الزراعة صناعة شديدة المخاطر
مفيد فوزى : الزراعة صناعة شديدة المخاطر ماذا تقصد بهذا
د / مجد مهدى : يعنى حضرتك بيحصل نتيجة التقلبات اللى بسبب المناخ واللى هى باينة اليومين دول ممكن المحصول يقل بشكل مفاجئ
فمتقدرش تغير يعنى ايه حضرتك انا لو عندى مصنع والاسعار حصل عندى مشكلة بوقف انتاج النشاط لكن لو عندى شجرة وعليها انتاج هل اشيل الشجرة مش ممكن يبقى بنقول عليها بنعلمها للطلبة صناعة شديدة المخاطر وبالتالى البنوك ما بتحبش تقرض المزارعين
مفيد فوزى : ما بتحبش تقرض المزارعين
د / مجد مهدى : اه ويبدى خلاف بنك التنمية والائتمان الزراعى
مفيد فوزى : ده حدوته ثانية
د / مجد مهدى : ده بقصة ثانية بقيت البنوك ما بتحبش تقرض دى نمرة واحد
نمرة اثنين مفيش تامين على مخاطر الانتاج بالنسبة للفلاح
يعنى انا داخل انهاردة هذا العرض محصول معين لوانا امّنت علية لان اكيد لو حصل له حاجة هاخد جزء من التكاليف بتاعتى
مفيد فوزى : طيب حضرتك قلت ان الحكومة لابد ن تنزل باية بقوتها بايه صندوق موازنة الاسعار يفيد الناس بايه الناس البسطة اللى كانت بتصرخ دى ادامى
د / مجد مهدى : تفيد الناس بمنتهى البساطة ان انا كرجل منتج منتج اول عشان تضبط الاسعار تضبط هياكل الانتاج منتجين لزيادة القمح منتجين تمام والا لأ يعنى يوازن تبدا بالانتاج هظبط الانتاج يبقى المعروض بتاعك يبقى
مفيد فوزى : خلينى افسر الانتاج والانتاج شئ وتداول السلعة شئ اخر
د / مجد مهدى : لأ ما هو الانتاج التداول بعد الانتاج التداول اول مرحلة بعد الانتاج
مفيد فوزى : الانتاج قبل الانتاج ايه يعنى
د / مجد مهدى : المزروع
مفيد فوزى : الكم المزروع هل هويوازى احتياجات الناس هو ده السؤال
د / مجد مهدى : لأ
مفيد فوزى : هو ده اللى عاوز اوصل له
د / مجد مهدى : هو لا يوازى احتاجات الناس فيما يتعلق بالخضار والفاكهة
احنا عندنا اكتفاء ذاتى من الخضاروالفاكهة انا بازرع بما يكفينى انا معنديش بعض المحاصيل زى الفول فبستورد
فول وبستورد عدس لكن بستورد لكن انا مثلا عندى طماطم
ما بستوردش فاصوليا البسلة البطاطس البامية الحاجات العادية
ارضنا من هذه المحاصيل ولكن احنا عايزين نتجنب فرصة
ارتفاع مفاجئ فى الاسعار تمام حضرتك
مفيد فوزى : كلمة السوق الحرة الناس مش فهماها يعنى ايه ان حضرتك ضد فكرة انه الاسعار تعود مرة اخرى انه دول عندهم تطور مفتش التسعير ينزل يبقى النهاردة حد يقولى ايه مفيش يا استاذ رقابة على الاسواق الكلام ده علميا صح الان
د / مجد مهدى : لأ الكلام ده فى السوق الحرة توجد رقابة على الاسواق غيرالمستهلك المستهلك هو السيد
مفيد فوزى : المهم الناس لسة معندهاش فكرة ثقافة السوق الحرة
د / مجد مهدى : بالضبط حضرتك يعنى اصبت الحقيقة بقول لسيادتك برة او اللى بيشتغل بالسوق الحرة المستهلك هو السيد يعنى ايه هو السيد اسعار السلعة اللى اعتقد ان احنا كان عندنا ناس بتعمل مقاطعة على اكل اللحوم خليها مقاطعة انما الرئيس السادات الله يرحمة نزل قرار بمنع ذبح اللحوم لمدة وكانت النتيجة انخفاض الاسعار تمام
مفيد فوزى : بعض الناس قالوا لى نقاطع القوطة هل ده عقلانى
د / مجد مهدى : لية لأ هذا هوالطبيعى
مفيد فوزى : يعنى لو قاطعوا شراء القوطة
د / مجد مهدى : ده مسئولية الناس ماهو ده مسئولية الناس ما انا باقول لحضرتك المستهلك
مفيد فوزى : المستهلك هو السيد
د / مجد مهدى : يعنى انا السلعة دى سعرها غالى لازم يبقى عندى ايه ناس اللى هو بنقول علية ايه جمعيات حماية المستهلك
مفيد فوزى : جمعية حماية المستهلك الجمعيات المدنية
د اه هى دى النشاط المدنى فى مصر يبقى فى جمعيات
مفيد فوزى : انا اتذكر فى هذا المجال واحده ست تخونى الذاكرة
اسمها الاستاذ امال نامق امال نامق فى المعادى
د / مجد مهدى : الله ينور عايزين امال نامق فى كل حتة
مفيد فوزى : قادت حملة مقاطعة اللحوم
د / مجد مهدى : بالضبط
مفيد فوزى : واستجاب الناس
د / مجد مهدى : واستجاب الناس
مفيد فوزى : اللى هو المستهلك الثابت
د / مجد مهدى : عايزين امال نامق فى كل نجع وفى كل قرية وكل محافظة وكل مركزموجوده فى مصر دا ثقافة المجتمع
مفيد فوزى : طبعا طبعا امال نامق اسم رمز يعنى واحدة
د / مجد مهدى : اه طبعا نامل ان الناس كلها
مفيد فوزى : كان المستهلك صاحب الحق فى انه الصح او الخطا
د / مجد مهدى : السيد
مفيد فوزى : انت مصر على انه
د / مجد مهدى : هو السيد
مفيد فوزى : انت ايضا السيد
فاصل
مفيد فوزى : هل عولمنا الاسعار ومحصلتش عولمة للمرتبات
د / مجد مهدى : جبت نقطة مهمة جدا لو انت نظام اقتصادى سليم طالما ارتفعت الاسعار لابد من ارتفاع الاجور
مفيد فوزى : يعنى يمشوا مع بعض
د / مجد مهدى : لابد
مفيد فوزى : واقع الامر يشهد
د / مجد مهدى : واقع الامر لان الاسعار بترتفع ارتفاع والدخل هوهو
مفيد فوزى : هل نحن بلد تصنيع زراعى كرؤية رجل اقتصاد
د / مجد مهدى : والله يعنى ضعيف
مفيد فوزى : اقدر اقول ايه باهت
د / مجد مهدى : ممكن نقول باهت وهديك بردوا امثلة يعنى نيجى مثلا لصناعة الالبان جميع مزارع الالبان 99% منها قفلت
مفيد فوزى : قفلت والسبب
د / مجد مهدى : السبب ان رجل الاعمال لما يلاقى اللبن الجاف ارخص يجيبة يعمل منه اللبن ويعمل منه الجبنة وما يخدش اللبن الطازه بتاعة
يعنى كيلو اللبن البقرى يتكلف حوالى 2 جنية يبيعة للمزرعة مثلا ب 2 جنية وربع يجى هو يزود اللبن الجاف ارخص ما يقارن وما يخدش اللبن بتاعة
مفيد فوزى : يحصل اية
د / مجد مهدى : بيحصل الناس بدأت تتخلص من مزارع الالبان تدريجيا لغاية 3 شهور
مفيد فوزى : وده كان يؤدى الى ايه
د / مجد مهدى : يؤدى الى تدمير الثروة الحيوانية فى مصر ماهى البقرة دى بتدينى لبن وبتولد طب انا هبيعها لية ابيعها للجزار وندبحها وخلاص ويتقفل السوق ومافيش بديل ولذلك تتناقص الثروة الحيوانية لذلك ترتفع اسعار اللحمة وتوصل فى العيد الكبير 100 جنية ولذلك يحدث الاستيراد لمصلحة من
مفيد فوزى : اه
د / مجد مهدى : لمصلحة من النهاردة الذرة عند الفلاح ب 170 جنية الاردب الكلوز يعنى حاجات الفلاحين يعرفوها ومحدش بيشترية والتسعيرة 250 جنية لمصلحة من الارزمسعراه ب 1300
وعند الفلاح ب 800 الفلاح خلاص بقى مش هيذرع لمصلحة من يتم استيراد القمح لحساب الدولة وتيجى من الخارج كما قرأنا اسعار متدنية وحبوب رديئة ومسوسة
مفيد فوزى : اللى حصلت حوالين القمح
د / مجد مهدى : اه مبنستوردهاش لية
مفيد فوزى : بنستودها
د / مجد مهدى : هما اربعة او خمسة بيستورد وبمناصفة وياخد فلوسة لان هو امشى زى ما كنت ماشى طول عمرك هل دى اشتراكية ده قوت الناس
مفيد فوزى : مش حاجة غريبة انه الفول المدمس 80% استيراد
د / مجد مهدى : طبعا قضيت على الفول كمان هل العيش انهاردة لو قلنا العيش الرغيف ابو شلن ده والدعم انا عامل دراسة اديتها للاستاذيوسف والى سنه 81 ان الدعم اكذوبة وان المزارع المصرى طول عمرة بيدعم مصر زراعيا وللصناعة وكل حاجة وعملتها له على سلسلة زمنية وبالنتائج انت كنت بتاخد منى قنطار القطن بكام وبتدينى دعم اد ايه وبتدينى دعم فى العيش اد ايه الفلاح طول عمرة بيدعم الاقتصاد المصرى
مفيد فوزى : دكتور مهدى لو عرفت ان فية راجل اصطاد سمكة انت عارف الناس بتقعد فى مصر على الكبارى ربما يتعلموا رياضة الصبروبصطاد سمكة وراح لبيتة وقال للست ا قليها
قالت له الزيت غالى قال لها اشويها قالت له الرده غاليه يعمل ايه تقترح يعمل ايه فى السمكة
د / مجد مهدى : يسلقها
مواطنة : محدش بيطبخ دلوقتى عشان اللحمة وعشان القوطة مين اللى هيطبخ دلوقتى والثوم ب 15 جنية شبكة الثوم فيها 4 بتعات ب 6 جنية حد يقول كده غاليه غاليه
مفيد فوزى : الراجل بيقولى بتاع الفراخ كنا بنبيع الفرخة ب 18 مش ب 22 قلت له والسمك عامل ايه
مواطن : لأ السمك اسعارة عادية زى ماهى ما ارتفعتش
مواطن : الاسعار ثابتة يا استاذ مفيد الاسعار بتاعت السمك ثابتة
مفيد فوزى : قولى انت ايه السبب ان القوطة غليت كرجل بتاع سمك بعيد عن العملية
مواطن : بيقولك الزراعة الجو الموجة الحرة ديت تلفت الزراعة انا رحت قرى ارياف وكانوا زرعين 3 فدادين بيقولك انضربت عندنا الطماطم بالنسبة للحر موجه الحر الشديدة بوظت القوطة
مفيد فوزى : طيب افهم من كده انه الاسعار اللى اتحطت دى ال 10 جنية
و7 جنية البامية دى اسعار تجار
مواطن : اكيد اكيد تجار فوق مش تجارتحت التجار اللى فوق هما اللى بتحكموا فى السعر
مفيد فوزى : انتوا صبيان
مواطن : احنا مكملناش صبيان
مفيد فوزى : انتى بتشترى ازاى طلباتك
مواطن : ابدا ما بقتش باشترى خلاص
مفيد فوزى : نفسك تشترى
مواطن : نفسى اشترى بس اشترى طماطم بكام ب8 جنية وب9 جنية
طبعا غالية جدا فهشترى ايه
مفيد فوزى : ما بطبخيش
مواطن : لا ما بطبخش
مفيد فوزى : بتعملى ايه
مواطن : باعمل شوية ملوخية شوية ارز بس ما بطبخش
مفيد فوزى : ماهو الملوخية والارز ملهمش علاقة بالطماطم
مواطنة : اه
مفيد فوزى : ما بتجبش صلصة
مواطنة : باجيب صلصة دلوقتى حتى الصلصة كانت ب 2جنية ونص دلوقتى جيباها ب 3 جنية ونص وطبعا دلوقتى الصلصة ما بتببقاش زى الطماطم الطبيعية بتخلى طعم الاكل مش حلو
مش المشكلة فى الطماطم بس فى كل حاجة فى اللحمة والارز
والخضار
مفيد فوزى : اللحمة بتجبيها بكام
مواطنة : ب 56 جنية
مفيد فوزى : ياساتر
مواطنة : بولاق الدكروريعنى منطقة شعبية مش حاجة كويسة مش منطقه غالية يعنى احنا بصراحة الظروف بقت صعبة جدا جدا جدا المصاريف غالية نار والمرتبات قليلة جدا ما بتكفيش
مفيد فوزى : بتشتغلى
مواطنة : انا موظفة
مفيد فوزى : مرتبك كام فى الشهر لو سمحت لى بالحوافز وبكلة
مواطنة : بكلة على بعضة 800 جنية
مفيد فوزى : عندك كام ولد
مواطنة : مخلفة اثنين بس
مفيد فوزى : 2 وزوجك
مواطنة :بيشتغل فى مدرسة
مفيد فوزى : يعنى انتوا اد ايه فى الشهر المبلغ كلة
مواطنة : هو اقل منى علشان انا متعينة ببكالوريوس هو دبلوم
مفيد فوزى : هو بياخد كام
مواطنة : حوالى 600 اقل منى فى المدرسة
مفيد فوزى : يبقى 800 و600 -1400 وعندكم ولدين وعاوزين تكلوا وتشربوا وتلبسوا
مواطنة : ومية ونور ودروس حضرتك النور جاى لى الشهر اللى فات 77جنيه
مفيد فوزى : هقولك على حاجة ايه رايك هبعث الرقم بتاعك واسمك للدكتور احمد نظيف
مواطنة : تقوله ايه
مفيد فوزى : واقول له اتصرف ايه رايك؟
مواطنة : اشكرك