طوف .. وشوف .. واتفرج

وحظ جاك روج »وحش« لانه حضر وزار مصر في ايام الطقس السييء.. غبار وبرد ورياح ومطارات مقفوله واحتفالات مغلقة لم تنح له ولا للفريق المرافق ان يشاهد ويري ويطوف ويشوف مصر كويس.. مصر واللجنة الاوليمبية وحسن صقر لحقوا الموقف واتصرفوا بسرعة واخذوا الراجل واللي معاها للمتحف المصري والي فندق مينا هاوس والي احتفالات ولقاءات داخلية.
مصر بلد جميل لكن للي عارف.. اللي بيشوف بعين صحيحة تختار وتميز وتعرف تركز. تفرق كتير لو ان روج وجماعته حضروا في طقس جميل. نظرتهم ورأيهم كان حيبقي حاجة تانية، لكن الحمد لله انه زار المتحف المصري وشاف تاريخ الفراعنة والمقتنيات والتوابيت الذهبية.
زيارة رجال الرياضة العالميين لمصر مطلوبة حتي ولو بدعوات مجانية ودعائية.. المعروف عن الجماعة دول انهم بيحبوا أبو بلاش لكن المنافع من وراهم كتيرة.. معظمهم لا يعرف مصر جيدا. فمعظهم لم ير الاقصر واسوان وشرم الشيخ والقاهرة القديمة. معظمهم لم يأكل الكباب ولم ينم تحت سطح الاهرامات ولم يستمتع بشمس الشتاء المصري.. الدعوة المجانية ستفتح اعينهم علي أجمل منتجع في العالم.. ومش غريب ولا اختراع ان يأتوا باجتماعاتهم الكبري هنا. وان ينظموا ندواتهم واحتفالاتهم الشتوية هنا.. حركة وسياحة وفلوس زي الرز لم نعرف طريقنا إليها بعد.
الفرصة موجودة لدعوة روج مرة ثانية.. وعزومه بلاتر صاحب »فيفا« المليان قوي ثالثة ورابعة وحتي خامسة.. اذا كانت السياحة وشرم الشيخ والغردقة ماسورة فلوس وانفتحت علي مصر فصدقوني الرياضة كنز لم نعرف اسراره حتي الان.
رسم جاك روج لابس فرعون مصر
وامامه الاهرام والمتحف والنخل والنيل