تعليقًا على عزاء زويل.. باسم يوسف: "الملائكة مش واقفة على تويتر"

علق الإعلامي الساخر باسم يوسف على انتقادت متابعيه، بسبب عدم كتابة عزاء في وفاه العالم الراحل الدكتور أحمد زويل.
وقال "باسم" على صفحته الرسمية بموقع التواصل الإجتماعي فيس بوك "أنا مش نشرة أخبار، مش وكالة أنباء، ومش صفحة وفيات... أنا مش مطالب إني أعلق على أي أحداث انت شايف المفروض إني أعلق عليه من أول نزاع في بلد معين لانقلاب في بلد تاني لوفاة حد في بلد تالتة".
واضاف: "لو حصل و علقت فده لأَنِّي بأمارس نفس الحرية اللي انت بتديها لنفسك إنك تتكلم على ايه وما تتكلمش على ايه.. العيال الرخمة بتاعة ما اترحمتش على فلان ليه هما نفسهم اللي لو قلت فلان ربنا يرحمه حيخشوا يقولوا طب و ما اتكلمتش على فلان او علان او ما جبتش سيرة ترتان ليه" .
وتابع: "الملائكة مش واقفة على حساب تويتر تشوف مين اللي اترحم على مين و مين لا.. و أبواب السما أو الجحيم مش مستينة عدد اللايكات والشير عشان تقرر تفتح لمين وتقفلها في وش مين."
وختم: "الحياة و الموت والترحم كانوا موجودين قبل الفيس بوك و تويتر و الإنترنت شخصيًا.. الحياة الأخرى مش واقفة على التويتة بتاعتك" .