تعرف على أطرف التويتات المصرية في 2015

تداول مستخدمو مواقع التواصل الاجتماعية، أطرف التويتات التي تداولها رواد مواقع التواصل خلال عام 2015، وهي التعليقات التي حاول فيها أصحابها التعليق على شؤون الحياة المختلفة، بأسلوب طريف يرسم البسمة على وجوه كل من يطالعها.
ومن أبرز التعليقات الخاصة بتقلب الطقس والمناخ العام، جاء تعليق "أحمد رأفت" الذي جاء فيه "ابن خالتي شغال في هيئة الأرصاد الجوية، وقال لي إن بكرة خالتي عاملة بط ورقاق".
وقال "محمود علي": "التلميح عن الجواز وصل بأمي إنها عملت لي نسكافيه وبتقول لي عقبال ما نشرب نسكافيه فرحك كده.. إيه نسكافيه فرحي دا يا جماعة".
وقال "الهرم": "واحد صاحبي النت قطع عنده أسبوع خلص رسالة الماجستير بتاعته وخس 15 كيلو وحاليا عنده أدهم وياسمين".
وجاء تعليق آخر ل"الهرم" قال فيه: "أحلى حاجة في البنت القصيرة إن الموبايل لما بيقع منها مش بيتكسر".
وقال "تشي": "بعمل cv لواحد صاحبي فلما جينا عن gender فبهزر معاه وبسأله إنت male ولا female فردّ عليّ بجدية لأ أنا gmail".
وقال "أحمد حمدي": "أول ما تلاقي مراتك داخلة عليك بكوباية العصير اعرف إن الفاكهة اللي في التلاجة قربت تبوظ".

وقال "أحمد": "مين اللي قال إن الحب مابيجيش بعد الجواز؟؟ بالعكس ده الحب الحقيقي أصلا ما بيجيش غير بعد الجواز، بس المشكلة إن مراتك ممكن تقفشك".
ونشر "وهبة" معلقا: "لما تصلي عشان الامتحانات وتسقط في الآخر".
وقالت "إيما": "للبنت اللي عايزة تتجوز، اتجوزي واحد غني عشان كده كده الرجالة خاينين أهو تعيطي تحت برج إيفيل أحسن ما تعيطي في المطبخ بتاع الجيران".
وقال حساب ساخر باسم "أم كلثوم": "كان لك معايا أجمل حكاية.. ابعت خدها".