مغردون يردون على نجل مرتضى: انت مفكر نفسك نائب بجد ولا إيه؟

بعد إعلان مكتيه عن حاجته لخريجي علوم سياسية..

توالت التعليقات والردود الساخرة من مغردي مواقع التواصل الاجتماعي ردًّا على إعلان نجل مرتضى منصور عن طلبه لتعيين عدد من خريجي الاقتصاد والعلوم السياسية.
وأعلن المكتب السياسي للنائب أحمد مرتضى منصور، عبر صفحته على "فيس بوك"، عن طلبه لتعيين عدد من الباحثين السياسبين والاقتصاديين من خريجي كلية الاقتصاد والعلوم السياسية، راجيًا إرسال السير الذاتية على بريد إلكتروني
[email protected]
وعلق الخبير الاقتصادي، رضا عيسى، قائلاً: "ده اللي عمله أحمد عز بالضبط أيام جيمي".
وسخر الناشط Yasser Negm قائلاً: "أكيد محتاج السياسيين علشان يساعدوه يعلق العيال من لبستها فى الشارع.. والاقتصاديين علشان يفعص ....."
ورد أحد خريجي العلوم السياسية Amr Saad Sakr "باختصار ياأستاذ مرتضى.. إحنا كطلبة كلية الإقتصاد والعلوم السياسية لا تسمح لنا مكانتنا وعلمنا ورقينا أن نفعل هكذا، ولو حد فينا اشتغل معاك يبقي بيحكم علي نفسه بالفشل وسوء السمعة من بداية حياته، ومش هتعرفوا تشترونا بالفلوس زي ما اشتريتوا الناخبين، وبالتأكيد احنا نقدر نخدم بلدنا من مواقع أخرى أفضل، وأصلح".
ورد آخر Mohamed Selem‎"15 سنة تعليم ومذاكرة بجد.. منهم سنتين ثانوية عامة تهد الحيل .. تفوق ومجموع وكلية قمة ودراسة صعبة.. والمحصلة إعلان عشان اشتغل عند النائب ابن مرتضي.. أه يابلد.. خسارة ياريت الواحد كان فهم أن بلدنا كده من زمان كان وفر على نفسه كتير".
ورأي Yasser Dahmash‎.أن هذا الإعلان سيجلب المئات من الشباب، قائلا: "طبعا التعليقات على الموضوع ده رائعة، لكن هل تفتكر انه مافيش حد هيقدم؟ بالعكس هتلاقي مئات اللي راحوا قدموا ..لأن ببساطة اللي ايده في الميه مش زي اللي ايده في النار، خريجى اعظم كلية للاسف عاطلون وفرص العمل أمامهم بتكون أشبه بمعجزات".
وجاءت الكثيرمن التعليقات الساخرة، فقال Yasser Elmeligy "جايب لنفسك الكلام والمسخرة !!! انت مفكر نفسك نائب بجد ؟ كلها شهرين أو ثلاثة بالكتير وحتخرج بفضيحه يا إبن مرتضي".
وقال Alaa Mikawey "وانت مالك انت خليك ف حالك وسيب المصريين في حالهم.واحنا ناقصينك"
وسخر محمود عمر قائلا: "أنا اعرف بواب بس هو قليل الأدب شويه وسافل ولسانه طويل، اسمه مرتضى، تكسبوا فيه ثواب تاخدهوش تشغلوه بواب حداكم".