نشطاء يدشّنون هاشتاج "احنا متراقبين"

سخر النشطاء على موقع التواصل الاجتماعى "فيس بوك" و"تويتر"، من قرار وزارة الداخلية المصرية بمراقبة وسائل التواصل الاجتماعى على شبكة الإنترنت.
ودشن عدد من النشطاء على مواقع التواصل الاجتماعى (فيس بوك وتويتر) "هاشتاج" ساخرًا تحت عنوان #"احنا متراقبين"، تزامنًا مع إعلان جهاز الأمن الوطنى التابع لوزارة الداخلية مراقبة مواقع التواصل الاجتماعى، لمعرفة صانعى المتفجيرات التى تستهدف الأبرياء، وسهولة القبض عليهم.
ومن أبرز التعليقات التى تداولتها الصفحة: "وسيشهد التاريخ أن الشعب المصرى وفر للداخلية مجهود ووقت مراقبتهم، الكل على حدة، وعملّهم هاشتاج #احنا_متراقبين، يا بيه دى ناس همها أكبر منك بكتير".
وأخرى تتضمن فوائد المراقبة: "لو بتفضفض مع صديقك الصدوق وبتشكيله من الهم الكبير إن انت مثلاً مش لاقى شغل أو قانون التظاهر مثلاً مش عاجبك أو ابن الجيران رخم وانت متضايق منه أو التعليم مش كويس أو أجهزة إدارة كافة شئون الدولة عايزه تتعدم علشان مبتشتغلش أصلا أو ..... أو .... فالدولة وهى بتراقبك تعرف إيه اللى مضايق سعادتك، وعلى طول تحلها لك دليفرى، مبسوط؟ شوفت بقى إحنا ناس ظالمه ازاى؟"،
وتابع النشطاء: "اللى يسألك السيسي هيحلف اليمين إمتى؟ قولّه والله أنا مصدقه من غير ما يحلف #احنا_متراقبين".
وعلق أحد النشطاء على "الفيس بوك" قائلاً: "أنا بفكر أكتب شعر غزل ومدح نهديه للداخلية بتاعتنا والجيش المصرى، ما تساعدونى يا جماعة".
وسخر ناشط آخر "خبئ بوستاتك القديمة كلها ... واكتب للسيسى اليوم شعرًا مثلها ‫#احنا_متراقبين".
فيما أوضح ناشط: "لازم نعترف بجد إن السيسي هو الرئيس المنتخب وليه شرعية كاملة".
واستغل النشطاء أغنية حسين الجسمى "بشرة خير"، الأكثر انتشارًا خلال الفترة الأخيرة: "قوم نادى ع الصعيدى، وابن أخوه البورسعيدى، ونادى على كل مصر وقولهم إن احنا متراقبين".
ومن الصور التى كانت أكثر انتشارًا و"شير" كانت صورة مركبة لوزير الداخلية وهو يراقب النشطاء بطريقة مبتكرة.