بالصور.. نشطاء يدشنون هاشتاج"#احنا_متراقبين"

دشن عدد من النشطاء على مواقع التواصل الاجتماعى "فيس بوك وتويتر"، "هاشتاج" ساخرا تحت عنوان "احنا متراقبين"، تزامناً مع إعلان جهاز الأمن الوطنى التابع لوزارة الداخلية مراقبة مواقع التواصل الاجتماعى، لمعرفة صانعى المتفجيرات التى تستهدف الأبرياء، وسهولة القبض عليهم.
وقال أحد النشطاء "أنا بفكر أكتب شعر غزل ومدح نهديه للداخلية بتاعتنا والجيش المصرى.. ما تساعدونى يا جماعة".
وسخر أحد النشطاء، قائلاً: "قوم راقب على الصعيدى وابن أخوك البورسعيدى والشباب الإسكندرانى الحبسة دى حبسة رجال".
وأضاف ناشط "أنا أصلا فلول وكنت عضو حزب وطنى، أنا وناس كتير واستخبينا وسط الثوار كنوع من الاندساس مش أكتر".
وعلق ناشط على القرار ساخراً: "يا باشا بالنسبة للتويتات احنا فهمنا خلاص أنها جرائم إنترنت، لكن لو قفشتوا واحد ببوستين، دا يبقى تهمته إيه؟ تبقى آداب؟!".
وأوضح ناشط"تخيل حضرتك يا باشا أنا كنت عامل ثورى وبتاع عشان اعرف الناس دول وحساباتهم وصورهم واسلمهملك شوفت أنا كنت وطنى إزاى".
وتابع ناشط، "يا بخت الظابط اللى هيراقب أكونت صافيناز وهيفاء وهبى، هيقفش معجبين بالهبل".
واستكمل ناشط، "متخليش موضوع مراقبة الداخلية لمواقع التواصل الاجتماعى ينسيك إن مجدى عبد الغنى جاب جون فى هولندا".