أهالي يوسف الصديق بالفيوم: الأسعار نار

اشتكى أهالي مركز يوسف الصديق بمحافظة الفيوم، من ارتفاع أسعار الخضروات والبقوليات والسلع التموينية بصورة ملحوظة في أسواق المركز، الأمر الذي أثر على حركة البيع والشراء.
وبحسب البائعين فإنه قد وصل سعر كيلو الفلفل إلى 8 جنيهات بدلا من 5 جنيهات الأسبوع الماضي، كذلك ارتفع سعر كيلو الخيار إلى 3 جنيهات ونصف، وسعر الكرنبة إلى 10 جنيهات، واستقر سعر البرتقال عند جنيهين ونصف للكيلو، كما وصل سعر زجاجة الزيت إلى 15 جنيها بدلا من 9 جنيهات وكيلو السكر إلى 5 جنيهات وعشرة قروش بدلا من 4 جنيهات ونصف وارتفع سعر كيلو العدس إلى 12 جنيه.
وتقول أم مصطفى، مستهلكة، "كنت قبل كده باخد ال50 جنيه تكفيني تسويقة الأسبوع أما دلوقتي ال 100 جنيه مش بتكفي ثمن الحاجات الرفيعة بس"، وأضاف الحاج عمر: "كنت بجيب لعيالي كيلو لحمة كل شهر ودلوقتي سعرها وصل 65 جنيه، أجيب منين تمن الكيلو؟ وكنت بضطر أجيب بدلها فراخ بيضة أو لحمة رأس، لكن دلوقتي مش عارف أجيب لا ده ولا ده".
ويقول أبو علي، بائع، عن أسباب ركود السوق: "حالة البلد بقت وحشة، والناس مش لاقية شغل، دا الست اللي كانت بتاخد 3 كيلو بطاطس بقت بتاخد 2 كيلو أو كيلو ونص بس عشان تقدر تجيب باقي الحاجات اللي محتاجاها"، ويقول محمد سعيد، بائع: "دلوقتي بقينا بنتحايل على الزبون ونتذلل له عشان يشتري".
كما قال الحاج محمد، بائع: "أنا فلاح والبرتقال ده من أرضي، ومش لاقي بيع ليه، فاضطريت ألف وأدور في الأسواق عشان أبيعه بالكيلو ومش مشكلة التعب والخسارة، أهو أحسن من ما ينشف على الشجرة".