العرابى: عودة مرسي استكمال للمسار الديمقراطي ولا تنازل عنها

أكدت الإعلامية آيات العرابى أنه لا تنازل عن عودة الرئيس محمد مرسى للحكم لأن "عودته هي عوده للمسار الديمقراطي اللي لازم الناس تتعلم تتعامل معاه".
وقالت العرابي فى تدوينة عبر صفحتها على موقع التواصل الاجتماعي "فيس بوك": "عشان الهري الكتير و اللي لسة بيقولوا لازم شوية تنازلات و أولهم التنازل عن عودة الرئيس, قال عشان تتحد قوي الشارع لإسقاط الانقلاب".
وأضافت أنه "لا تنازل مطلقًا و في أي حال من الأحوال عن عودة الرئيس للحكم ليس لأنه أول رئيس منتخب لمصر من آلاف السنين و لكن لأن عودته هي عوده للمسار الديمقراطي اللي لازم الناس تتعلم تتعامل معاه من جاء بالصندوق يرحل بالصندوق دي أولًا و ثانيًا عشان حق أخواتنا اللي استشهدوا من أول يوم في الانقلاب و لحد النهاردة ودا رأي كل الكيانات الموجود على الساحة عشان مفيش حد يزايد أو يشكك في حد.
وشددت العرابى على أنه "لا تفاوض مع من تلوثت ايديهم بدماء أخواتي في رابعة و الحرس و غيرهم كتييييير أوي، لكن في نفس الوقت ايدينا ممدودة لكل اللي حس انه اتخدع و إن العسكر استخدموهم كارت عشان ينفذوا انقلابهم اللي كان هيحصل هيحصل سواء كان مرسي أو غيره هو اللي علي الكرسي".
وأشارت إلى أن "عودة الرئيس هي الضمان الوحيد لكسر الانقلاب ووضع عسكر المكرونة في حجمهم الطبيعي وكسر رؤوس الفاسدين, عدم عودة الرئيس لا قدر الله, معناها قتل أول تجربة ديموقراطية في تاريخ مصر, ومفيش عندي غير كدة, واللي مش عاجبه يخبط راسه في الحيط.
واختتمت: سيظل الدكتور مرسي هو الرئيس الشرعي لجمهورية مصر العربية، شاء من شاء و أبى من أبى و لا عزاء للعر* وأتباعه ومؤيديه ومريديه".