منة وآسر ومريم فى فيلم جديد

تستعد النجمة الشابة منة شلبى لتصوير فيلم جديد مع نفس فريق «بيبو وبشير»، وعلى رأسهم النجم آسر ياسين والمخرجة مريم أبوعوف، وينتمى الفيلم أيضا إلى نوعية الكوميديا الاجتماعية الخفيفة، وسيتم تصويره بالكامل فى مدينة الغردقة.
وأعربت منة عن سعادتها بنجاح «بيبو وبشير»، رغم أنه ظلم بعرضه فى موسم عيد الفطر المعروف دائما بعرض أفلام تجارية ضعيفة فنيا، مؤكدة أن تفوق فيلم «شارع الهرم» على «بيبو وبشير» فى الايرادات لا يعنى أنه الأفضل، بدليل تغير مراكز الفيلمين فى الايرادات بعد انتهاء موسم العيد وعودة الجمهور الحقيقى إلى السينما.
وقالت منة: بصراحة أنا كل اللى يهمنى دلوقت إنى أعمل أدوار تكون كل بنت شايفة نفسها فيها .. مش شخصيات عايشة فى كوكب تانى مالهاش علاقة بالواقع اللى بيحصل فعلاً .. أنا زى أى بنت فى الدنيا عندى أحلام وتطلعات، مشاعر وأحاسيس، هموم ومشاكل .. وده اللى عايزة أطلعه على الشاشة حتى ولو بشكل رمزي.. أميل إلى تجسيد الأدوار اللى بتلعب على وتر المعاناة ..وباكون فرحانة جداً لما أى بنت أو ست توقفنى فى الشارع وتقولى انتى فى الفيلم ده زيى بالضبط فى الحياة.. وده حصل معايا فى أفلام كتير زى «ويجا»، «عن العشق والهوى»، «بنات وسط البلد»، و«انت عمري»، وأخيرا «بيبو وبشير».