السيسي .. رفض مساعدة الحرس في ارتداء حذائها وأصر أن يعمل ذلك بنفسه الحاجة زينب للمسائية كنت بشوف وكتبولي علي حقن الواحدة ب 50 جنيه ومقدرناش نجبها علشان غالية أنا عاوزة أدخل قبري وانا مش بشوف .. لان الدنيا وحشة والماسك فيها " ملعون " أنا بتابع كل

أصرت المسائية علي قضاء الساعات الأولي في أول أيام عيد الفطر المبارك مع السيدة / زينب مصطفي مسعد الملاح 84 عام مواليد 1930 م بقرية منيه سندوب مركز المنصورة محافظة الدقهلية للتعرف علي حياتها وكيف تعيش وتتعايش مع ظلمة الحياة ونور الهدي والحكمة .
في البداية أرغب أن أكتب كل كلمة بما تحمله من معاني بالغة الفطرة والنقاء ليصل رسالته من القلب للقلب لذلك سأبتعد كل البعد عن اللغة العربية في سياق الحديث بما حكم علي سير اللقاء .
يابني أنا عندي أربع أبناء السيد 65 سنه وزنوبه 63 سنه والدسوقي 56 سنه وشربات 54 سنه والصغيرة أمينه ، وعايشه في بيت ابني لوحدي وساعات كتير بطلع عند ابني الدسوقي أقعد معاه وأنزل تاني لوحدي علشان أنا بحب أذكر ربنا كتير والسبحة مش بتفارق أيدي .
عاوز تعرف أنا معنتش بشوف من امته هقولك من حوالي 28 سنه من عمر رانيا بنت شربات كنت شايلة محمد إبن بنتي وبعدين واحدة كانت راكبة حمار وخبطتني في جبيني رحت بعدها مستشفي في مصر عملولي عملية ومنفعتش والدكتور قال لجوزي نصبها كده وكتبلي علي ثلاث حقن الواحدة ب 50 جنيه قلت لجوزي متحملش هم أنا شفت بما يكفي من عمري ورحت بعدها مستشفي الرمد في المنصورة بعد جواب من سكرتير عام المحافظة وكشفت قالولي تعالي بعد 15 يوم رحت بعد المدة دي شافني الدكتور وقالي ال 15 يوم الفاتو معدش ينفع حاجة تتعمل قلته يا دكتور منا هنا من 15 يوم ومحدش قالي كده قالي نصيبك وكتبلي علي قطرة ذي قلتها ومجبتهاش روضيت بما كتبه الله لي .
والريس لما شافني قالي هبعتلك دكتور في المنصورة يتابع حالة عيني وكمان كان عاوز يجبلي سماعة علشان سمعي تقيل ورفضت وقلتله أنا مش عاوزة حاجة من الدنيا وعاوزة أدخل قبري وانا مبشفش لان " الدنيا مش حلوة والماسك فيها ملعون "
علي فكرة يابني أنا بصلي كل الفروض الحمد لله وصليت في رمضان التراويح والتهجد في البيت مش عاوزة أروح الجامع تعرف ليه ..! " ليه " علشان مبحبش اتعب حد ومشيلش حد همي وأكون خفيفه علي الناس من هيخدني الجامع ويقعدني وربعد كده يرجعني البيت ، ده أنا كمان مبخليش حد غريب يعملي حاجه في بيتي لاني مش بشوفه وأشيل نفسي جمايل مراة أبن ابني هي البتنضفلي وبتجبلي الأكل .
وكنت أيام ما بشوف يوم العيد الصبح برش البيت ملح وكل أوضه برشها ملح حتي السطح وأقول " يابركة رمضان متطلعيش من الدار " لكن دلوقتي لاعنت برش ولا بعمل حاجه قاعده ذي منا والبيجيلي ولادي وولاد ولادي .وربنا يقدرني وأصوم الست أيام البيض .
ابني سألني تتبرعي بحلقك بتاعي لصندوق تحيا مصر لما عجبني جدا إلي السيسي عملة واتبرع بنص مرتبه ونص ميراثه للصندوق لمصر وخدمة مصر قلت لبني يالا خدني ابيعه وقبل ما أروح أعد علي أختي أخد منها البطاقة وقلت لأختي اني هتبرع بالحلق لمصر ورحنا المنصورة للبنك ورفضوا يخدوا " الحلق " القراط الذهبي وقالوا بناخد فلوس بس ونزلنا السكة الجديدة نبيعه أول محل مرضاش يشتري والتاني قال أنا شغال في الدهب الصيني والتالت قال الله يسهلكوا كان مفكرنا بنشحت والرابع اشتراه ب 670 جنيه مع اني شرياه ب 800 جنيه ورحت البنك ودفعت 650 جنيه وسبت عشرين جنيه نرجع بيها أنا وإبني البيت " منا مش هعرف أرجع مشي يابني "
لا لا مش هقولك رؤيتي في المنام لحسن متحصلش والريس السيسي كان عاوز يعرف انا شفت في المنام ايه بس انا مقلتلوش علشان تتحقق بإذن الله . ومش هقول لحد أبدا ده بيني وبين ربنا .
أنا بسمع كل الأخبار في التلفزيون وبعرف البيحصل في ليبيا والعراق وسوريا وفلسطين وإذاي بقتلوا بعض وإذاي يفرقوا بنهم ودي فتنه ، يعني عرفت موضوع العساكر الماتوا قريب ربنا ينتقم منهم العمل فيهم كده ، والريس كان هيقبلني بس انشغل في ولادة الماتوا غدر .
فرحانه أوي أوي علشان أنا قبلت السيسي وقالي أنا سعيد بيكي أوي يا " أما " وسلم عليا وباس رأسي والمروض كنت أجيلك المنصورة مش إنتي التيجي هنا وأصر أنه يخرج يوصلني للعربية بنفسه ، ولما " الشبشب " بتاعي وقع وانا بركب العربية أصر أنه يلبسهوني بنفسه ومنع الحرس انهم يلبسهوني .. في أنضف من كده .. في تواضع أكتر من كده أذاي محبوش لازم أحبه علشان هوه راجل طيب لازم أحبه علشان مصر .. مصر دي بلدي الخيرها علي العالم كله ..بلد ال البيت واتذكرت في القران .. ده أنا كنت بروح مصر " بسبع برايز " .. والسيسي راجل متواضع أوي لله ربنا يبارك فيه ويصلح حالة كل ما كنت أدعيلة وانا قاعدة معاه يقولي ادعي لمصر .. وسألني انتي حجيتي يا حجه زينب قلته لا قالي يبقي هتروحي تزوري الكعبه وقبر الرسول وتحجي وتدعي لمصر وانتي هناك " قلته لا " انا مش عاوزه حاجه من البلد غير اني أحس ان مصر كويسة " قالي لا انتي هتطلعي تحجي علي حسابي الشخصي .. وسالني مش عاوزه حاجه قلتله مش عاوزةهغير إن بلدي تبقي في أمان وترجع مصر تاني أم الدنيا .. وقلتله والله ياريس " السبع النباح أحسن من الكلب إللي راح " ضحك أوي وقالي تقصدي أيه قلتله علي مرسي إللي راح والأخوان بيعيطوا عليه .. والعايط في الفايد نقصان للعقل .. همه الاخوان يابني مفكرين أن مرسي هيرجه تاني ده لما السما تنطبق علي الارض مش هيحصل خالص .
إن شاء الله لما أروح بيت الله في الحج أول دعوة لمصر أن ربنا يصلح حالها ويبعد عنها الحاقدين والحاسدين ، وهدعي للريس أن ربنا ينجيه من شرهم وكتير أوي يابني مش بيحبوه لانه هوه محترم وعاوز يعمل لمصر أي حاجه .
هنا بقي فرحانين أوي أوي وجالي ناس كتير يبركولي بعد ماشفوني مع الريس وعوزين هنا في البلد يعلقوا نور ويلموا أهل البلد ويكرموني لكن والله يابني أنا معنتش عاوزه حاجه من الدنيا ..ربنا ينجي ولادنا من جيش وشرطة وانتم كمان لأن العين عليكو ..
كما أجرت المسائية لقاء مع الدسوقي خليل الثالث أبناء الحاجه زينب والذي أكد في بداية حديثه بعد زيارته لرئيس الجمهورية هو هده الرئيس الحقيقي لمصر مش رئيس يقول أحنا يهمنا سلامة الخاطف والمخطوف والشاطر إليساوم مع حماس علي ثلاث ضباط وأمين شرطة يبقي مش مصري خالص .. وأنا براجع كلام أمي في طلبها من الرئيس بتعين إبني الحاصل ماجستير شريعة وقانون بأن يعين مع زملائه دون تجاوز لأحد أوي يعمل في أحد المشاريع التي تقوم من حساب صندوق تحيا مصر ..
وأضاف الدسوقي كنت بعمل في مصنع غزل في مصر وأغلق بسبب أزمة مالية وأنا قمت بشراء سيارة ربع نقل بعد قرض من بنك ناصر الاجتماعي علي معاشي أقوم بجمع الكراتين من المحلات بسعر الكيلو 40 قرش وابيعها ب 60 قرش وربنا كرمنا الحمد لله ..
الرئيس قالي تطلع مع الحاجه مرافق وأنا رفضت لأن " الميشفش من الغربال يبقي أعمي " أنا عارف انه هيطلعها علي نفقته الشخصية والتي تبلغ 60 ألف جنيه وقلتله أن ابن أخي سوف يستقبلها هناك .. والحمد لله أحد القنوات الفضائية قالت أنك هتطلع مع والحاجه علي حساب القناة .
وانتهزت المسائية اتصال شربات 54 سنه وتعيش بالإسكندرية البنت الرابعة للحاجة زينب التي عبرت عن مشاعر الفرحة بعد زيارة والدتها للرئيس وقالت انا لم أشاهد أمي علي التلفزيون لأني من البيت للمسجد ومن المسجد للبيت وأبنائي همه إلقالولي ..
واستطردت شربات وقالت أمي تعبت أوي لحد ماربتنا بعد ما أبويا توفي من 27 سنه وأحسنت تربيتنا علي أكمل وجه وأنا سعيدة جدا بحجها غن شاء الله .. وربنا يحمي الرئيس السيسي لمصر لانه بجد راجل محترم وقلبه علي البلد .